ڈاکو بھائی لوگوں کے نام
(farah ejaz, dearborn, mi USA)
جی ہاں عنوان سے ہی آپ لوگوں کو
یہ مضمون عجیب لگے گا ۔۔۔۔۔ اور ہماری ذہنی حالت پر شک میں بھی ہوسکتا ہے
پڑجائیں کہ آخر ان محترمہ کو سوجی کیا جو ڈاکو برادران کو خط لکھنے بیٹھ
گئیں ۔۔۔۔۔۔۔ لیکن کیا کریں ہاتھوں میں ایک واقعہ کی وجہ سے کھجلی شروع
ہوگئی تو مجبورا“ عین عادت بہن جی کے مطابق اس موضوع خواص پر لکھنے بیٹھ
گئے ۔۔۔۔۔ تو جناب یہ ذرا دور دور رہئے ٹائیپ ٹاپک ہے ۔۔۔۔۔۔۔۔۔۔۔ نہ جن
بھائی جانوں پر بات کرینگے اور نہ ہم وطنوں پر کچھ کہنا چاہینگے
۔۔۔۔۔۔۔۔۔۔۔۔ آج صرف ڈاکو صاحبان پر بات ہوگی ۔۔۔۔۔۔۔۔۔۔۔۔ ہاں تو جناب یہ
ڈاکو بھائی لوگوں کے لئے ایک کھلا پیغام ہے کہ بھائی جی آپ لوگ ڈاکے ڈالتے
ہوئے اور لوگوں کو مارتے ہوئے تھکتے کیوں نہیں ۔۔۔۔۔۔۔۔۔۔۔۔۔ پاکستان میں
تو کافی دہشت پھیلا رکھی ہے ۔۔۔۔۔۔۔۔۔۔ لوگ جنات سے نہیں ڈرتے نہ چڑیلوں کا
خوف ہوتا ہے ۔۔۔۔۔۔۔۔۔۔۔ لیکن لفظ ڈاکو پر ہی بندے کو ہارٹ اٹیک آنا شروع
ہوجاتے ہیں ۔۔۔۔۔۔۔۔۔۔۔ میرے خیال میں جنات بھی ڈاکو بھائی لوگوں سے کوسوں
دور بھاگتے ہونگے (لٹنے کا ڈر جو ہے) ۔۔۔۔۔۔۔۔۔۔۔۔۔۔
حولیہ دیکھو تو جنات کی بھی چیخیں نکل جائیں ۔۔۔۔۔۔۔۔۔۔ بڑی بڑی مونچھیں
۔۔۔۔۔۔۔۔ عجیب سی لال لال آنکھیں جیسے کسی کا خون پی کر آرہے ہوں ۔۔۔۔۔۔۔۔
اوپر سے گندی زبان ۔۔۔۔۔۔۔۔۔۔ الله معاف کرے بیچارے پاکستانیوں پر ہر طرف
سے ہی مار پڑ رہی ہے ۔۔۔۔۔۔ مہنگائی کا جن ہو یا غیر ضروری تگڑی یوٹیلیٹی
بلز ۔۔۔۔۔۔۔۔۔۔ اوپر سے بجلی کی آنکھ مچولی ۔۔۔۔۔۔۔۔۔۔۔۔ آدھا گھنٹا بھی
نہیں گزرتا کے چھپن چھپائی شروع۔۔۔۔۔۔۔۔۔۔۔۔۔ اور ایسے بجلی بہن چھپ تی ہیں
کے گھنٹوں گزر جاتے ہیں پر کوئی انہیں ڈھونڈ نہیں پاتا ۔۔۔۔۔۔۔۔۔۔۔۔۔ واپڈا
والوں سے یہ گن ورثے میں ملا ہے انہیں ۔۔۔۔۔۔۔۔۔۔۔۔۔۔ پھر ہمارے بھتہ خوروں
اور ڈاکو بھائی لوگوں کا خوف ۔۔۔۔۔۔۔۔۔۔۔۔۔۔۔۔۔۔ ویسے بھتہ خوروں کی بھی
عجیب کہانی ہے ۔۔۔۔۔۔۔۔۔ ہر سیاسی پارٹی کی ضرورت ہوتے ہیں یہ لوگ
۔۔۔۔۔۔۔۔۔۔۔ بھتہ دو ورنہ سنگین نتائج کی دھمکیاں ۔۔۔۔۔ جو خالی دھمکیاں
نہیں ہوتیں ۔۔۔۔۔۔۔۔۔۔ جو پرواہ نہیں کرتے یا نظر انداز کر دیتے ہیں
۔۔۔۔۔۔۔۔ وہ بیچارے جان سے ہی ہاتھ دھو بیٹھتے ہیں ۔۔۔۔۔۔۔۔۔۔۔۔۔۔۔ پارٹیاں
پرزور طریقے سے چیخ پکار کرتی ہیں ۔۔۔۔۔۔۔۔۔۔ لیکن درپردہ سارا مال ان
سیاسی پارٹیوں کے پاس ہی پہنچ جاتا ہے ۔۔۔۔۔۔۔۔۔۔۔ آخر اگلے الیکشن کی بھی
تو تیاری کرنی ہے نا ۔۔۔۔۔۔۔۔۔۔۔۔ جناب سب خوش ۔۔۔۔۔۔۔۔۔۔۔۔۔۔۔۔۔۔۔۔۔
ایف آئی آر درج کرانے جاؤ کہیں ڈاکا پڑ جائے تو زیادہ تر تو درج ہی نہیں
ہوتیں ۔۔۔ ایک مزے کا قصہ ہے ۔۔۔۔۔۔ کسی کے گھر ڈاکا پڑا ۔۔۔ جب ڈاکو چلے
گئے تو جن کے گھر ڈاکا پڑا تھا وہ صاحب پولیس اسٹیشن پہنچ گئے ۔۔۔۔۔۔۔۔۔
جیسے ہی اندر داخل ہوئے فورا“ الٹے قدموں باہر نکل آئے ۔۔۔۔۔۔۔۔۔۔۔۔ کیونکہ
جو صاحب ایف آئی آر لکھ رہے تھے وہ ان ڈاکوؤں میں سے ایک تھے ۔۔۔۔۔۔۔۔۔۔ اب
سوچنے کی بات یہ ہے کے دو لٹیرے یعنی وردی اور ڈھانٹے باندھنے والے جب ایک
ہوجائینگے تو عوام جو عام طور پر غربا پر مشتمل ہوتی ہے ۔۔۔۔۔۔۔ وہ بیچاری
کہاں جائیگی ۔۔۔۔۔۔۔۔۔۔۔۔
تو جناب ڈاکو صاحبان کبھی یہ بھی سوچا ہے کہ آپ کے گھر میں ڈاکا پڑ جائے تو
کیا محسوسات ہونگے آپ لوگوں کے ۔۔۔۔خواتین سے بتمیزی کرنا ۔۔۔انہیں حراساں
کرنے کی کیا ضرورت ہے ۔۔۔۔۔۔۔۔ ڈاکے شوق سے ڈالئے لیکن خواتین کو تو بخش
دیجئے ۔۔۔۔۔ آپ کے گھر میں بھی تو ماں بہنیں ہونگیں نا ۔۔۔کوئی ان کی طرف
برائی ے دیکھے تو آپ کا خون کھول جاتا ہوگا نا ۔۔۔۔۔۔۔ ایسے ہی جذبات آپ کے
خلاف بھی لوگوں کے ہوتےہیں ۔۔۔۔۔۔۔۔
ویسے ایسے واقعات سن کر ہمارا بھی خون کھول جاتا ہے۔۔۔۔۔۔۔۔۔۔ جی چاہتا ہے
کہ اپ لوگوں کی وہ دھلائی کریں کے آپ لوگوں کو پوری ڈاکو برادری کی نانیاں
یاد آجائیں ۔۔۔۔۔۔۔۔۔۔ لیکن بعض خواہشیں ایسی ہوتی ہیں جو اندر ہی گھٹ کر
رہ جاتی ہیں ۔۔۔سو یہ بھی انہی خواہشات میں سے ایک ہے ۔۔۔۔۔۔۔ مانتے ہیں
بندوق کے آگے ہر کسی کی بولتی بند ہوجاتی ہے ۔۔۔۔ پھر ہم تو ایک کمزور
مخمنی سی خاتون ہیں ۔۔۔۔۔۔۔۔۔۔۔ بہرحال الله تعالی آپ لوگوں کو ہدایت دے
۔۔۔۔۔۔۔۔۔۔۔ اور آپ لوگ اپنی کرتوتوں سے باز آجائیں ۔۔۔۔۔ ورنہ جان لیجئے
صحیح حدیث کے مطابق آپ کا ٹھکانا جہنم ہے ۔۔۔۔۔۔۔ وہاں جہنم داروغہ کو اپنے
قصے سنائیے گا ۔۔۔۔۔ شائد شوق سے سن لے ۔۔۔۔۔۔۔۔۔۔۔۔۔۔ آگے کچھ لکھنے کی
ہمت ختم ہوگئی ہے اس لئے آپ لوگوں سے ہمارا الله ہی حافظ ہے ۔۔۔۔۔ |
|