مسلم ہیرو صلاح الدین ایوبی کی زندگی کے چند حیرت انگیز پہلو

سلطان صلاح الدین ایوبی کا نام کسی تعارف کا محتاج نہیں- مغربی دنیا میں صلاح الدین ایوبی کے نام سے پہچانا جانے والا یہ سپاہ سالار مصر اور شام کا پہلا کرد حکمران تھا- صلیبی جنگ لڑنے والوں کو شکستِ دینے والا اور یروشلم کو فتح کرنے والا ایک عظیم جنگجو تھا-

سلطان صلاح الدین ایوبی کے دو ایسے کارنامے آج ہم بیان کرنے جارہے ہیں جو تاریخ کا ایک سنہرا باب ہیں- ان کارناموں میں صلیبی جنگیں اور یروشلم پر قبضہ شامل ہے-
 

صلیبیوں کے خلاف جنگ اور یروشلم کی فتح:
سلطان صلاح الدین ایوبی نے اپنی زندگی میں تقریباً 100 سے زائد جنگیں لڑی ہیں اور لگ بھگ 20 سال تک کے لیے صلیبیوں اور یورپ کی مشترکہ افواج کو بالآخر اس مقدس سرزمین سے پیچھے دھکیل دیا تھا- دنیا نے ایسا جری٬ قابل اور رحم دل فاتح شاید ہی دیکھا ہو- صلیبی جنگیں انسانی تاریخ میں سب سے طویل اور وحشی جنونیت کی حیثیت رکھتی ہیں٬ جن کا خوف مغربی عیسائی دنیا سے لے مغربی ایشیا تک پھیل چکا ہے-

تقریباً تین سو سال تک صلیبیوں نے مسلمانوں پر پے در پے حملے کیے مگر ہر بار شکست کا سامنا کرنا پڑا- اس وجہ سے ان کی اپنی افواج تھکن اور وسوسوں کا شکار ہوگئی- سارا یورپ مال اور قابلِ بھروسہ فوج سے خالی ہوتا جارہا تھا اور مکمل تباہی نہ صحیح مگر سماجی دیوالیہ پن کا شکار ضرور ہوگیا تھا- سینکڑوں فوجی جنگوں میں ختم ہوگئے٬ کئی دوسرے بھوک اور افلاس کا شکار ہوگئے- غرض یہ کہ ہر قسم کی آفات صلیبیوں کی تذلیل کا باعث بنتی گئیں- پیٹر نامی عیسائی مذہبی رہبر اور اس کے پیروکاروں نے اس بات کا عزم کر لیا کہ مسلمانوں کے ہاتھ سے یہ مقدس علاقے واپس لینے کے لیے ہر قسم کا حربہ استعمال کیا جائے گا- اس دور میں عیسائی فوجی صلیب کا نشان رکھتے تھے جو کہ گرجا گھر کی پناہ میں ہوتا تھا اور ہر قسم کے ٹیکس سے استثنیٰ حاصل تھا اور ساتھ ہی ہر قسم کے کام کرنے کے لیے آزاد بھی تھے-

یہاں عظیم صلاح الدین کا ایک مشہور واقعہ بیان کرتے چلیں- صلاح الدین ایوبی نے 29 ستمبر 1182 کو دریائے اردن عبور کیا تاکہ کرک اور شوباک پر موجود فوجوں کو آڑے ہاتھوں لیا اور کافی فوجیوں کو قیدی بنا لیا- اس وقت وہ افواج جو Guy of Lusignan کے ماتحت تھیں انہیں sepphoris کے علاقے سے ہٹا کر الفولا بھیج دیا گیا- دوسری جانب صلاح الدین ایوبی نے 500 فوجیوں پر مشتمل ایک چھوٹا سا گروپ بھیجا جو ان فوجیوں کو ڈرا دھمکا سکیں اور خود عین جالوت کی جانب پیش قدمی شروع کردی- صلیبی افواج اس وقت کی سب سے زیادہ بڑی اور طاقتور افواج میں شمار ہوتی تھی٬ مگر اس کے باوجود صلاح الدین کے لشکر نے ان کو شکست دی اور عین جالوت کی جانب بڑھنے لگے- ایوبی فوج نے زرین٬ فوربلیٹ اور تبور کی پہاڑی پر کئی حملے کیے-

Chatillon کے بادشاہ رینالڈ نے مسلمان تاجروں اور حاجیوں کو دریائے احمر کے راستے پریشان کیا- یہ وہ راستہ تھا جو صلاح الدین ایوبی آمد و رفت کے لیے کھلا رکھنا چاہتا تھا- اس کے جواب میں صلاح الدین نے 30 چھوٹی کشتیوں پر مشتمل ایک بیڑا تیار کروایا اور سنہ 1182 میں بیروت پر حملہ کر دیا- رینالڈ نے شہرِ مکہ اور مدینہ پر حملہ کرنے کی دھمکی دی اور جواب میں حاجیوں کے قافلوں کو لوٹا-