آج تک ہم صرف ایسی گائے ہی دیکھتے آئے ہیں جس کی خوراک
چارہ ہوتی ہے کیونکہ گائے ایک سبزی خور جانور ہے لیکن آپ کو یہ جان کر ضرور
حیرت ہوگی کہ اب ایک ایسی گائے بھی سامنے آئی ہے جس نے چارہ ترک کر کے گوشت
کھانا شروع کردیا ہے-
|
|
یہ انوکھی گائے کینیا کے ایک باڑے میں موجود ہے جہاں اس گائے نے چارے کو
چھوڑ کر بھیڑوں کو بطور خوراک کھانا شروع کر دیا ہے۔
کینیا کے جنوب مغرب میں واقع دیہی علاقے ناکورو کے ایک باڑے میں موجود اس
گوشت خور گائے کے حوالے سے کسان چارلس مابولیو کا کہنا ہے کہ “ میں نے ایک
صبح دیکھا کہ یہ گائے میری ایک بھیڑ کو زخمی کر کے کھا رہی ہے جبکہ اگلے ہی
دن وہاں سے ایک اور بھیڑ غائب ہوگئی“ ۔
“ پہلے تو میرا خیال تھا کہ گائے شاید زیادہ بھوکی ہے اس وجہ سے گائے کی
خوراک کو دگنا کر دیا گیا مگر اس کے باوجود گائے نے بھیڑوں کا پیچھا نہیں
چھوڑا-
|
|
مقامی زرعی افسر البرٹ کبوگی کے مطابق بعض خشک موسم ہونے کی وجہ سے جانوروں
کو چارے سے وہ غذائی اجزا حاصل نہیں ہوپاتے جو عام حالات میں آسانی سے
دستیاب ہوتے ہیں۔ اس لیے ممکن ہے کہ یہ غذائی قلت کے باعث ہوا ہو۔ |