Dakoo Bhai Logon Kay Naam

(farah ejaz, dearborn,mi USA)

Assalam O Alaikum Guyz

Ji Haan Unwaan Say Hi Aap Logon Ko Yai Thread Ajeeb Lagay Ga...Lakin Kiya Karain Hathon May Aik Waqiyai Ki Wajha Say Khujli Shuroo Hogayee To Mujbooran Ain Adath Behan Ji Kay Mutabiq Is Topic Per Likhnay Baith Gai......Aaj Zara Hut Ker Topic Lai Hain Na Jin Bhai Jano Kay Baray May Baath Karingay Or Na Humwatno Per Criticize Karingay............Aaj Sirf Dakoo Sahibaan Per Baath Hogi...Han To Janab Yai Dakoo Bhai Logon Kay Liyai Aik Khula Paighaam Hay Kay Bhai Aap Log Daakay Daltay Huay Or Logon Ko Martay Huay Thuktay Kiyun Nahin....Pakistan May To Kaafi Dehshath Phailayee Huyee Hay...Log Jinnath Say Nahin Dertay Na Churailon Ka Khof Hota Hay....Lufz Dakoo Per Hi Bunday Ko Heart Attack Ana Shuroo Hojata Hay....Meray Qayal May Jinaath Bhi Dakoo Bhai Logon Say Konso Door Bhagatay Hungay(Lutnay Ka Dar Jo Hay)......Ajeeb Si Laal Laal Ankhain Jaisay Kisis Ka Khoon Pee Ker Arahay Hon....Ooper Say Gundy Zaban.....Allah Maaf Karay.....Becharay Pakistaniyon Per Her Taraf Say Hi Maar Parh Rahi Hay.....Mehngayee Ka Jin Ho Ya Ghair Zaroori Tugri Utility Bills......Ooper Say Bijli Ki Ankh Macholi.....Phir Hummaray Bhutta Khoron Or Dakoo Vbhai Logon Ka Khof.......Waisay Bhutta Khoron Ki Bhi Ajeeb Kahani Hay.....Her Siyaasi Party Ki Zaroorath Hotay Hain Yai Log Bhutta Do Werna Sangeen Nataij Ki Dhumkiyaan...Jis Per Forun Amal Bhi Hojata Hay.......Partiyan Purzore Tareeqay Say Cheekh Pukaar Kerteen Hain....Or Der Parda Sara Maal In Siyaasi Parties Kay Paas Hi Pohonch Jata Hay....Janab Sub Khush...F I R Durj Karanay Jao Kahin Daka Paray To Ziyadater To Durj Hi Nahin Hoti....Aik Mazay Ka Qissa Hay ...Kissi Kay Ghar Daka Para....Jub Dakoo Chalay Gai To Jin Kay Ghar Daka Para Wo Sahib Police Station Pohonch Gai.....Jaisay Hi Andar Daqil Huay...Foran Ultay Qadmon Bahir Nikal Ai.....Kiyun Kay Jo Sahib FIR Likh Rahay Thay Wo Un Dakoon May Say Aik Thay.....Ab Police Or Dakoo Bhai Log Aik Hogai Hain To Bechari Awaam Kahan Jai Gi.....Che...To Janab Dakoo Sahibaan Kabhi Yai Bhi Socha Hay Kay Aap Kay Ghar May Daka Parh Jai To Kiya Mehsoosaath Hungay Aap Logon Kay...Khawateen Say Batameezi Kerna Unhay Hiransa Kernay Ki Kiya Zaroorath Hay....Dakay Shoq Say Daliyai Lakin Khawateen Ko To Buqsh Di Jiyai Aap Kay Ghar May Bhi To Maa Behnay Hungi Na...Sochiyai Koyee Unki Taraf Burayee Say Daikhay To Aap Ka Khoon Khol Jata Hoga Na ......Waisay Aisay Waqiyaath Sun Ker Hummara Bhi Khoon Khol Jata Hay.....Ji Chata Hay Aap Logon Ki Wo Dhulayee Karain Kay Aap Ko Poori Dakoo Baradari Ki Naniyan Yaad Ajain.....Lakin Baaz Khwahishain Aisi Jo Andar Hi Ghut Ker Rah Jatin Hain.....So Yai Bhi Unhi Khwahishon May Say Aik Khwahish Hay....Mantay Hain Bandooq Kay Agay Har Kissi Ki Bolti Bund Hojati Hay To Hum To Aik Kumzor Muqmani Si Khatoon Hain.....Baherhaal Allah Aap Logon Ko Hidayath Day....Werna Jaan Lijiyai Kay......Authantic Hadeeth Kay Mutabiq Agar Issi May Moth Agayee To Aap Logon Ka Thikana Jahanum Hay.......Wahan Jahanum Darogha Ko Apnay Qissay Sunayai Ga.....Shaid Shoq Say Sun Lay.....Agay Kuch Likhnay Ki Himmath Ab Khatum Hogayee Hay Is Liyai Aap Logon Say Hummara Allah Hi Hafiz Hay...

farah ejaz
About the Author: farah ejaz Read More Articles by farah ejaz: 146 Articles with 213417 views My name is Farah Ejaz. I love to read and write novels and articles. Basically, I am from Karachi, but I live in the United States. .. View More