لندن ڈیزائن میوزیم میں آرکیٹیکچر سے لے کر گاڑیوں اور
کرسیوں کی ڈیزائن تک کی عالمی سطح پر بہترین تخلیق کا جشن منایا جا رہا ہے
اور اب یہ جشن آٹھویں سال میں داخل ہوچکا ہے- سال 2015 کے بہترین ڈیزائنوں
کو لندن کے ڈیزائن میوزیم میں 23 اگست تک دیکھا جا سکتا ہے۔ آئیے آپ کو بھی
چند فاتح اور دنیا کے بہترین ڈیزائن دکھاتے ہیں-
|
میز
یہ میز ایک خاص قسم کے شمسی سیل سے آراستہ ہے- اس سیل کے زریعے فون اور
ٹیبلٹس وغیرہ چارج کیے جاسکتے ہیں- اس سیل کو چارج ہونے کے لیے سورج کی
روشنی کی ضرورت نہیں ہوتی بلکہ یہ عام روشنی سے توانائی حاصل کرلیتا ہے- |
|
کوڈنگ
کمپیوٹر کی دنیا میں “ کوڈنگ “ سب سے زیادہ اہمیت کی حاصل ہوتی ہے- Kano کی
ڈیزائن کردہ یہ ڈیوائس تمام عمر کے افراد کو ایک کپمیوٹر کو تیار کرنے اور
اس کی بنیادی کوڈنگ کو سمجھنے میں مدد فراہم کرتی ہے-
|
|
پروجیکٹ ڈینیل
یہ دنیا کی سب سے پہلی تھری ڈی مصنوعی اعضا تیار کرنے والی لیب ہے- اس لیب
کے بانی Mick Ebeling نے پہلے تو تجربے کے لیے ایک ایسا سوڈانی نوجوان تلاش
کیا جس کے دونوں بازو ایک بم دھماکے نتیجے میں کھو چکے تھے- اس وقت سے اس
لیب میں دو تھری ڈی پرنٹر رکھے گئے تاکہ زیادہ سے زیادہ افراد مصنوعی اعضاﺀ
حاصل کرسکیں اور وہ بھی صرف 100 ڈالر میں-
|
|
بل بورڈ
پیرو میں نصب یہ بل بورڈ دیکھنے میں ایک عام سا بل بورڈ معلوم ہوتا ہے لیکن
حقیقت یہ ہے کہ یہ بل بورڈ ایک ایسی ٹیکنالوجی سے آراستہ ہے جو آج کے دور
کے لیے انتہائی اہم ہے- یہ بل بورڈ آسمان سے آنے والی آلودگی کو صاف کرتا
ہے اور بدلے میں 1 لاکھ کیوبک میٹر کے حساب سے صاف ہوا کو مقامی ماحول میں
شامل کرتا ہے- جو کا یہ واحد بل بورڈ کرتا ہے وہ 1200 درخت مل کر کرتے ہیں-
|
|
مسجد
پہلی نظر میں یہ کوئی تاریخی عمارت معلوم ہوتی ہے جو کہ استنبول میں واقع
ہے لیکن درحقیقت یہ ایک استنبول کی نئی مسجد ہے- منفرد ڈیزائن کی حامل یہ
Sancaklar نامی مسجد Emre Arolat نے ڈیزائن کی ہے-
|
|
فوڈ مارکیٹ
یہ نیدر لینڈ کی نئی فوڈ مارکیٹ ہے اور Markthal کے علاقے روٹرڈیم میں واقع
ہے- اس عمارت میں 228 اپارٹمنٹ میں بھی تعمیر کیے گئے ہیں جبکہ ہر اپارٹمنٹ
کی کھڑکیاں اور شیشے کے بنے فرش ساؤنڈ پروف ہونے کے ساتھ ساتھ smell-proof
بھی ہیں-
|
|
کششِ ثقل کی ضد
اس عمارت کے چند حصے کششِ ثقل کے قوانین کو دھوکہ دیتے محسوس ہوتے ہیں- یہ
بلند و بالا عمارت سڈنی میں تعمیر کی گئی ہے- تصویر میں دیکھا جاسکتا ہے کہ
اس عمارت پر ایک عمودی شکل کا باغ بنایا گیا ہے جسے ایک فرانسیسی آرٹسٹ اور
ماہر نباتات نے مل کر ڈیزائن کیا ہے-
|
|
فاؤنڈیشن لوئس وتوں
یہ عجیب و غریب ڈیزائن کی حامل عمارت پیرس میں تعمیر کی گئی ہے- اس عمارت
میں تین ہزار سے زائد شیشے کے پینل نصب کیے گلے ہیں- عمارت کو مختلف کنسرٹ
اور آرٹ کی نمائش منعقد کرنے کے لیے استعمال کیا جاتا ہے- |
|
بی ایم ڈبلیو
گزشتہ چند سالوں سے ٹرانسپورٹ کے سیکشن میں ماحول دوست پیداوار اور بہترین
کارکردگی کی حامل گاڑیوں پر توجہ مرکوز کی جارہی ہے- بی ایم ڈبلیو کی i8
plug-in hybrid کا دعویٰ ہے کہ اس نے اپنی کارکردگی کو مزید بہتر بنایا ہے
اور یہ سب گاڑی کے ڈھانچے کے وزن میں کمی کے بدولت ممکن ہوا ہے- |
|