Mushkil Rastay episode 10

Salahudin Khamooshi Say Apni Walida Ko Shah Baba Kay Paas Jatay Huay Daikh Raha Tha.......Jo Na Sirf Unhay Suqth Nazron Say Ghoor Rahay Thay Bulkay Unkay Nazdeek Anay Per Ahista Say Kuch Keh Bhi Rahay Thay....Lakin Unkay Cheray Kay Tasuraath Bata Rahay Thay Kay Wo Suqth Ghussay May Hain.........................Kafi Dair Wo Wahin Charpayee Per Baitha Raha.....Phir Uth Kar Apnay Kamray May Chala Aya........Fatima Kamray May Nahin Thi.....Wo Apnay Ghar Walon Kay Purisraar Rawaiyai Per Hairaan Ho Raha Tha.........Aqir Aisi Kiya Baath Thi Jo Wo Ussay Nahin Batana Chatay Thay....Wo Kamray May Paray Sofay Per Baith Gaya Or Jamal Shah Or Apni Biwi Fatima Kay Baray May Sonchnay Laga.........Fatima Us Ki Munkuha Thi.... Lakin Un Do No Kay Dermiyan Kissi Qissm Ka Juzbati Or Jismani Taluq Na Tha...Wo Bay Inteha Haseen Thi Or Wo Us Kay Husun Say Mutassir Bhi Tha...Lakin Salahudin Un Logon May Say Tha Jin Kay Liyai Husun Sanwi Haisiyath Rakhta Hay.......Asal Cheez Aqlaaq Or Kirdaar Ki Pakeezgi Hoti Hay.........Wo Khud Bhi Pakeeza Khayalath Ka Hamil Shuqs Tha.........Bay Inteha Wajih Honay Kay Bawajood Ghumand Naam Ki Koyee Cheez Us Kay Andar Mojood Na Thi.........Saaf Gu Or Khamoosh Tabiyath.......Lakin Aik Kumzori Thi Salahudin Kay Andar Kay Wo Kissi Per Apnay Juzbaath Ka Izhaar Nahin Kerpata Tha............Ghussa Na Honay Kay Barabar...........Or Haleem Tabiyath.................Yai Gun Lay Ker Paida Hua Tha Salahudin.....Balochi Serdaar Ka Aklota Waris Lakin Kiya Ghareeb Kiya Ameer Sub Us Kay Liyai Barabar Thay.....Derwazay Kay Khul Nay Ki Awaaz Per Wo Chonk Ker Derwazay Ki Simth Daikhnay Laga....Fatima Nay Ussay Daikh Ker Thora Jhijhaktay Huay Qadam Andar Ki Taraf Barha Diyai....Wo Chup Chap Ussay Daikh Raha Tha.....Wo Nazrain Churati Huyee Bed Ki Side Table Ki Daraz Say Kuch Nikal Nay Lagi..................

Fatima......................

Fatima Nay Dheeray Say Apna Naam Pukarnay Per Palat Ker Ussay Daikhnay Lagi..........................................
Ji....
Agar Aap Busy Na Hon To Please May Aap Say Kuch Baath Ker Na Cha Ta Hun.................................
Ji Keh Yai.................

Daikhiyai Fatima Jin Halath May Humari Shadi Huyee Hay Wo Aap Kay Samnay Hay....Lakin Shaid Jo Aap Janti Hain Un Baton Ko May Nahin Janta....May To Aap Ko Bhi Poori Terha Nahin Janta...Please Meri Baat Ka Ghalath Mutlub Muth Lay Lijiyai Ga....Aap Jamal Uncle Ki Baiti Hain Lakin May Nay Un Dus Salon May Sirf Us Raath Kay Illawa Aap Ko Kabhi Nahin Daikha....Or Na Jamal Uncle Say Kabhi Aap Ka Zikar Sunna.........Or Phir Ab Ki Mojooda Situation... Achanak Shadi Or Phir Sub Ka Purisraar Rawaiya....Kiya Aap Mujhay Bata Sakti Hain Kay Yai Sub Kiya Hay.....Or Phir Aap Ka Rawaiya Bhi Meri Samujh Say Balatar Hay....................

Fatima Kay Qadam Wahin Jum Gai Thay Wo Chup Chap Ussay Daikh Rahi Thi.........Phir Jahan Khari Thi Wahin Girnay Kay Andaaz May Baith Gayee.....Or ..Apna Chera Dono Hathon Say Chupa Ker Ronay Lagi...........Wo Ghubra Ker Us Ki Taraf Barha Tha.................

Fatima Please Mera Muqsad Aap Ko Rulana Nahin Tha.............Please............................................

Aap Janna Chatay Hay Na Kay Asal Haqeeqath Kiya Hay......................May Kaun Hun ......Kiyun Aap Kay Sir Mundh Di Gayee Hun...........

Wo Aik Dum Sir Utha Ker Taqreeban Chilatay Huay Boli Thi.............................................................
.............................................................................................................................................

Ayesha Yai Tum Is Terha Say Kiyun Baithi Ho Yahan..........Or Hud Kerti Ho Yaar.........Fajr Ki Namaz Per Bhi Nahin Jagaya Tum Nay Mujhay.......................................................................................

Saniya Ankhain Multi Huyee Derwazay Per Khari Thi.....May Ghubra Kar Un Buzrug Ki Taraf Daikha To Wo Wahan Nahin Thay.............Kamra Khali Tha...........................................................................
Aisay Kiya Charon Taraf Daikh Rahi Ho..............Tum Theek To Ho Na.............................................

Ahn Han May Theek Hun Or Sorry May Tumhain Jagana Bhool Gayee Thi.........................................

Acha Lakin Ainda Mujhay Jaga Daina Yaar...................Waisay Bye The Way Itnay Rath Jagon Kay Bawajooth Bhi Tum Fajar Per Khud Say Uth Kaisay Jati Ho....May Tumhain Ulloon Kay Qabeelay Say Bhi Nahin Mila Sakti Wo Bhi Raath Bhar Jaag Kar Din May Sotay To Hain Na .........Tum To Unsay Bhi Gayee Guzri Ho......................................................................................................................
Acha Chalo Ab Batain Na Bunao...............Or Juldi Say Taiyaar Hojao........Tumhara Aaj Practical Hay Remember........................................................................................
Saniya Apni Joon May Lot Chuki Thi.........Agra May Brake Na Luga Ti To Us Ki Non Stop Batain Us Kay Janay Tuk Chulti Rehtin...

Wo Sir Hilatay Huay Kapray Change Kernay Hummaray Mushtrika Kamray Ki Taraf Barh Gayee.........
Or May Kuch Ajeeb Si Feelings Kay Saath Kitchen Ki Taraf Barh Gayee Thi.

Wo Apni Brand New Cadilac Cts V May Backseat Per Baithay Thay.....Gari Hotel Ki Entrance Per Ruki To Hotel Kay Derbaan Nay Nihayath Ahteram Say Unki Side Ka Derwaza Khola Tha...........................
Assalam O Alaikum Sir..................................................................
Walaikum Assalam........................

Hotel Kay Manager Nay Nihayath Moudab Andaaz May Unhain Agay Barh Ker Salam Kiya To Baghair Kissi Qissum Kay Tasurath Kay Sapat Lehjay May Unho Nay Jawab Diya ........Hotel Ka Poora Staff Bhi Entrance Per Khara Tha......Manager Baar Baar Apni Peshani Rumal Say Ponch Raha Tha........Us Waqth Pooray Hotel Ka Staff Wahan Mojood Tha Sub Ki Jaan Per Buni Huyee Thi.......Or Kiyun Na Hoti Is Five Star Hotel Kay Owner Thay Wo.........Or Yahi Nahin Aisay Kayee Hotels Kay Malik Thay.........Nihayath Punctual Or Workaholic ........................Unki Zindagi May Kaam Kay Illawa Kuch Tha Hi Nahin.........Kaam Kaam Or Bus Kaam........Yahi Unkay Jeenay Ka Muqsad Tha........Or Aaj To Nihayath Aham Din Tha Europe Or Saudi Arabia Say Kuch Nihayath Aham Deligations Anay Walay Thay....Or Unka Poora Staff Janta Tha Kay Wo Aisay Moqon Per Kissi Qissim Ki Badnazmi Pasand Nahin Kartay....................Aik Ki Zara Si Bhool Sub Per Atab Ka Bais Bun Jati...........
Wo Hotel Kay Andar Daqil Ho Chukay Thay........Ball Room, Pool Side Or Deegar Halls Ka Moina Kertay Huay Hotel May Banay Us Chinease Restaurant Ki Taraf Ai Thay Aik Tairana Nazar Restaurant Kay Andar Dali Thi ....Lakin Unki Nazar Corner Per Baithi Us Larki Per Jum Si Gayee...........Wo Ussay Daikh Ker Burri Terha Chonkay Thay................Or Ahista Say Ussay Pukara Tha...................................... Fatima..