چھانگا مانگا کیوں کہتے ہیں؟ پاکستان کا عظیم تاریخی ورثہ

پاکستان حیرت انگیز مقامات کا گھر ہے اور انہی مقامات میں سے ایک چھانگا مانگا کا جنگل بھی ہے- اسے دنیا کا سب سے بڑا انسانی منصوبہ اور انسانوں کی جانب سے بنایا جانے والا سب سے بڑا مصنوعی جنگل قرار دیا جاتا ہے- برطانوی دورِ حکمت میں بنائے جانے والے اس مصنوعی جنگل کا مقصد اس وقت کے اسٹیم انجنوں کو لکڑی فراہم کرنا تھا- چھانگا مانگا کے جنگلات صوبہ پنجاب کے شہر لاہور سے 70 کلومیٹر کے فاصلے پر واقع ہیں اور 12 ہزار ایکڑ کے وسیع ترین رقبے پھر پھیلے ہوئے ہیں-

اسے چھانگا مانگا کیوں کہتے ہیں؟
ان جنگلات کا نام بھی لوک کہانی پر مشتمل ہے- یہ دو بھائیوں کی کہانی ہے جن میں سے ایک کا نام چھانگا اور دوسرے کا نام مانگا تھا- یہ دوںوں بھائی چور تھے اور حکام سے بچنے کے لیے ان جنگلات میں چھپ جایا کرتے تھے- ان بھائیوں کے قصے اس کے علاقے کے بارے میں جاننے والے ہر بچے کے لیے دلچسپی کا باعث ہوتی ہیں-
 

محل وقوع:
چھانگا مانگا کے جنگلات لاہور اور ساہیوال کے درمیان قومی شاہراہ کے مشرقی حصے میں تقریبا 10 کلومیٹر پر واقع ہیں. ایک بہت بڑا علاقہ ہونے کی وجہ سے اس کا کچھ حصہ قصور ضلع اور جبکہ کچھ لاہور ضلع میں آتا ہے-

شجرکاری کی تاریخ:
چھانگا مانگا کے جنگلات میں شجرکاری کا آغاز 1866 میں کیا گیا- اس جنگل کا پہلا ابتدائی ورکنگ پلان 1871 میں Mr. B. Ribbentro نے تیار کیا- اور یہاں سب سے پہلے درختوں کی کٹائی 1881 میں شروع ہوئی- 1888 میں برطانوی حکام نے فیصلہ کیا کہ وہ اس جنگل کے ایک وسیع رقبے پر شیشم کی لکڑی اگائیں گے-