بہادر پاکستانی شہری٬ شیر صرف چند فٹ دور

پاکستانی شہری اپنی بہادری کی وجہ سے دنیا بھر میں مشہور ہیں اور اس کی ایک زندہ مثال اس وقت بھی سامنے آئی جب ایک پاکستانی شہری نے ایک شیر کی تصویر صرف چند فٹ کی دوری سے کھینچی-

یہ حیرت انگیز واقعہ پاکستان کے شہر لاہور میں پیش آیا جہاں پاکستانی نوجوان عاطف سعید نے لاہور سفاری پارک کی سیر کے دوران ایک شیر کو بیٹھے ہوئے دیکھا اور اس کی تصویر کھینچنے شیر کے قریب پہنچ گیا-

یہ نوجوان شیر کے تصویر قریب سے کھینچنے کے لیے اپنی گاڑی سے باہر نکلا اور رینگتا ہوا شیر کے انتہائی قریب جا پہنچا- جس وقت عاطف سعید نے یہ تصویر کھینچی اس وقت شیر اور عاطف کا درمیانی فاصلہ محض 10 فٹ تھا-

تاہم عاطف نے جیسے ہی تصویر کھینچی تو کیمرے کے کلک کی آواز سے شیر چونک اٹھا اور اس نے عاطف پر چھلانگ لگا دی-

عاطف کا کہنا ہے کہ شیر کے چھلانگ لگاتے ہی میں فوراً اپنی گاڑی کے نیچے گھس گیا جو کہ میرے قریب ہی کھڑی تھی جبکہ گاڑی کے دروازے بھی کھلے تھے-

عاطف کا مزید کہنا ہے کہ شاید ہی میں کبھی دوبارہ ایسی حرکت کروں کیونکہ اس وقت میں اور شیر انتہائی قریب تھے-

< Previous دنیا کے چند خطرناک ترین ائیرپورٹ NEXT > چین میں جہنم کا دروازہ دریافت