مسکرائیں اور حیرت انگیز فوائد اٹھائیں

مسکراہٹ وہ چیز ہے جس کے حصول کے لیے آپ کو کولی رقم نہیں ادا کرنی پڑتی اور یہ آپ کے بس میں بھی ہوتی ہے- لیکن کیا آپ جانتے ہیں کہ آپ کے مسکرانے سے صرف آپ کا موڈ ہی خوشگوار نہیں ہوتا بلکہ اور بھی چند حیرت انگیز فوائد حاصل ہوتے ہیں-
 

اگر آپ کسی وجہ سے ڈپریشن کا شکار بھی ہوں تب بھی مسکراہٹ آپ کے مزاج یا موڈ پر خوشگوار اثرات مرتب کرتی ہے۔ سوئیڈن کی اپسلا یونیورسٹی کی تازہ تحقیق کے مطابق مسکراہٹ نہ صرف مزاج پر اثرانداز ہوتی ہے بلکہ اسے خوشگوار بھی بنا دیتی ہے۔

مسکرانے کا ایک حیرت انگیز فائدہ یہ بھی ہے کہ یہ آپ کی زندگی بڑھانے کا سبب بنتی ہے- اگر آپ طویل زندگی چاہتے ہیں تو پھر اچھی خوراک اور بھرپور نیند کے ساتھ ساتھ مسکراہٹ کو بھی اپنی زندگی کا حصہ بنائیں-

آپ کا مسکرانا صرف آپ کے لیے نہیں بلکہ دوسروں کے لیے بھی فائدہ مند ہوتا ہے- ہیولیٹ پیکارڈ کی ایک تحقیق کے مطابق کسی دوست یا رشتے دار کے چہرے پر مسکراہٹ دیکھنے سے بھی دل و دماغ میں خوشی کی لہر پیدا ہوتی ہے جو کہ موڈ کو خوشگوار بناتی ہے-

امریکی تحقیق کے مطابق زیادہ مسکرانے والے افراد کی شادیاں بھی زیادہ کامیاب ہوتی ہیں اور وہ ایک طویل مدت تک برقرار رہتی ہیں- مسکرانے کے عادی افراد زیادہ پرامید٬ خوش باش اور جذباتی لحاظ سے مستحکم ہوتے ہیں- اور اسی وجہ سے ان افراد کے رشتے بھی مضبوط ہوتے ہیں-