|
بھارت کے ایک گاؤں میں تو دلہن نے شادی سے صرف اس لیے
انکار کردیا کہ دولہا ریاضی کے آسان سے سوالات حل کرنے میں کامیاب نہ ہوسکا
جبکہ دولہا کا یہ امتحان دلہن نے خود لیا تھا جس میں دولہا ناکام ہوگیا-
شادی کی یہ تقریب رواں ہفتے بدھ کو شادی کی تقریب ہندوستانی ریاست اتر
پردیش کے شہر کان پور کے انڈسٹریل ایریا کے قریب واقع رسول آباد گاؤں میں
منعقد کی گئی تھی -
|
|
|
|
شادی کی تقریب میں لڑکی نے اپنے دولہا کو ریاضی کے کچھ سوالات دیے جو کہ
دولہا نے غلط حل کیے جس پر دلہن نے شادی کرنے سے انکار کردیا-
لڑکی کی جانب سے ریاضی کا ایک سوال کچھ یوں تھا کہ 15 جمع 6 کتنے ہوتے ہیں؟
دولہا نے اس کا جواب 17 دیا، جو کہ یقیناً یہ ایک غلط جواب تھا۔
دولہا کے خاندان نے لڑکی کو راضی کرنے کی بہت کوشش کی لیکن وہ راضی نہ
ہوئی-لڑکی کا کہنا تھا کہ لڑکے کی تعلیم کے حوالے سے ہمیں غلط آگاہ کیا گیا
ہے-
لڑکی کے والد موہر سنگھ کا کہنا تھا کہ “جو سوال دولہے کو دیا گیا تھا وہ
تو کوئی پہلی جماعت کا طالب علم بھی حل کرسکتا ہے- ہمارے ساتھ لڑکے والوں
نے لڑکے کی تعلیم کے حوالے سے غلط بیانی سے کام لیا ہے“-
اس موقع پر مقامی پولیس نے دونوں خاندانوں کے درمیان معاملات طے کروائے اور
شادی سے قبل دیے جانے والے تمام تحائف اور زیورات لڑکی والوں کو واپس
کروائے۔
|