Puchtawa

Wo Samandar Kay Neelgon Pani Ko Ghoorti Huyee.....Maazi Kay Dareechon May Jhank Rahi Thi....Buchpan Say Larakpun Tuk Kitni Haseen Thi Zindagi.....Achanak Andar Aik Shor Sa Utha Us Nay Apnay Khurdray Hathon Say Apnay Donon Kaan Band Ker Liyai Magar Andar Kay Shor Ko Nahin Daba Saki...Uff Meray Allah.......Mujhay Sukoon Day Dijiyai.....Meray Gunahon Ko Maaf Kerdijiyai.....Wo Bay Awaaz Apnay Rub Ko Pukarnay Lagee..... Ansoo Us Ki Palkon Say Girnay Lagay...Or Maazi Ki Kitaab Khul Gayee...Aik Aik Safah Wo Palat Ti Gayee.....

"Noreen Utho Beta Kiya College Nahin Jana Hay"....Ammi Ki Awaz Per Wo Ker Wat Badal Ker Us Kay Haseen Khwaab Ko Wahin Say Jornay Ki Nakaam Koshish Ker Nay Lagi.....Magar Aik Dum Achanak Jaisay Kuch Yaad Anay Per Palang Say Uth Baithi....Array Aaj To Us Say Mila Na Hay...Jhut Palang Say Uter Ker Wash Room Kay Andar Ghus Gayee.....Juldi Juldi Mun Haath Dho Ker Bahir Ayee Or .Kapray Badal Ker Khud Adam Ainay Kay Samnay Khari Ho Ker.. ....Balon May Burush Ker Nay Lagi.....Lipstic Dressing Table Say Utha Ker Bag Pack May Dal Di....Ab Wo Ready Thi....

Itni Dair Kiiyun Laga Di Tum Nay Yaar.......Wo Ussay Daikh Ker Baras Para...Array Ghussa Kiyun Ker Rahay Ho....Tum Say Milna Itna Asan Thora Hi Hay..Wo Mazay Say Us Kay Samnay Wali Kursi Ghaseet Ker Baith Gayee.......Han Janta Hun Is Liyai To Tum Per Dil Lo Jaan Say Fida Hogaya Hun ...Tum Meray Liyai Kiya Kiya Nahin Kerti Ho.....Wo Muskuranay Laga.....Lakin In Qurbaniyon Ka Kuch To Sila Do May Kub Tuk Tumsay Milnay Kay Liyai Ammi Say Jhoot Bolti Rahungi....Acha Yaar Kerta Hun Kuch Na Kuch ...Wo Budmaza Sa Hua...Phir Baad Badal Keer Us Kay Favourite Actor Ki New Release Film Ki Batain Kernay Laga.................

Ammi May Nay Aap Say Kaha Na May Aap Kay Bhanjay Say Shadi Nahin Keroongi...Us Ki Shakal Daikhi Hay Aap Nay Bonga Daboo Sa............Wo Ammi Kay New Proposal Ki Baath Per Chamak Ker Boli Thi....Han To Kiya Tumharay Liyai Koyee Shezada Gulfam Ka Proposal Aiy Ga....Wo Bhi Zara Ghussay Say Boleen...May Nay Kehdiya Hay Ammi May Us Bongay Say Shadi Nahin Keroongi.........Acha Khasa Larka Hai ...Doctor Ooper Say Apna Clinic.........Or Is Larki Kay Nuqray Hi Khatum Nahin Hotay...Anay Do Tumharay Abboo Ko.....Ladly Ko Serper Charha Liya Hai Unho Nay....Wo Ghussa Kerteen Bahir Kamray Say Nikal Gayee.....Or Wo Dhub Say Bed Per Baith Gayee...
Phir Cell Phone Per Us Ka Nuber Milanay Lagi....... Mujhay Tum Say Milna Hay Kel Her Haal May....Us Kay Hello Kehnay Per Sirf Yai Keh Ker Phone Band Kerdiya

Wo Do No Kaafi Dair Say Chup Us Cafe May Baithay Thay....Akhir Kaar Wo Hi Bola Tha....Is Peraishani Ka Hul May Tumhain Bataoon To Kiya Tum Us Per Amal Kersako Gi.....Wo Sawaliya Nazron Say Ussay Daikhay Gayee......Meray Saath Multan Chalnay Ko Taiyaar Ho.....Wo Aikdum Sanatay May Agayee....Tum Apnay Walaidain Ko Bhaichtay Kiyun Nahin..........Daikho Meray Walaidain Multaan May Hain Or Walida Kafi Beemar Hain Abboo Ki Death Bach Pan May Hi Hogayee Thi Is Liyai Yai Bohoth Mushkil Ho Ga Or Jub Tuk Wo Theek Hun Gin Tum Piya Dais Sudhar Chuki Hogi.....Wo Ussay Apni Mujboori Suna Nay Laga...Wo Sonch May Parh Gayee.....Mujhay Do Din Do May Sohail Abhi Faisla Nahin Ker Pa Rahi Hun .................. Theek Hay Ab Do Din Baad Hi Hummari Mulaqath Hogi......

Aaj Us Ki Mangni Thi....Or Wo Subha Subha Hi Apni Walida Ka Zaiwar Or Aboo Kay Acount Say Unkay Jali Dastaqath Ker Kay 20 Lakh Bhi Nikaal Chuki Thi Or Ab Wo Multaan Janay Kay Liyai Us Kay Saath Bus May Baithi Huyee Thi......Wo Mohobath Say Us Ka Haath Thamay Huay Tha......Multan Shahar Pohonch Ker Apnay Ghar Lay Janay Ki Bajai Wo Ussay Aik Sastay Say Hotel Lay Aya Tha.......Us Kay Poochnay Per Bola....Yai Ammi Kay Liyai Shock Hoga....Zara Unhain Raam Kerloon Phir Tumhain Lay Jaoon Ga............Dono Nay Milker Akhittay Khana Kha Yatha Or Wo Ussay Dilla Say Daita Hua Chala Gaya...........Kafi Dair Ho Chuki Thi Wo Wapis Na Aya To Wo Peraishaan Hogayee....Na Cell Utha Raha Tha Na Text Messages Ka Jawab Day Rah A Tha...Achanak Dastuk Huyee Derwazay Per Akar Poochnay Per May Hun Derwaza Kholo Yaar.....Itni Dair Kiyun Lagadi Sohail...Yaar Ammi Man Gayeen Hain May Tumhan Lainay Aya Hun Apna Bag Taiyaar Ker Lo Han Raqum Or Zaiwar Mujhay Day Do May Ahtiyaath Say Apnay Paas Rakh Ta Hun....Juldi Karo Is Say Pehlay Kay Ammi Ka Mood Badal Jai Hummain Chal Na Hay......


Kaisa Laga Mera Shahkaar Maeee Wo Sigrate Ka Dhuwan Ura Ta Hua Bol Raha Tha...Or Wo Bahuda Libaas May Adhair Umar Aurath Usska Ser Say Pair Tuk Jaiza Lay Rahi Thi.......Jawab Nahin Tum Hara....Bara Haath Mara Hay Tum Nay...............Yai Tum Mujhay Kahan Lay Aiy Ho.......Wo Rorahi Thi.......Janath Meri Jaan...Wo Lofarana Andaaz May Bola Tha.....Zaleel Insaan ...Wo Ghussay Or Tasih Kay Alam May Us Ki Taraf Barhi Thi....Or Thapar Marna Chaha Tha...Na Na Meri Jaanyai Sitam Muth Kerna..Us Nay Us Ka Haath Pakar Liya...........Mayee Kitnay Dogi...Is Maal Kay....Wo Sadmay Say Ussay Daikhty Rah Gayee............20,000 Hazar Na Agay Na Peechay...Mayee Tu Bhi Na ....Chal Tu Bhi Kiya Yaad Keray Gi.....Chal Diya Lakin Pehla Gahik May Hi Hunga......Han Sikandar Tu Bhi Kiya Yaad Keray Ga Aaj Chori Teri Huyee Ray...Wo Qabasath Say Muskurayee Thi

Wo Bus May Baithi Thi Lutti Phutti Si Ma Baap Ki Izzath Ka Janaza Nikaal Kar Apni Mataye Hiyaath Luta Ker.............Zuqmi Taar Taar Wajood Ko Aik Sufaid Chadar May Chupai Huai.................Aik Maheenay Baad Hi Us Ko Moqa Haath Agaya Tha Raid Parhee Thi.....Us Ghar Per....Wo Apni Terha Hi Aik Nadan Larki Kay Saath Bahir Nikalnay May Un Darindon Or Police Ki Ankhon May Dhool Jhonk Mayr Kamiyaab Hui Thi..............

Karachi Kay Bus Adday Per Utar Ker Wo Riksha May Baithi Thi North Nazima Baad Riksha Walay Nay Ussay Uskay Ghar Uttar Diya Tha ........Kup Kupatay Hathon Say Bell Bajanay Per Jub Khudmon Ki Chap Ghar Kay Andar Say Sunayee Di To..Dil Ki Dharkan Taiz Hogayee...........Gate Jaisay Hi Khulla To Aik Anjaan Chera Samnay Tha.............Ji Aap Ko Kis Say Mil Na Hay....Wo Pandra Sola Saal Ka Larka Tha.....Mum Aboo... Mum Mera Muthlub Hay Mujhtaba Sahab Ghar Per Hain...........Ji Nahin Un Ka To Inteqal Hogaya Hay...Larkay Kay Jawab Dainay Say Pehlay Hi Peechal Khari Khatoon Nay Jawab Diya....Ji..............Wo Sadmay Say Boli Thi................Becharay Zinda Bhi Kaisay Rehtay......Aik Hi Aulad Thi Ain Mangni Walay Din Bhaag Gayee..Toba Toba Kaisi Larkiyan Hotin Hain Yai.....Baap Ussi Din Heart Attack Say Mer Gaya Bechara...Or Ma Sadmay Say Pagal Hogayee...Che Agar Meri Aisi Beti Hoti Apnay Hathon Say Zinda Dafan Ker Daitee.....Wo Us Waqth Zalzalon Ki Zadh May Thi Thakay Thakay Wajood Kay Saath Palti Thi...............Array Naam Nahin Bataya Aap Nay....Wo Aurath Kay Poochnay Per Koyee Jawab Na Daiti Huay Taiz Taiz Qadmon Say Chulti Chalay Gayeee.....Or Ab Samandar Kay Kinaray Khari Apnay Kiyai Per Matam Kerti Huyee..............Wo Bay Awaz Ro Rahi Thi.........Nadamath Pachtaway Na Janay Kiya Kiya Na Thay...Us Nay Walaidain Or Mohobath May Say Mohobath Ko Chuna Tha Or Yai Bhool Gayee Thi Kay....Ma Baap Jitni Mohobath Ussay Is Duniya May Koyee Nahin Day Sukta....Sairaab Kay Peechay Bhagi Thi Wi Or Haath Kiya Aya Sirf Khaak...........Apnay Ashiyanay Ko Aag Laga Ker Khud Bhi Raakh Hogayee Thi..................Ghilazath May Luth Puth Wajood Say Ussay Ghin Arahi Thi...Lakin Yai Ghilazath Us Nay Khud Hi Leepi Thi Apnay Wajood Per ...Ma Say Jhoot Bol Ker Apnay Walid Ki Izath Ko Neelam Ker Kar..............Phir Taqdeer Say Shikwa Kaisa..........Taqdeer Per Kali Siyahi Ussi Nay To Phairi Thi...Jazbaath May Akar Orkhud Ghurzbun Ker...Aik Lamhay Ko Bhi Apnay Walaidain Ka Qayal Nahin Aya Tha...Agar Wo Ghalath Insaan Na Nikal Ta To Kiya Wo Palat Ker Apnay Walaidain Ka Haal Pooch Ti Nahin Kabhi Nahin...Aisay Logon Ka Aisa Hi Anjaam Hona Cha Yai Jo Apni Zaath Kay Agay Kissi Ko Nahin Poochtay....Or Moozor Khwahishon Per Band Nahin Bandh Tay...........Pachtawa Nadamath.............Bus Allah Ki Taraf Say Saza Kay Huqdar Bun Jatay Hain....Wo Roti Rahi Orbus Muqadar May Bus Yahi To Reh Gaya Tha.....Mukafat-E-Amal Ki To Ibtida Thi.....Or Bus