|
برطانیہ کے شہر کووینٹری میں رہائش پذیر پاکستانی نژاد
برطانوی شہری آیان قریشی صرف 5 سال کی عمر میں مائیکرو سافٹ سرٹیفائیڈ
پروفیشنل کا امتحان پاس کر کے دنیا کے سب سے کم عمر ترین کمپیوٹر پروفیشنل
بن گئے ہیں۔
آیان کے والد آئی ٹی کنسلٹنٹ ہیں اور ان کا خاندان سال 2009 میں پاکستان سے
برطانیہ منتقل ہوا تھا۔
|
|
|
|
آیان امریکہ کی سلی کون ویلی کی طرز پر ٹیکنالوجی حب ’ای ٹیکنالوجیز‘ قائم
کرنا چاہتے ہیں اور انھوں نے اپنے گھر میں ہی ایک کمپیوٹر نیٹ ورک قائم کر
رکھا ہے۔
آیان کے والد عاصم نے سب سے پہلے آیان کو 3 سال کی عمر میں اپنا پرانا
کمپیوٹر کھیلنے کے لیے دیا تاکہ وہ اس کے ہارڈ وئیر اور مدر بورڈ کو سمجھ
سکے۔
عاصم کے مطابق آیان کے لیے ٹیسٹ کی زبان کو سمجھنا سب سے مشکل کام تھا لیکن
وہ اس کو سمجھ گیا اور اس کی یادداشت بہت اچھی ہے۔
عاصم کا کہنا ہے کہ میں آیان کو روزانہ دو گھنٹے کمپیوٹر کے آپریٹنگ سسٹم
اور پروگرام انسٹالیشن کے بارے میں بتاتا تھا-
|
|
|
جب آیان مائیکرو سافٹ کا امتحان دینے آیا تو امتحان لینے والے امیدوار کی
عمر کے بارے میں کافی فکرمند تھے تاہم ان کے والد نے یقین دہانی کرائی کہ
ان کا بیٹا اپنے طور پر اس کو کر لے گا۔
یہ ٹیسٹ عام طور پر ان لوگوں کا لیا جاتا ہے جو مستقبل میں آئی ٹی پرفیشنل
بننا چاہتے ہیں۔ |