پراسرار آگ اور واقعات سے دوچار اطالوی گاؤں

دنیا میں ایسے بہت سے پراسرار مقامات موجود ہیں جن کے بارے میں آج تک سائنسدان کوئی وضاحت نہیں پیش کرسکے- ایسا ہی ایک پراسرار گاؤں اٹلی میں واقع ہے جہاں مسلسل عجیب وغریب واقعات رونما ہورہے ہیں اور ان سب میں قابلِ ذکر اچانک ایک نامعلوم آگ کا بھڑک اٹھنا ہے- یہ پراسرار آگ کسی بھی وقت اور کسی بھی جگہ جل اٹھتی ہے-

گزشتہ دس سالوں سے اٹلی کے ایک گاؤں Canneto di Caronia کے باشندے انتہائی خوفزدہ اور پریشان کن زندگی گزار رہے ہیں اور ان کی اس پریشانی کا سبب گاؤں میں کبھی بھی اچانک بھڑک اٹھنے والی پراسرار آگ ہے جس کے بھڑکنے کی وجہ آج تک کوئی نہیں جان سکا-
 

رواں سال ان عجیب وغریب واقعات میں اضافہ دیکھنے میں آیا ہے اور اس پراسرار آگ کے نتیجے میں جلنے والی اشیا میں میٹرس٬ بیڈز اور کاریں کے علاوہ دیگر آلات مثلاً ریفریجریٹر اور موبائل فون شامل ہیں اور حیرت ناک بات یہ ہے کہ واقعے کے وقت یہ آلات بجلی سے منسلک بھی نہیں ہوتے-

اس پراسرار سلسلے نے گزشتہ کئی سالوں سے ماہر ارضیات اور طبعیات کو بھی حیران و پریشان کر رکھا ہے اور وہ بھی آج تک اس کی کوئی درست سائنسی وضاحت پیش نہیں کرسکے- لیکن دیہاتی اسے شیطانوں کارنامہ قرار دیتے ہیں-

دیہاتیوں کا ماننا ہے کہ یہ تمام پراسرار کام شیطانی طاقتیں یا خلائی مخلوق وغیرہ سرانجام دیتی ہیں جبکہ دوسری جانب اس کی کوئی منطقی وجہ بھی موجود نہیں ہے-

آگ لگنے کے ان پراسرار واقعات کا آغاز جنوری 2004 اور اس وقت بھی بظاہر اس کی کوئی وجہ نہیں دکھائی دی- جن گھروں میں آگ لگی ان کا تمام ساز و سامان جل کر خاکستر ہوگیا- شادی کے تحائف٬ فرنیچر کے مختلف ٹکڑے یہاں تک کہ پانی کے پائپ بھی شعلوں کی نذر ہوگئے-