سیلاب٬ دھرنے! کیا یہی پاکستان ہے؟

قیامِ پاکستان سے اب تک ہم نے کیا کھویا اور کیا پایا؟ یہ سوال ہمارے ذہنوں میں ضرور گردش کرے گا جب ہم اپنی روح کو ٹٹولیں گے- ایک عام آدمی کی نظر میں پاکستان کا نام ذہن میں آتے ہی پہلا ممکن تصور سیلاب٬ مہنگائی٬ بجلی کی لوڈ شیڈنگ٬ کرپشن٬ ٹارگٹ کلنگ٬ دہشت گردی٬ آزادی٬ انقلاب مارچ اور دھرنے وغیرہ کا ہوتا ہے- سوال یہ پیدا ہتا ہے کیا پاکستانی قوم انہی کارناموں کی وجہ سے پہچانی جائے گی؟ کچھ دور اندیشوں کی نظر میں پاکستان بحیثیت ناکامی کے دھانے پر کھڑا ہے- آئے روز پاکستان کی بربادی کا رونا رونے والا ہمارے میڈیا نے تو پاکستان کو ایک ناکام ریاست قرار دے دیا ہے- حقائق سے دور بھاگنا آسان ہے٬ وہ حقائق جنہوں نے پاکستان کو ایک عظیم ریاست کا درجہ دیا تھا- بین الاقوامی سطح پر بڑھتی ہوئی سیاسی مشکلات اور دہشت گردی کے خلاف جنگ پاکستان کی مقبولیت کا باعث بنی- ہماری طرزِ زندگی٬ ہماری راویات ان مسائل کی وجہ سے مشکلات کا شکار ہیں- اسی لیے پاکستان مثبت باتیں لوگوں کی نظروں سے اوجھل ہیں-

پاکستان کی عوام آئے روز ملک کو درپیش مسائل پر تنقید کرتی رہتی ہے جو کہ افسوسناک بات ہے- ہماری عوام اپنے ملک کی صلاحیتوں اور کامیابیوں کو فراموش کر چکی ہے- کوئی قوم ایسی نہیں جس میں خامی نہ ہو- یہ ذمہ داری عوام پر عائد ہوتی ہے کہ وہ مسائل کا سامنا اور ان کا حل کیسے تلاش کرتے ہیں؟ ہم یہاں پاکستان کو حاصل چند ایسے اعزازات کا ذکر کریں گے جو اس قوم کا فخر ہیں-
 

دنیا کی چھٹی اور اسلامی دنیا واحد ایٹمی قوت
ہمارے ملک کی سلامتی کو سب سے بڑا خطرہ پڑوسی ملک بھارت سے ہے- قیامِ پاکستان سے اب تک ہم بھارت سے تین جنگیں لڑ چکے ہیں- اس کے علاوہ لائن آف کنٹرول پر ہونے والی جھڑپیں معمول بن چکی ہیں- بھارت نے 1998 میں ایٹمی دھماکہ کر کے جنوبی ایشیا میں اپنی طاقت کا اعلان کیا جس کے بعد پاکستان کا ایٹمی قوت بننا ضروری ہوگیا- یہ سنگِ میل پاکستان نے 1998 میں طے کیا جو کہ ہمارے وجود کا اہم ستون ہے-

دنیا کا سب سے بڑا آب پاشی کا نظام
صنعت کاری کے شعبے میں ہم نے ترقی نہیں کی اور بیرونِ ملک مقیم سرمایہ کار پاکستان میں سرمایہ لگانے سے گریز کرتے ہیں جس کی سب سے بڑی وجہ دہشت گردی اور غیر محفوظ سرمایہ ہے- یہی وجہ ہے کہ پاکستان میں موجود دنیا کا سب سے بڑا آب پاشی کا نظام ہماری ذراعت کی ترقی کو تقویت بخشتا ہے-

دنیا کا دوسرا بڑا قدرتی گیس کا نظام
کیا آپ کو معلوم ہے کہ پاکستان کے قدرتی گیس کے ذخائر امریکہ کے بعد دنیا کے دوسرے بڑے ذخائر میں شمار ہوتے ہیں- یہ جان کر آپ کو حیرت ہوگی کہ پاکستان کے گیس کے ذخائر دنیا کے ترقی یافتہ ممالک جرمنی٬ یو کے٬ آسٹریلیا اور فرانس کے مقابلے میں بھی زیادہ بڑے ہیں-

کھیوڑا کی کان - دنیا کی دوسری بڑی نمک کی کان
کھیوڑا کی کان پنڈ دادنخان کے شمال میں واقع دنیا کی دوسری بڑی اور قدیم نمک کی کان ہے- اس کان کی سالانہ پیداوار 350000 ٹن ہے جس میں 99 فیصد ہالیٹ کی مقدار شامل ہے- یہ مقام سیاحوں کی توجہ کا مرکز ہے اور ہر سال لگ بھگ 2 لاکھ 50 ہزار سیاح اس مقام کو دیکھنے کے لیے آتے ہیں-

دنیا کی سب سے زیادہ بلند بین الاقوامی سڑک
قراقرم کی پہاڑی سلسلے میں شاہراہ قراقرم واقع ہے- یہ شاہراہ پاکستان کو اپنے سب سے قابلِ اعتماد دوست ملک چین کے ساتھ ملاتی ہے- یہ دنیا کی سب سے بلند اور پختہ سڑک ہے اور اسے دنیا کا آٹھواں عجوبہ قرار دیا جاتا ہے- اس شاہراہ کو N-35 کے نام سے بھی پکارا جاتا ہے- یہ سڑک 1300 کلومیٹر طویل ہے جس میں سے 887 کلومیٹر پاکستان میں جبکہ 413 کلومیٹر کا رقبہ چین میں واقع ہے-

دنیا کی چھٹی بڑی فوج
“ ہماری فوجی قوت اور پاکستان آرمی کے جذبے کے ساتھ ہم پوری دنیا فتح کر سکتے ہیں“- امریکہ کی طرف سے یہ بیان دنیا میں ہماری فوجی طاقت اور صلاحیتوں کا ادراک کرنے کے لیے کافی ہے- تین جنگوں کے تجربے اور کئی فوجی آپریشن کے ساتھ ہماری آرمی دنیا کی سب سے زیادہ پیشہ ورانہ صلاحیتوں کی حامل فوج ہونے کا اعزاز رکھتی ہے-

دنیا کے عظیم اور شہرہ آفاق تعلیمی ادارے
پاکستان میں خواندگی کی شرح میں بہتری اس بات کا ثبوت ہے کہ دنیا کی مایا ناز یونیورسٹیاں اور تعلیمی ادارے یہاں واقع ہیں- آغا خان یونیورسٹی٬ لاہور یونیورسٹی آف منیجمنٹ سائنس٬ نیشنل یونیورسٹی آف سائنس اینڈ ٹیکنالوجی٬ FAST اور انڈس ویلی اسکول آف آرٹ اینڈ آرکیٹکچر کا شمار ان کچھ نئی یونیورسٹیوں میں ہوتا ہے جنہوں نے پرانی یونیورسٹیوں جیسے کہ ڈاؤ٬ کنگ ایڈورڈ کالج آف میڈیسن٬ نیشنل کالج آف آرٹس اور آئی بی اے کے ساتھ گٹھ جوڑ کر کے پاکستان کو مضبوط تعلیمی نظام کی بنیاد رکھی ہے-

دنیا میں سب سے زیادہ آزاد میڈیا
پاکستان کا الیکٹرونک میڈیا دنیا کے سب سے زیادہ آزاد اور خود مختار میڈیا میں سے ایک تصور کیا جاتا ہے جس کی سب سے بنیادی وجہ ہمارے مایہ ناز اور شہرہ آفاق صحافی حضرات ہیں- یہ ایک خاموش انقلاب کی مانند ہے جس نے اس سوئی ہوئی قو کو جگا دیا ہے- قیامِ پاکستان ک بعد سے یہ اپنی نوعیت کا پہلا کارنامہ ہے-