کوئٹہ چند دلچسپ حقائق کا مالک

کوئٹہ پاکستان کا ایک ایسا شہر ہے جسے چاروں اطراف سے پہاڑیوں نے گھیر رکھا ہے اور ان پہاڑوں کو مردار٬ زرغون٬ تختو اور چلتن کے نام سے جانا جاتا ہے- کوئٹہ کا شمار پاکستان کے اہم اور تاریخی شہروں میں کیا جاتا ہے جبکہ یہ صوبہ بلوچستان کا دارالحکومت بھی ہے- آج کوئٹہ کے حوالے سے ہم آپ کو چند اہم حقائق بتائیں گے جو یقیناً آپ کی معلومات میں اضافے کا سبب بنیں گے-

کوئٹہ صوبہ بلوچستان کا سب سے بڑا شہر ہے اور 2,653 اسکوائر کلومیٹر کے رقبے پر پھیلا ہوا ہے- اس شہر کی آبادی تقریباً 10 لاکھ افراد پر مشتمل ہے-

کوئٹہ شہر کی تاریخ 11ویں صدی سے جاملتی ہے جب اس محمود غزنوی نے قبضہ کیا تھا-

کوئٹہ اور اس کے اردگرد کے علاقوں میں وسیع پیمانے پر پھلوں کے باغات پائے جاتے ہیں٬ یہی وجہ ہے کہ کے اسے پھلوں کے باغات کا شہر بھی کہا جاتا ہے-

کوئٹہ اپنی معیاری خشک میوہ جات کے باعث بین الاقوامی سطح پر بھی مقبول ہے-

کوئٹہ پاکستان کا سب سے زیادہ اونچائی پر واقع شہر ہے-

اس شہر میں حیوانات کی متعدد اقسام پائی جاتی ہیں جن میں مارخور٬ چیتے٬ بھیڑیے٬ سنہری عقاب اور گدھ وغیرہ شامل ہیں-

پاکستان کا مشہور پہاڑی سلسلہ کوہِ سلیمان کوئٹہ کے مشرقی حصے میں واقع ہے-

کوئٹہ کا بولان میڈیکل کالج 1972 میں اس وقت قائم کیا گیا جب عطاﺀ اﷲ مینگل وزیر اعلیٰ تھے- اس میڈیکل کالج کو بلوچستان میں ایک خاص مقام حاصل ہے-

ہنہ جھیل ایک انتہائی خوبصورت جھیل ہے جو کہ شہر کے مشرقی حصے میں دس کلومیٹر کے فاصلے پر موجود پہاڑیوں کے درمیان واقع ہے-

کوئٹہ ائیرپورٹ پاکستان کا دوسرا بڑا بلند ترین ائیرپورٹ ہے-

کوئٹہ ریلوے اسٹیشن پاکستان کے بلند ترین ریلوے اسٹیشنوں میں سے ایک ہے- یہ اسٹیشن سطح سمندر سے 5499 فٹ کی بلندی پر واقع ہے-

بلوچستان یونیورسٹی کوئٹہ میں جون 1970 میں بنائی گئی اور یہ 200 ایکڑ کے رقبے پر پھیلی ہوئی ہے-

حیات درانی واٹر اسپورٹ اکیڈمی بلوچستان کا واحد واٹر اسپورٹس ٹریننگ سینٹر ہے-

کوئٹہ کے قریب ایک نیشنل پارک بھی واقع ہے جسے ہزار گنجی نیشنل پارک کہا جاتا ہے- ہزار گنجی کے معنی “ہزار خزانے“ کے ہیں- یہ پارک کوئٹہ سے 20 کلومیٹر جنوب مغرب میں واقع ہے اور 32500 ایکڑ کے رقبے پر پھیلا ہوا ہے-