چین کے صوبے سنکیانگ کے پہاڑوں میں ایک ایسا گڑھا دریافت
ہوا ہے جس میں خوفناک آگ بھڑک رہی ہے اور اس دہکتے گڑھے کا درجہ حرارت اس
حد تک بلند ہے کہ گڑھے کے قریب کھڑے ہونا تقریباً ناممکن ہے-
|
|
مقامی افراد کی جانب سے اس گڑھے کو جہنم کا دروازہ قرار دیا جارہا ہے-
سنکیانگ کے علاقہ ارومکی میں دریافت ہونے والے اس گڑھے کا درجہ حرارت 792
ڈگری سینٹی گریڈ ہے جبکہ یہ درجہ حرارت بھی ماہرین نے 6 فٹ کے فاصلے سے نوٹ
کیا ہے۔ ماہرین کے مطابق اس گڑھے کا قطر تقریباً 3 فٹ ہے-
مقامی افراد کا کہنا ہے کہ “ ہمارے علاقے میں جب کوئی آتش فشاں پہاڑ موجود
نہیں ایسے کسی گڑھے کا دریافت ہونا سمجھ سے بالاتر ہے۔
تاہم جیولوجیکل بیورو کے ماہرین کا ماننا ہے کہ یہ دہکتا گڑھا زیرِ زمین
موجود کوئلے کی تہہ میں لگنے والی آگ کی وجہ سے نمودار ہوا ہے-
|
|
سنکیانگ فائر بیورو کے مطابق 1970ء کی دہائی میں یہاں درجنوں کوئلے کی
کانیں موجود تھیں لیکن ان کانوں کو کان کنی کے بعد ٹھیک انداز میں بند نہیں
کیا گیا یہی وجہ ہے کہ زیر زمین موجود کوئلے میں آگ لگی ہے۔ |