|
اگر کوئی چیز جو انٹرنیٹ کی دنیا میں سب سے زیادہ پائی
جاتی ہے تو وہ ہیں جعلی یا نقلی تصاویر جن کی تعداد کا اندازہ لگانا بھی
ناممکن ہے- یہ جعلی تصاویر کچھ ایسے ماہرانہ انداز سے تیار کی جاتی ہیں کہ
دیکھنے والے کو بالکل حقیقی معلوم ہوتی ہیں اور یہ زیادہ تر مقبول سافٹ
وئیر فوٹو شاپ کا کمال ہوتا ہے- عموماً یہ تصاویر سوشل نیٹ ورکنگ کی مقبول
ویب سائٹس مثلاً فیس بک یا ٹوئٹر پر پبلش کی جاتی ہیں جہاں یہ زیادہ سے
زیادہ شئیر ہو کر لوگوں کی ایک بڑی تعداد تک جاپہنچتی ہیں- ایسی ہی چند
جعلی تصاویر آج ہم آپ کو اس آرٹیکل میں دکھائیں گے اور بہت حد تک ممکن ہے
ان میں سے بعض تصاویر آپ کی نظر سے بھی گزری ہوں-
|
|
|
خوفناک Koala کی یہ تصویر مکمل طور پر جعلی ہے اور اس تصویر کو تخلیق کرنے
میں فوٹوشاپ کا بہت زیادہ استعمال کیا گیا ہے-
|
|
|
تصویر میں درخت کو بجلی کا نشانہ بنتے دکھایا گیا ہے لیکن یہ تصویر بھی
جعلی ہے اور لوگوں متاثر کرنے کے لیے انٹرنیٹ پر عام پائی جاتی ہے-
|
|
|
بائیں جانب دکھائی دینے والی تصویر انتہائی عمدہ لگ رہی ہے لیکن حقیقت میں
یہ جعلی تصویر ہے جبکہ اصلی تصویر میں دیکھا جاسکتا ہے کہ اسپیس شٹل کے
اردگرد کا ماحول واضح نہیں ہے-
|
|
|
دنیا کے سب سے بڑے کتے کی تصویر اکثر آپ کی نظروں کے سامنے سے گزری ہوگی
لیکن یہ بھی ایک جعلی تصویر ہے اور اس کی تخلیق میں بھی فوٹوشاپ کا کمال ہے-
|
|
|
یہاں بھی اصلی اور نقلی دونوں طرح کی تصاویر آپ کے سامنے ہیں- یہ منظر سال
2008 کا ہے جبکہ Oklahoma پر شہابِ ثاقب کی بارش ہوئی تھی-
|
|
|
دیکھنے میں تو یہ ایک زبردست منظر لگ رہا ہے جس میں طوفان کے ساتھ بجلی بھی
ایک ہی وقت کڑک رہی ہے لیکن حقیقت میں موسم کبھی بھی ایسی صورتحال اختیار
نہیں کرتا- یہ تصویر بھی جعلی ہے-
|
|
|
بائیں جانب موجود تصویر ٹوئٹر پر بہت زیادہ دیکھی گئی جس میں نیویارک کے
ایک ایسے آرٹسٹ کے بارے میں بتایا گیا جس نے پوشیدہ آرٹ کی نمائش منعقد کی٬
لیکن یہ بھی فوٹوشاپ کا کمال ہے اور دائیں جانب موجود تصویر حقیقی ہے-
|
|
|
جاپان کے ماؤنٹ فیوجی نامی پہاڑ پر بادلوں کا یہ دکھایا جانے والا منظر
حقیقی نہیں ہے جبکہ منظر کو بھی دائیں جانب والی تصویر میں دیکھا جاسکتا ہے-
اور ایک دلچسپ بات یہ بھی ہے کہ یہ جعلی تصویر مسلسل شئیر بھی کی جارہی ہے-
|
|
|
حالیہ کچھ عرصے سے انٹرنیٹ پر گردش کرنے والی جعلی تصاویر میں سے یہ ایک
مشہور تصویر ہے جو بہت زیادہ دیکھی گئی ہے-
|
|
|
نارتھ ڈکوٹا میں پایا جانے والا Heart River واقعی ایک حقیقی دریا ہے لیکن
یہ تصویر اس دریا کی نہیں ہے جس میں دریا کو ایک دل کی شکل میں دکھایا گیا
ہے-
|
|
|
|
اس سائیکل کی کہانی کچھ یوں بیان کی جاتی ہے کہ ایک شخص پہلی جنگ عظیم سے
قبل سائیکل کو اس درخت سے باندھ گیا تھا لیکن وہ کبھی گھر واپس نہیں لوٹا-
یہ کہانی مکمل طور پر فرضی ہے اگرچہ سائیکل 1950 میں اس درخت کے پاس ضرور
چھوڑ دی گئی تھی- |