مہلک ترین سانپوں کا جزیرہ٬ زہریلے اتنے کہ ---

عام طور پر لوگ جزائر کو پسند کرتے ہیں کیونکہ یہ خوبصورت ہونے کے ساتھ ساتھ انتہائی پرسکون بھی ہوتے ہیں- لیکن دنیا میں ایک جزیرہ ایسا بھی ہے جہاں کوئی عام انسان جانے کی سوچ بھی نہیں سکتا کیونکہ اس جزیرے پر ہزاروں کی تعداد میں سانپ پائے جاتے ہیں-

یہ سانپ کوئی معمولی سانپ نہیں بلکہ دنیا کے سب سے زہریلے اور مہلک ترین سانپ ہیں- اگر یہ سانپ کسی انسان کو کاٹ لے تو اس کے زہر سے انسانی گوشت تک پگھل جاتا ہے- اس کے علاوہ یہ سانپ اڑتے پرندوں کو اپنے زہر کی مدد سے مار ڈالتے ہیں-
 

4 ہزار سے زائد سانپوں پر مشتمل یہ جزیرہ برازیل کے ساحلی علاقے ساؤ پولو سے 20 میل (32 کلومیٹر ) کے فاصلے پر موجود ہے اور یہ golden lancehead viper نامی زہریلے سانپوں کا گھر ہے-

اس جزیرے کو Ilha de Queimada Grande کے نام سے جانا جاتا ہے-

جزیرے کے خطرناک ہونے کی وجہ سے برازیل کی حکومت نے یہاں جانے پر پابندی لگا رکھی ہے٬ جبکہ پابندی سے قبل متعدد افراد اس جزیرے پر جانے کی حماقت کر چکے ہیں-

یہ دنیا کا واحد مقام ہے جہاں زہریلے سانپوں کی یہ قسم آباد ہے اور اسے Bothrops insularis کے نام سے بھی جانا جاتا ہے-

ان کا صرف ایک ہی مقام پر موجود ہونا ایک طرح سے انسانوں کے لیے بہتر بھی ہے کیونکہ انتہائی زہریلے اور خطرناک ہوتے ہیں-