مصر: شرم الشیخ کے عجائبات

شرم الشیخ مصر کے جنوبی سرے پر موجود ایک ایسا مقام ہے جو دنیا کے مشہور ترین مقامات کوہ سینا اور بحیرہ احمر کے درمیان واقع ہے-

اس مقام کی تاریخ ہزاروں سال پرانی ہے اور اسے اپنی ثقافتی سیاحت اور سورج کی چمک دمک کے حوالے سے جانا جاتا ہے جو کہ پورے سال رہتی ہے-

یہ مصر کے بہترین سیاحتی مقامات میں سے ایک ہے اور اپنی چھٹیاں گزارنے کے حوالے سے زیادہ تر سیاحوں کی ترجیح بھی یہی جگہ ہوتی ہے-

شرم الشیخ کے سیاحتی دورے کے موقع پر سب سے مشکل کام بہترین رہائش گاہ یا ہوٹل کا انتخاب ہوتا ہے- شرم الشیخ میں واقع ہوٹل انتہائی خوبصورت پرکشش ہیں لیکن ہم آپ کو چند ایسے ہوٹل کے بارے میں بتاتے ہیں جن کا شمار شرم الشیخ کے عجائبات میں ہوتا ہے-

Sierra Sharm El Sheikh
یہ ایک بہترین ہوٹل ہے جو کہ شرم الشیخ کے مشہور نیشنل پارک راس محمد میں واقع ہے- رہائش اختیار کرنے کے لیے یہ ایک بہترین علاقہ ہے کیونکہ اس کے اردگرد ریسٹورنٹس٬ خریداری کے لیے دکانیں اور کاروباری سیمینار تک منعقد ہوتے ہیں-

Savoy Sharm
یہ ہوٹل شرم الشیخ کے حیرت انگیز مقامات میں سے ایک ہے- یہ ہوٹل بھی راس محمد میں ہی واقع ہے لیکن یہاں ٹھہرنے والے سیاح اردگرد قدرتی خوبصورتی سے لطف اندوز ہوسکتے ہیں-

یہ ہوٹل ریسٹورنٹس اور دیگر جدید سہولیات سے آراستہ ہے جیسے کہ اندرونی اور بیرونی سوئمنگ پول٬ مساج سینٹر اور Jacuzzi وغیرہ- اس کے علاوہ یہاں سنہری ریت کا حامل ساحل بھی ہے- اس ہوٹل میں موجود 6 ریسٹورنٹس مختلف اقسام کے کھانوں کی پیشکش کرتے ہیں- ان ریسٹورنٹس میں اطالوی٬ ایشین اور امریکن ڈشز سے لطف اندوز ہوا جاسکتا ہے-

ہوٹل کے تمام کمرے روشن اور جدید فرنیچر سے آراستہ ہیں جبکہ ہر کمرے کے ساتھ ایک بالکونی بھی موجود ہے جہاں سے بحیرہ احمر اور سوئمنگ پول کا خوبصورت نظارہ کیا جاسکتا ہے-

Domina Coral Bay Aqua Marine
رہائش اختیار کرنے کے لیے یہ بھی ایک خوبصورت مقام ہے جو کہ ایک ریزورٹ ہے٬ خاص طور پر ان لوگوں کے لیے جو تیراکی کا شوق رکھتے ہیں-

اس مقام پر بھی متعدد ریسٹورٹنس موجود ہیں جو کہ مقامی اور بین الاقوامی ڈشز کی پیشکش کرتے ہیں- یہاں آنے والے سیاح خود کو انتہائی پرسکون محسوس کرتے ہیں- یہاں کئی اقسام کی تفریحی سرگرمیاں سرانجام دی جاسکتی ہیں جن میں سرفہرست پانی کے کھیل ہیں- ان کھیلوں کے ذریعے سیاحوں کا واسطہ منفرد تجربات سے پڑتا ہے-

سیاح اپنے کمروں سے بھی اس مقام کے خوبصورت نظاروں سے لطف اندوز ہوسکتے ہیں٬ کیونکہ ہر کمرے میں بالکونی موجود ہے جہاں سے ساحل٬ سمندر اور پول کا دلکش نظارہ کیا جاسکتا ہے-

اب بات کرتے ہیں شرم الشیخ میں واقع ایک مسجد اور اولڈ مارکیٹ کی:

Al Musterfa Mosque
یہ شرم الشیخ کی ایک خوبصورت مسجد ہے اور انتہائی محفوظ حالت میں موجود ہے- یہ شرم الشیخ کی شاندار عمارات میں سے ایک ہے اور اسے فنِ تعمیر کا اعلیٰ شاہکار کہا جاتا ہے- اس مسجد کی تزئین و آرائش بہترین frescos اور خوبصورت اسٹرکچر سے کی گئی ہے-

The Old Market
اگر آپ شرم الشیخ کی روزمرہ زندگی دیکھنا چاہتے ہیں تو پھر اولڈ مارکیٹ کا رخ کریں- یہاں کا قانون ہے کہ تاجر روزانہ کی بنیاد پر اکٹھے ہو کر ایک دوسرے سے سامان اور رقوم کا تبادلہ کرتے ہیں- یہاں کی دکانوں پر آپ کو منفرد تحائف اور قابل ذکر اشیاﺀ دیکھنے کو ملیں گی- البتہ جیب کتروں سے ہوشیار رہنے کی ضرورت ہے-