|
برطانیہ میں دو کرکٹ ٹیموں کے درمیان ہونے والے ایک لیگ
میچ کو اس وقت منسوخ کردیا گیا جب ایک شخص کو پویلین میں چوری کرتے دیکھا
گیا- جس کے بعد دونوں ٹیموں کے کھلاڑیوں نے مل کر چور کی تلاش شروع کردی-
پچاس اوور کے اس میچ کے دوران ملزم نے ڈریسنگ روم سے 12 آئی فون چرائے جو
کہ کھلاڑیوں کی جیکٹ پاکٹ موجود تھے- اب اسے چور کی بدقسمتی کہیں یا
کھلاڑیوں کی خوش قسمتی کہ ہوم ٹیم کے وکٹ کیپر نے اس شخص کو مرکزی ہال سے
نکلتے ہوئے دیکھ لیا۔
|
|
|
|
وکٹ کیپر نے فوری طور پر ایک آف ڈیوٹی پولیس اہلکار کو اس مشکوک شخص سے
متعلق آگاہ کیا- جبکہ یہ پولیس اہلکار بھی اوے ٹیم ہسلنگڈن کی طرف سے اپنی
بیٹنگ کے انتظار میں تھا۔
جس کے بعد میچ کو درمیان میں ہی روک کر جی پی ایس ٹریکر کی مدد سے چور کی
تلاش شروع کردی گئی اور اس کے لیے دونوں ٹیموں کے کھلاڑیوں نے جدوجہد شروع
کردی۔
چور کی تلاش کے لیے پولیس نے کتے بھی طلب کیے جبکہ کرکٹرز کی مدد سے ملزم
کو گرفتار کرلیا گیا اور اس کی گرفتاری میں سب سے اہم کردار جی پی ایس سسٹم
نے ہی ادا کیا جو کہ ایک موبائل فون میں آن تھا۔
|
|
|
لینکاشائر کی پولیس کے مطابق اس 29 سالہ شخص کا تعلق ڈانکاسٹر ساؤتھ یورکس
سے ہے جبکہ ملزم کے پاس سے موبائل فون بھی برآمد ہوگئے ہیں۔ |