مائیکرو سوفٹ کا پوری دنیا کو انوکھا چیلنج

ٹیکنالوجی کی دنیا کی مقبول ترین کمپنی مائیکروسوفٹ نے پوری دنیا کو ایک ایسا انوکھا چیلنج دیا ہے جس میں کسی اور کی دلچسپی ہو یا نہ ہو لیکن کم از کم سولیٹیر گیم کے پرستار تو ضرور اس میں اپنی دلچسپی ظاہر کریں گے-

جی ہاں مائیکرو سوفٹ کی جانب سے سولیٹیر گیم ایسے ٹورنامنٹ کا آغاز کیا جارہا ہے جس میں اس گیم شائقین کا مقابلہ مائیکرو سوفٹ کے بہترین کھلاڑیوں سے ہوگا-

اس ٹورنامنٹ کا آغاز اس گیم کی 25ویں سالگرہ کی موقع پر کیا جارہا ہے جو کہ 5 جون کو ہے-

ابتدا میں یہ ٹورنامٹ کمپنی کے ملازمین کے درمیان ہوگا جس کے بعد اس ٹورنامنٹ کے فاتح ملازمین کا مقابلہ عام افراد سے ہوگا-

مائیکرو سوفٹ کے اصل چیلنج کی شروعات اسی مرحلے سے ہوتی ہے جہاں کمپنی کا کہنا ہے “ پوری دنیا کو چیلنج ہے کہ آئیں اور ہمارے بہترین کھلاڑیوں کو شکست دیں“-

مذکورہ گیم ایک طویل مدت سے مائیکرو سوفٹ کی آپریٹنگ سسٹم ونڈوز کا حصہ ہے اور لوگوں کی ایک بڑی تعداد اس گیم کو شوق سے کھیلتی ہے-

< Previous مایوسی کے کچھ انوکھے اسباب اور منفرد حل NEXT > حاجیوں کے لئے منفرد اور جدید ای بریسلٹ