شام تنہائی (قسط 17)

اس نے چھری کو لاک میں لگایا اور گھمانے لگی ۔۔مگر اس سے لاک نہ کھلا ۔۔۔۔۔۔
پھر اس نے دوسری چھری اٹھائی اور اسے بھی لاک میں لگا کر گھمانے لگی ۔۔۔مگر اس سے بھی لاک نہ کھلا ۔۔۔اس نے ایک ایک کر کے تمام ہتھیار کا استمال کیا ۔۔۔۔اس کے چہرے پہ بے چینی نمایاں تھی ۔۔۔اور اس سے جب لاک نہ کھلا تو وہ مایوسی سے بیٹھتی چلی گئی ۔۔۔
ایک آخری امید تھی اب وہ بھی نہ رہی۔۔۔
وہ وہیں بیٹھی اپنی قسمت کی ستم ظریفی پہ روتی رہی ۔۔۔۔
وہ دونوں ہاتھوںسے چہرہ چھپائے ہویے تھی ۔۔۔۔
تھوڑی دیر بعد وہ پھر سے اس نے سب سے پہلے گھمائی گئی چھری اٹھائی اور آہستہ آہستی اس کو لاک میں گھمانے لگی ۔۔۔
کچھ دیر کی کوشش کے بعد لاک کھل گیا ۔۔۔
وہ منہ پہ ھاتھ رکھے حیرت اور خوشی کے ملے جلے احساس سے دونوں ھاتھ منہ پہ رکھے ۔۔۔۔۔کھلے لاک کو دیکھنے لگی ۔۔۔۔
شکر ہے‘‘ ۔۔۔‘ وہ منہ میں بڑبڑائی ۔۔۔۔
اس نے تیزی سے ہینڈل گھمایا اور وہ کھل گیا ۔۔۔وہ باہر نکل کر سیڑھیوں کی طرف بڑھی
مگر اسے کچھ کمی سی لگی ۔۔۔۔اس کے تن پہ دوپٹہ نہیں تھا ۔۔۔۔
وہ کہیں پیچھے ہی رہ گیا تھا ۔۔۔۔۔شاید گاڑی میں ۔۔۔۔
وہ تیزی سی اندر کمرے کی طرف بھاگی اور ۔۔۔
بیڈ پہ بچھی ہوئی ہلکے فیروزی رنگ کی چادر کھینچ کر اتار لی ۔۔۔۔
اور اپنے اور لپیٹ لی ۔۔۔۔اس نے اپنا آدھا چہرہ بھی چھپا لیا ۔۔۔
پھر وہ تیزی سے دوبارہ سیڑیوں کی طرف بھاگی ۔۔۔
یہ تنگ و تاریک سیڑھیاں تھی ۔۔۔۔اور اندھیرا بھی تھا ۔۔۔۔وہ بمشکل پاؤں رکھ پا رہی تھی ۔۔۔۔
وہ چادر سنمبھالتی آہستہ آہستی سیڑیاںٍ اترنے لگی ۔۔۔۔۔
وہ نے آخری سی�ڑھی پہ قدم رکھا تو باہر کا من�ظ�ر صاف واضح تھا ۔۔۔۔
اس نے اپنا چہرہ اور چھپا لیا اور ۔۔۔باہر سڑک تھی اور گاڑیاں تیزی سے گزر رہی تھیں وہ اتنا ٹریفک او ر رش دیکھ کر حیران رہ گئی ۔۔۔
وہ بھاگتی ہوئی ۔۔۔۔سڑک کے ایک طرف جا رہی ھی ۔۔۔پاس گزرتے لوگ اسے حیرانی سے دیکھ رہے تھے ۔۔۔۔
مگر وہ جلد از جلد س علاقے کی حدود سے نکل جانا چاہتی تھی ۔۔۔۔
اس کتے چہرے پہ گھبراہٹ طارہ تھی ۔۔۔
انجان شہر
انجان انجان رستے انجان لوگ ۔۔۔۔
بے اختیار ۔۔۔پھر سے اس کے آنسو اس کے گالوں کو بھگونے لگے ۔۔۔
اسے سمجھ نہیںں آ رہی تھی وہ کس طرف جائے ۔۔۔
مگر
وہ پھر بھی تیز تیز چلتی رہی ۔۔۔۔۔۔
اسے یاد آنے لگا ۔۔۔
بھئی فرح تو اتنی تیز بھاگتی ہے ۔۔۔کہ اسے پکڑنا مشکل ہو جاتا ہے ۔۔۔۔‘‘
تیز تیز بھاگتی فرح کے پیچھے بھاگی ہوئی صائمہ بولی ۔۔۔
اور فرح صائمہ کہ بات پہ ہنس پڑی ۔۔۔۔
مگر آج جسے اس کے قدموں میں جان ہی نہ تھی ۔۔۔۔وہ قدم آگے بڑھاتی اور وہ پیچھے کو پڑتے


٠٠٠٠٠٠٠٠٠٠٠٠٠٠٠٠٠

وہ ممی پاپا کو رسیو کرنے ۔۔۔ائیر پورٹ پہ کھڑا تھا ۔۔۔۔
پچھلے آدھے گھنٹے سے وہ وہیں پہ کھڑا تھا ۔۔۔۔۔ڈرائیور نے کہا ۔۔۔۔
صاحب آپ بیٹھ جائیں ۔۔۔۔‘‘ تھک جائیں گے ۔۔۔۔‘‘وہ عاجزی سے بولا ۔۔۔
‘‘نو ۔۔۔اٹس اوکے ۔۔۔۔‘‘ آپ بیٹھ جائیں وہاں پہ ۔۔۔‘‘ اس نے اپنے پاس کھڑے ڈرائیورکرسوں کی طرف اشارہ کرتے ہوئے کہا ۔۔۔
مگر وہ وہیں شاہ زر کے پاس کھڑ رہا ۔۔۔۔
شاہ زر کا چہرا ہر قسم کے تاثرات سے پاک تھا ۔۔۔۔نہ تو اس کے چہرے پہ خوشی کا عکس تھا اور نہ ہی کوئی اور تاثر ۔۔۔۔
یوں جیسے وہ یہاں بلا وجہ کھڑا ہو ۔۔۔
اس نے اپنے سامنے آتے اپنے پیرنٹس کو دیکھا ۔۔۔۔ پاپا اسے دیکھ کر مسکرائے ۔۔۔۔
وہ اب بھی پہلے کی طرح ینگ تھے ۔۔۔۔دونوں کے چہرے پہ پہلے جیسی ہی تروتازگی تھی ۔۔۔۔یوں جیسے وقت نے ان پہ کچھ اثر ہی نہ کیا تھا ۔۔۔۔
وہ پاپا کی جانب بڑھا ۔۔۔۔جبکہ ممی ادھر ادھر دیکھ رہیں تھیں ۔۔۔
آٹھ سال ۔۔۔
پورے آٹھ سال بعد اس کے سامنے تھے ۔۔۔
شا زر کو ایک پل کے لیے لگا کہ کوئی اپنا بھی ہے ۔۔۔۔اپنائیت کا احساس اس کے دل میں اترنے لگا ۔۔۔
اسے خوشی محسوس ہونے لگی ۔۔۔۔
پاپا اور ممی اس کے پاس پہنچے ۔۔۔وہ ان کے گلے لگنے کے لیے ان کی طرف بڑھا ۔۔۔
جبکہ پاپا نے اس کی طرف مصافحے کے لیے ہاتھ بڑھایا ۔۔۔۔
اس کی بے اختیاری وہیں رہ گئی ۔۔۔۔
اس نے پاپا سے ہاتھ ملایا ۔۔۔
وہ خوشی جو اسے کچھ دیر پہلے پر امید کر چکی تھی ۔۔۔
اب وہ خوشی مدہم پڑنے لگی ۔۔۔
اوہ تم شاہ زر ہو نہ ۔۔۔‘‘ ممی اسے حیرانی سے مسکراتے ہوئے پوچھنے لگیں ۔۔۔
اور شاہ زر نے شرمندگی سے سر جھکا لیا ۔۔۔
ایک ماں اپنے بیٹے کو پہچان نہ پائی تھی ۔۔۔۔
ارے تم نے پہچانا نہیں اپنے بیٹے کو ۔۔۔‘‘شاہ زر کے پاپا مسکرا کر ممی کو دیکھتے ہوئے بولے ۔۔۔۔
ارے نہیں نہیں ۔۔۔‘‘وہ ایکچولی ۔۔‘‘یہ تو سمارٹ سا ہوا کرتا تھا ۔۔۔‘‘ اور اب تو پہلے سے بہت بدل گیا ہے ۔۔۔۔‘
کافی ہینڈسم ہو اور بیوٹی فل ہو گیا ہے ۔۔۔۔‘‘ممی نے مسکرا کر بات کو سنمبھالا ۔۔۔
شاہ زر کے لیے ان کا نہ پہچاننا کوئی حرانی کی بات نہ تھی ۔۔۔۔۔وہ تو ہمیشہ سے ایسے ہی تھے ۔۔۔سالوں بعد پاکستان آتے اور ۔۔۔
بزنس میٹنگز میں بزی رہتے اور پھر واپس چلے جاتے ۔۔۔۔ نہ کھبی شاہ زر کو کال کی ۔۔۔۔پاکستان بھی وہ بزنس کے لیے آتے تھے ۔۔۔۔
ورنہ شاید کھبی نہ آتے ۔۔۔۔
ممی پاپا نے نہ اس کا حال پوچھا اور نہ ہی اس سے کوئی اور بات کی ۔۔۔
چلیں۔۔۔۔‘‘ ڈرائیور گاڑی میں سامان رکھنے لگا ۔۔۔۔
اور پھر سارہ رستہ ممی پاپا اس سے بزنس کے بارے میں بات کرتے رہے ۔۔۔
وہ امید کی کرن جو اس کی آنکھوں میں لنحے بھر کے لیے جاگی تھی ۔۔۔۔اب وہ بجھ چکی تھی ۔۔۔۔


٠٠٠٠٠٠٠٠٠٠٠٠٠٠٠٠٠

جگن تین دن بخار میں رہی ۔۔۔ آج جکل ستارہ بائی اس کے آس پاس منڈلاتی رہتیں ۔۔۔وہ اس کا خیال رکھنے لگیں تھیں ۔۔۔
خود جگن کو میڈیسن کھلاتی تھیں ۔۔۔ اس کی طبیعت کا پورا دیھان رکھتی تھیں جگن اپنی ماں کے اس رویے پہ حیران تھی ۔۔
اس کی ماں نے آج تک اس سے ماؤں والا سلوک نہیں کیا تھا ۔۔نہ وہ اسے زیادہ مخاطب کرتیں ۔۔۔وہ نہیں چاہتی تھیں کہ جگن اس کے معملات میں دخل دے ۔۔۔۔پہلے جگن اپنی ماں کو اس کام سے روکتی تھی ۔۔۔
جب اس کی ماں لڑکیوں کو بوڑھے آدمیوں کو بیچ دیتی تو جگن اس سے لڑ ائی کرتی ۔۔۔
اس لیے اب ستارہ بائی اسے کم ہی بات کرتیں تھیں ۔۔۔۔
اسے ستارہ بائی کے اس رویے پہ حیرت ہو ریئ تھی ۔۔۔شاید مجھے بخار ہے اس وجہ سے ان کی ممتا جاگ اٹھی ہے۔۔۔اس نے دل میں سوچا ۔۔۔۔
وہ بیٹھی انہ سوچوں میں گم تھی جب ستار بائی اس کے پاس آ کر بیٹھی ۔۔۔
سرخ لانگ فراک ۔۔۔۔اور چوڑی دار پاجامہ پہنے میک اپ کیے ہویے وہ جگن کے پاس بیٹھ کر اس کا ماتھا چومنے لگی ۔۔۔۔
جگن کو نجانے کیوں غصہ آنے لگا ۔۔
کیسی ہے میری بیٹی اب بخار کم ہوا ۔۔‘‘ستارہ بائی نے مٹھاس بھرے لہجے میں پوچھا ۔۔۔
مگر جگن چپ چاپ اپنی ماں کا چہرہ تکتی رہی ۔۔۔ اس خوشبو اور اس مٹھاس سے مبرا ۔۔۔۔ جو ایک ممتا کا احساس ہو سکتا ہے ۔۔۔۔
منافقت اور خباثت اس کی مصنوئی مسکراہٹ سے واضح تھی ۔۔۔۔
جگن نے رخ موڑ لیا ۔۔۔۔
جگن بیٹی۔۔۔‘‘ تجھ سے بہت ضروری بات کرنی ہے ‘‘ ستارہ بئی نے دھیمے لہجے میں کہا ۔۔۔۔
اس کے لہجے میں گھبراہٹ نمایاں تھی ۔۔۔
دیکھو ۔۔۔‘‘ اماں اگر تم مجھے وہاں جانے سے روکنے والی ہو ۔۔۔تو یہ بات نہ کرنا کیونکہ میں وہاں ضرور جاؤں گی ۔۔۔‘‘ جگن اپنی ماں کے بولنے سے پہلے ہی بول پڑی ۔۔۔
ارے نہیں ‘‘ نہیں ‘‘ بیٹا تمھیں وہاں جانے سے نہیں روکتی مگر ‘‘ستارہ بائی مسکراتے ہویے بولی ۔۔۔۔
تو؟ جگن بولی ۔۔۔
وہ ‘‘ وہ ‘‘ ۔۔۔۔ وہ بیٹا بات یہ ہے کہ ۔۔۔۔ستارہ بائی نے گھبراتے ہوئی تھوک نگلا ۔۔۔
ان کے لیے جگن سے بات کرنا مچکل ہو رہا تھا ۔۔۔۔
ہ دونوں اس وقت کمرے میں تنہا تھیں ۔۔۔۔ ستارہ بائی نے منع کر رکھا تھا کہ کوئی لڑکی اس طرف نہ آئے ۔۔۔۔
تم صاف بات کرو اماں ۔۔۔‘‘ جگن سخت لجے میں بولی ۔۔۔۔یوں پہیلیاں نہ بجھواؤ ۔۔۔
وہ بیٹا اس دن جو مہمان آیے تھے ‘‘ ۔۔۔انہیں تمھارہ رقص بہت پسند آیا تھا اور وہ تم سے ملنا چاہتے ہیں ۔۔‘‘
کیوں ۔۔۔‘‘ جگن کو کسی انہونی کا احساس ہوا ۔۔۔۔
کیوں ملنا چاہتے ہیں وہ اماں ۔۔۔‘‘ بتاؤ ۔۔‘‘ وہ تجسس سے بولی ۔۔
تم جانتی ہو بیٹا ۔۔۔۔‘‘یہاں مرد ملنے کی بات کیوں کرتے ہیں ۔۔۔‘‘ وہ تمھیں خریدنا چاہتا ہے ۔۔۔۔ ستارہ بائی نے نظریں جھکاتے ہویے کہا ۔۔۔
کیا ‘‘ اس کی ہمت کیسے ہوئی یہ بات کہنے کی ۔۔۔‘‘ اور اماں تو مجھے کیوں بتا رہی ہے یہ سب ۔۔۔‘‘ تم نے اسے منع نہیں کیا؟‘‘ �بتاؤ اماں ۔۔‘‘
چپ کیوں ہو اماں ۔۔۔‘‘ مگر ۔۔ستارہ بائی اسی طرح سر جھکائے بیٹھی رہی ۔
اوہ ‘‘ یعنی اسی لیے تو اتنے دن سے میرے آگے پیچھے پھر رہی ہے ۔۔۔‘‘ جگن طنزیہ مسکراتے ہوئے بولی ۔۔۔۔
چلی جاؤ اماں یہاں سے ۔۔۔۔‘‘
جگن گھٹنوں میں سر دیئے آنسو بہاتے ہویے بولی ۔۔۔۔
مگر بیٹا اگر ۔۔۔۔‘‘ ایک بار۔۔۔۔‘‘
چلی جاؤ اماں ۔۔۔۔‘‘
ستارہ بائی کا اچانک روپ بدلا تھا اور وہ اٹھ کر غصے سے بونے لگی ۔۔۔
تمھیں میری بات ماننا ہو گی ۔۔۔ ‘‘
چاہے جو بھی ہو ‘‘ اب کی بار میں انکار نہیں سنوں گی‘‘
وہ جگن پہ قہر آلود نظر ڈالتی ہوئی چلائی تھی ۔۔۔۔

جاری ہے ۔۔۔
hira
About the Author: hira Read More Articles by hira: 53 Articles with 59376 viewsCurrently, no details found about the author. If you are the author of this Article, Please update or create your Profile here.