|
ویسے تو سننے میں یہ انتہائی عجیب معلوم ہوتا ہے کہ سمارٹ
فون کی لت سے چھٹکارا اب خود سمارٹ فون کی ایک اپلیکیشن ہی دلوائے گی لیکن
یہ حقیقت ہے کہ سنگاپور میں تین طلبہ نے ایک ایسی ہی انوکھی ایپ تیار کی ہے-
|
|
|
|
طلبہ کی تیار کردہ “ ایپل ٹری “ نامی یہ ایپ لوگوں کو سمارٹ فون کا استعمال
کم سے کم کرنے کی ترغیب دے گی-
یہ دلچسپ ایپ ایک ساتھ رکھے ہوئے دو یا اس سے زیادہ فونز کو ساکت کر دیتی
ہے۔ اور اگر کوئی فرد فون کو استعمال نہ کرے تو اس کی سکرین پر سیب کا ایک
درخت بڑھنا شروع ہو جاتا ہے جس پر ڈیجیٹل پھل بھی اگ آتے ہیں۔
ان ڈیجیٹل پھلوں کے بدلے انعامات حاصل کیے جا سکتے ہیں اور اب آپ جتنا
زیادہ وقت اپنے فون کو ہاتھ نہیں لگائیں گے، انعام بھی اتنا ہی بڑھتا جائے
گا۔
|
|
|
ایپ تیار کرنے والے ایک طالب علم لیبرن لِن کا کہنا ہے کہ انہیں اس ایپ کی
تیاری کا خیال اس وقت آیا جب وہ اپنے دوستوں کے ساتھ بیٹھے ہوئے باتوں میں
مصروف تھے اور ان سب کے فون ایک ساتھ رکھے ہوئے تھے-
اس اچھوتے خیال کو اس حد تک پزیرائی حاصل ہوئی کہ طلبہ کے اس گروپ کو مارچ
2015 تک ’ایپل ٹری‘ ایپ بنانے کے لیے 24 ہزار امریکی ڈالر کی فنڈنگ کرنے کا
اعلان بھی کر دیا گیا ۔ |