برطانوی ٹیم کی ناقص کارکردگی٬ وجہ 'سات بھوت'

ہم آج تک کسی بھی کرکٹ ٹیم کی مایوس کن کارکردگی کی وجہ ناقص پرفارمنس ہی سنتے آئے ہیں لیکن انگلینڈ کرکٹ ٹیم کا معاملہ ساری دنیا سے جدا نکلا کیونکہ اس ٹیم کی حالیہ مایوس کن کارکردگی کا ذمہ دار ناقص پرفارمنس کے ساتھ ساتھ چند بھوتوں کو بھی ٹھہرایا گیا ہے-

یہ عجیب و غریب دعویٰ کیا ہے ہے برطانوی میڈیا نے جن کے مطابق انگلینڈ کرکٹ ٹیم کی میدان میں مایوس کن کارکردگی کی وجہ صرف ناقص پرفارمنس ہی نہیں بلکہ ہوٹل میں رونما ہونے والے پراسرار واقعات بھی ہیں۔
 

انگلینڈ کرکٹ ٹیم برطانیہ کے مشہور فائیو اسٹار لنگھم ہوٹل میں ٹھہری ہوئی تھی جبکہ اس ہوٹل میں انگلش ٹیم اور دیگر افراد کے علاوہ 'سات بھوت' بھی رہائش پذیر تھے۔

ان بھوتوں سے ڈر کر متعدد کرکٹرز نے کمرے تبدیل کرنے کی درخواست کر ڈالی جبکہ بعض کرکٹرز کی بیویوں اور گرل فرینڈ نے تو اس فائیو اسٹار ہوٹل میں ٹھہرنے سے ہی انکار کر دیا-

میڈیا رپورٹس کے مطابق انگلش ٹیم سری لنکا اور ہندوستان کے خلاف سیریز کے دوران ان 'بھوتوں' کی موجودگی کے باعث مناسب نیند حاصل نہ کرسکی اور معاملہ اس حد تک بڑھ گیا کہ چند کھلاڑیوں کو تو اپنے کمرے تک تبدیل کرنے پڑے۔

فاسٹ باؤلر اسٹورٹ براڈ کا کہنا ہے کہ میرے کمرے میں اتنی شدید گرمی تھی کہ میں سو تک نہیں پارہا تھا اور مجھے اپنا کمرہ تبدیل کرنا پڑا۔