Mushkil Rastay 6

(farah ejaz, dearborn, mi USA)

Tumaharay Walid Ka Naam Mohommad Salahudin Baloch Tha....Wo Aik Naik Or Ibadath Guzar  Balochi Sardaar Ki Akloti Aulaad Thay ...Apnay Walaidain Ki Hi Terha Naik Or Suljhay Huay Insaan Thay....Magar Jis Terha Balochi Qabail May Dushmani Ka Riwaaj Aam Hay Issi Terha Tumharay Dada  Kay Bhi Kayee Jaani Dushman Thay...Jub Salahudin Kay Chacha Or Unkay Do Betay Dushman Ki Goli Ka Nishana Banay Tub Shah Ji Mohammad Ammar Baloch Ko Apnay Aklotay Betay Ki Fikar Lahiq Huyee....Or Unho Nay Salahudin Ko Karachi May Apnay Aik Bachpan Kay Dosth Kay Paas Bhaij  Diya...Jamal Shah Aik Nihayath Nafees Insaan Thay...Unka Defence May Kayee Aiker Per Phaila  Mahal Nama Bangla Tha .......Lakin Salahudin Ko Wo Ghar Or Us May Rehnay Walay Nafoos Kaafi  Purisraar Lagay...Jamal Shah Kay Illawa Baqi Sub Mulazim Rehtay Thay Wahan Jo Kul Mila Ker Sirf  Chaar Thay...Jamal Shah Ki Begum Ka Inteqaal Hochuka Tha Yai Baath Shah Ji Nay Salahudin Ko Karachi Anay Say Pehlay Hi Bata Di Thi...

Beta Wo Bohoth Ba Usool Admi Hay ...Tumhay Wahan Us Kay Mutabiq Khud Ko Dhalna Hoga... Shah Ji Betay Ko Sumjhatay Huay Bolay Thay...Or Salahudin Jo Us Waqth Sirf 10 Saal Ka Hi Tha Sir Jhuka Kar Baap Say Wada Bhi Kerlia Tha.....Or Ab Jaisa Jamal Shah Kehtay Waisa Hi Kerta...Raath  Isha Ki Namaz Kay Saath Hi Lights Off Hojatin Thin...Or Pooray Bunglay Kay Undar Khamooshi Cha Jati...Jamal Shah Nay Ussay Suqti Say Takeed Kerdi Thi Kay Sarhay No Bajay Kay Baad Wo Kamray Say Na Niklay......Or Wo Jamal Shah Ki Her Baath Per Sir Jhuka Daita...Or Waisa Hi Kerta Jaisa Wo  Chatay Thay...Jamal Uski Achi Adaton Ki Wajha Say Ussay Bohoth Pasand Kernay Lagay Thay..

Aik Achay Cambrige School May Us Ka Daqila Bhi Kerwa Diya..Lakin Shah Ji Kay Kehnay Per Shah Ji  Kay Naam Ki Jagah Apna Naam Likh Wa Diya Tha...Or Yai Sub Ussay Dushmanon Say Bachanay Kay Liyai Kiya Gaya Tha....

.........................................................................................................................

Abhi Ussay Jamal Villa Ai Huay Chay Saath Mahinay Hi Huay Thay Kay Aik Din Jub Wo School Say  Wapis Aya To Porch May Shah Ji Ki Black Honda Acord Ko Kharay Paya...Wo Taizi Say Red Chevrolet Corvett Ki Front Seat Ka Derwaza Kholta Hua Bahir Nikal Aya....Or Taizi Say Andar Ki Janib Barh Gaya  ...Lumbi Rahdaari Say Guzarta Hua Hall Nama Lounge May Phoncha To Shah Ji Jamal Shah Kay Saath Leather Kay Brown Rung Kay Aram Da Sofay Per Baithay Huay Thay....Wo Baitabi Say Dorhta Hua Un Say Laput Gaya..

Assalam-O-Alaikum I Realy Missing You Shah Baba Amma Jani Or Dadoo Ko Saath Nahin Lai Aap... Wo Baitabi Say Poochnay Laga.... Walaikum Assalam Meray Bachay ...Teray Baghair Hum Bhi Kaun Say Khush Hain Lakin Tu Hummari Mujboori Jaanta Hay Na.... Zuleqa Ko Agli Dafa Saath Laoounga ...Abhi To Kaam Kay Silsilay May Aya Hun ... Shah Ji Us Ki Firaaq Peshani Per Bosa Daitay Huay Bolay... Salahudin Betay Jao Pehlay Fresh Ho Jao Phir Shah Ji Say Batain Kerna .....

Jamal Ki Baath Per Wo Moudab Andaaz May Sir Hilata Hua Apnay Kamray Kitaraf Barh Gaya.... Halath Jub Sahih Nahin Hay Shah To Tum Bhabhi Ko Lay Ker Yahan Kiyun Nahin Ajatay... Us Kay Janay Kay Baad Jamal Shah Ji Say Fikermand Lehjay May Bolay... Nahin Jamal Is Terha Say Dushman Ko Pata Chal Jai Ga Kay Salahudin Tumharay Paas Hay....Or Phir  May Unkay Dar Say Apni Jadi Pushti Zameenain Chore Doon .........

Array Jaan Say Barh Ker To Nahin Hain Na Shah Yai Zameenain Mujhay Daikho May Sub Kuch Chore Ker Karachi Agaya Tha...Aik Dhaila  Nahin Tha Jaib May Mehnath Mazdoori Ki Foot Paath Per Soya Lakin Phir Apnay Bulbootay Per Yai Empire Khara Ker Liay...Too Bhi Sub Chore Or Yahan Aja Tera Yai Dosth Her Qadam Per Tera Saath Daiga.... Oaiy Yara Wo Baath Nahin Hay Hummari Dushmani Zameenon Ki Wajha Say Nahin Hay Tu Janta Hay  Na Phir Bhi Yai Baath Ker Raha Hay...May Duniya Kay Kissi Konay May Hi Kiun Na Chala Jaoounwo Wo Meri Boo Soongtay Huay Wahan Bhi Pohonch Jaingay........Is Liayai May Nay Salahudin Ko Teray Paas Bhaij Diya Or Wahan Yai Baath Phaila Di Hay Kay Salahudin Haizay Ki Lapait May Agaya Tha Or Ussi May Us Ki Jaan Chalay Gayee...Is Terha Kamaz Kum Mera Beta To Un Kay Shar Say Mehfooz Rahay Ga Na....

Wo Jamal Shah Ki Baath Per Rotay Huay Unhay Bata Nay Lagay...Zindagi Or Moth To Allah Kay Haath  May Hay Shah....Magar Janta Hun Teri Mujboori Bhi Bari Hay Or Tu Befikar Reh Salahudin Ko Kuch Nahin Hoga Inshaallah ...Wo Mera Beta Hay Aaj Say Magar Jaisay Hi  Halath Sahi Huay Tub Lai Jana Ussay....... Wo Dosth Ki Pushth Thup Thupatay Huay Bolay Thay Salahudin Tujhay Tung To Nahin Kerta.... Array Nahin Yaar Bohoth Hi Sadath Mand Bacha Hay Tujh Per To Hergiz Nahin Gaya Hay.... Wo Hunstay Huay Bolay To Shah Ji Bhi Muskuranay Lagay.....

.................................................................................................................................

Khana Khush Gawaar Mahole May Khaya Gaya...Salahudin Ka Dil Apnay Baap Kay Paas Say Hutnay  Ko Bilkul Bhi Nahin Chah Raha Tha....Amma Jani Nay Salahudin Ki Favourite Sweet Dish Anday Ka Halwa Bhijwaya Tha..Or Dadoo Nay Haath Say Karha Hua Kurta Bhaija Tha....Jo Us Nay Ussi Waqth Pahan Bhi Liya Tha.... Jamal Shah Dono Baap Betay Ko Akailay Saath Baithnay Ka Poora Moqa Day Rahay Thay....Us Waqth Bhi Shah Ji Salahudin Kay Saath Us Kay Kamray May Baithay Us Ki Choti Choti Masoom Khwahishain Or Unkay Baghair Bitay Dinon Ka Haal Sun Rahay Thay...

Shah Baba Aik Baath Kahoon.... Haan Bolo Beta... Salahudin Kay Poochnay Per Wo Ussay Muskuratay Huay Daikhnay Lagay... Shah Baba Jamal Uncle Bohoth Achay Hain Lakin Raath Kay Saray No Bajay Wo Mujhay Kamray Say Bahir Nikalnay Say Mana Kertay Hain.....Baaz Dafa Baaz Dafa Raath May Meri Aankh Khulnay Per Mujhay Awazain Bhi Sunayee Daitin Hain...Jaisay Koyee Bari Dawath Horahi Ho....Lakin Phir Mujhay  Aisa Lugta Hay Koyee Meray Sir Per Ungliyan Phair Raha Hay Or Na Chatay Huay Bhi May Phir Sojata Hun...Aisa Kiyun Hota Hay Meray Saath Baba Jani... Tumhara Waham Hay Salahudin Or Kuch Nahin....Jamal Khan Juldi Sonay Ka Adi Hay Is Liyai Wo Tumhay Juldi Sonay Ki Adath Dalna Chata Hay.....Ab Tum Us Kay Betay Ho Jo Wo Kahay Us Per Amal 
Karo....Ussay Kabhi Naraz Nahin Kerna Betay... Ji Shah Baba....

Shah Ji Kay Sumjhanay Per Sadath Mandi Say Sir Jhuka Kar Reh Gaya........Shah Ji Nay Us Ki Baath  Ko Us Kay Waham Say Ziyada Ahmiyath Nahin Di Lakin Wo Janta Tha Kay Yai Us Ka Waham Nahin Hay...Lakin Baap Say Jirrah Kerna Ussay Pasand Nahin Tha... Waisay Bhi Wo Bara Fermaberdaar Or Acha Bacha Tha....

.................................................................................................................................

Shah Ji Aik Raath Reh Ker Wapis Chalay Gai....Jis Din Wo Gai Us Raath Wo Apnay Kamray May Ondhay  Mun Laitay Bohoth Roya Tha...Or Rotay Rotay Phir So Bhi Gaya Tha...Taqreeban Raath Kay Teen  Bajay Us Ki Aankh Khul Gayee....Pani Ki Shadeeth Talab Mehsoos Ker Kay Kamray Kay Dahnay Taraf  Rakhay Us Chotay Say Fridge Ki Janib Barh Gaya.....Fridge Say Thunday Pani Ki Botal Nikaal Ker Glass May Dalnay Hi Laga Tha Kay Achanak Aik Choti Si Bachi Ki Hunsi Ki Awaaz Per Chonk Utha....Lakin  Apna Waham Samajh Ker Sir Jhatakhta Hua Pani Peenay Laga Tha Kay Aik Dum Kamray Ka Derwaza  Poora Khul Gaya.....

Derwaza To Locked Tha Achanak Khul Kaisay Gaya..... Wo Hairath Say Khulay Huay Derwazay Ko Daikhnay Laga...Phir Tajasus Kay Hathon Mujboor Ho Ker Chotay Chotay Qadam Utha Ta Hua Kamray Kay Derwazay Kay Paas Pohonch Ker Bahir Jhanknay  Laga....Bahir Ghup Andhaira Tha.......Us Ka Kamra First Floor Per Tha.......Us Kay Illawa Char Kamray Ore Thay...Yai Bangla Golayee May Bana Hua Tha.....Marble Ka Khoobsoorath Thunda Fursh Or  Deewaron May Bhi Sufaid Marble Istemaal Hua Tha....Pillars Bhi Marble Kay Banay Huay Thay..Jin Per Khoobsurath Carving Huyee Wi Thi...Aisa Ghar Clifton Or Defence May Kissi Ka Na Tha.....Oonchi Chath Mughal Dore Ki Chaton Jaisi Thi....Kamray Kushada Or Golayee May Banay Huay Thay.....Wo Jhijhakta Hua Bahir Nikal Aya Or Light On Kerdi Gol Rahdari Roshan Hogayee....Wo Charon Taraf  Daikhnay Laga Lakin Koyee Nazar Na Aya....Abhi Wo Switch Board Ki Taraf Qadam Barha Ker Light Off  Kernay Hi Wala Tha Kay Bachi Kay Hasnay Ki Awaaz Phir Sunayee Di......Or Yai Awaaz Oouper Bani  Doosri Manzil Say Arahi Thi Jahan Janay Say Jamal Shah Nay Ussay Saqti Say Mana Kiya Hua Tha.....

farah ejaz
About the Author: farah ejaz Read More Articles by farah ejaz: 146 Articles with 213435 views My name is Farah Ejaz. I love to read and write novels and articles. Basically, I am from Karachi, but I live in the United States. .. View More