Aakhir Musalman He Kio ????

Humara Watan-E-Aziz Waisay He Mujrimana Sargarmio Or Dehshat Gardi Ka Shikar Hai Magar Kal K Saniha Nay Puray Mulk Ko Dehlia Dia Hai Or Her Fard Ko Ashqbar Kia Hai, Mera Ek Aam Pakistani Honay K Natay Sab Say Ek Aham Sawal Hai K Aakhir Tamam Dehshat Gard Karwaio K Peechay Hamesha Musalman He Kio Mulawwis Hota Hai? Aakhir Aisay Kon Say Awamil Hain Jo Islam Dushmani Per Tulay Hoay Hain? Kal Jo Saniha Army Public School May Hoa Us K Zimmadaran Musalman Kehlanay K Laiq Hain? Kia Woh Haqiqat May B Musalman Hain? Kam Az Kam May To Aisa Nahi Samajhta. Ek Aisa Mazhab Jo Ghair Musims Ko B Tahafuz Faraham Krny Ki Talqeen Karta Ho, Aisa Mazhab Jis May Halat-E-Jang May B Aurato, Buzurgo Or Bacho Ko Takleef Dayna Mana Ho, Phr Us Mazhab K Peerokaar Masoom Bacho Ko Kaisay Nishana Bana Saktay Hain? Asia Kabhi Kio Nahi Hota K Kabhi Kisi Dehshat Gard Karwai K Peechay Kisi Non-Muslim Ka Naam Zahir Hojay, India K Hotel Oberai Per Hamla Ho Ya America May 9/11, London May Bomb Blast Hun Ya Sydney K Cafe May Dehshat Gardi, Srilankan Team Per Hamla Ho Ya Somalia May Aghwa Bara-E-Tawan In Sab K Peechay Hamesha Musalman He Ka Naam Kio Ata Hai?? Kahi Hum Ghalat Simat May To Nahi Such Rahay? Kahi Aisa To Nahi K Hum Wohi Daikh Rahay Hain Jo Dikhaya Jaraha Hai?? Akhir Kio Kisi Non-Muslim Mulk May Inqilab Nahi Ata? Aakhir Kio Daish, Boko Haram, Alqaida, Taliban, Lashkar Or Is Jaisi Bht C Tanzemain Sirf Pakistan He Ko Apna Hadaf Banati Hain? Akhir Kio Aisi Tanzemo Ko Palestine, Burma Or Dosray Mumalik May Musalmano Per Honay Walay Muzalim Nazr Nhe Aty? Akhir Kio Aisi Tanzeemain Israel Jaisy Islam Dushman Mulk May Karwai Nahi Karti ? Akhir Kio?? Kahi Aisa To Nahi K Yeh Alam-E-Islam Or Musalmano Ko Badnaam Karny Ki Ghinaoni Saazish Ho Or Yh Sari Tanzemain Islam Dushman Anasir Ki Pedawar Hun?? Kam Az Kam Meray Naqis Zehan K Pas Is Kio Ka Jawab Nahi..