پیچیدہ ترین کمپیوٹر وائرس دریافت٬ ہوشیار رہیں

انٹرنیٹ سکیورٹی سے متعلق مقبول ترین کمپنی سیمنٹک نے حال ہی میں کمپیوٹرز کو نقصان پہنچانے والا اب تک کا سب سے جدید اور پیچیدہ سافٹ ویئر دریافت کیا ہے۔

دریافت کیے جانے والے اس وائرس زدہ سافٹ ویئر کو سیمنٹک نے رئجن کا نام دیا ہے اور کمپنی کا اس سافٹ وئیر کے حوالے سے کہنا ہے کہ بہت حد تک ممکن ہے اسے حکومتی سرپرستی میں تخلیق کیا گیا ہو کیونکہ یہ ایک انتہائی جدید پروگرام ہے۔
 

کمپنی کا یہ بھی کہنا ہے کہ یہ وائرس گزشتہ 6 سالوں سے دنیا بھر کے کمپیوٹروں میں اپنے اہداف پر کام کر رہا ہے۔

سیمنٹک کمپنی کے مطابق جب یہ ایک بار کسی کمپیوٹر میں انسٹال ہوجاتا ہے تو پھر یہ پاس ورڈ چوری کرنے کے ساتھ ساتھ سکرین شاٹس لے سکتا ہے اور ایسی معلومات بھی دوبارہ حاصل کرسکتے ہے جو صارف نے ڈیلیٹ کردی ہوں-

ماہرین نے یہ بھی انکشاف کیا ہے کہ اس سافٹ ویئر سے سب سے زیادہ روس، سعودی عرب اور آئرلینڈ کے کمپیوٹر متاثر ہوئے ہیں۔

ماہرین کے مطابق اس سافٹ وئیر کی پیچیدگی دیکھ کر ایسا معلوم ہوتا ہے کہ اسے کسی ملک نے جاسوسی کے لیے تیار کیا ہے اور اس کی تیاری میں لازمی کئی ماہ کا عرصہ لگا ہوگا-