|
امریکی ریاست اوریگون کے شہر پورٹ لینڈ کے ایک سابقہ
الیکٹریکل انجنئیر نے گزشتہ کئی سالوں سے ایک بہت بڑے ہوائی جہاز کو اپنے
رہائش گاہ بنا رکھا ہے- اور ان کی رہائش گاہ جدید ترین سہولیات سے آراستہ
بھی ہے-
64 سالہ بروس کیمبل 1999 سے اس وقت سے اس جہاز میں رہائش اختیار کیے ہوئے
ہیں جب انہوں نے یہ بوئنگ 727 طیارہ حاصل کر کے اپنی 10 ایکڑ کے رقبے پر
پھیلی ذاتی زمین پر لا کھڑا کیا تھا- یہ زمین پیسیفک شمال مغربی شہر میں
واقع ہے اور بروس ہر سال کے چھ ماہ لازمی اس جہاز میں گزارتے ہیں-
|
|
|
|
بروس نے یہ زمین اپنی نوجوانی میں تقریباً 23000 ڈالر میں خریدی تھی اور اس
وقت ان کا منصوبہ تھا کہ وہ یہاں ایک وین میں اپنا گھر بنائیں گے لیکن بعد
انہیں وین کی جگہ جہاز زیادہ بہتر محسوس ہوا-
بروس نے بوئنگ 727 اس وقت خریدا جب انہوں نے میسیپیسی ہئیر ڈریسر کے بارے
میں سنا جو کہ گھر کو جہاز میں تبدیل کرنے کا کارنامہ انجام دے چکا تھا-
گزشتہ 15 سالوں کے دوران بروس اس طیارے کو ایک غیر معمولی گھر میں تبدیل
کرنے کے لیے کم سے کم 2 لاکھ 18 ہزار ڈالر کی رقم خرچ کر چکے ہیں- جہاز میں
خاص طور پر سونے کے لیے بنائے جانے والی جگہ کے علاوہ ایک کچن بھی جو کہ
مائیکرو ویو اوون اور ٹوسٹر جیسی سہولیات سے آراستہ ہے-
|
|
|
بروس نے جہاز کی تمام اصل خصوصیات بحال کیں٬ کاک پٹ سے لے کر فلائٹ اسٹئیر
تک ہر چیز کو قابلِ استعمال بنایا اور کچھ ایل ای ڈی لائٹس اور چند سیٹوں
کو بھی درست کیا-
سال کے چھ مہینے بروس اس جہاز میں گزارتے ہیں اور اس صوفے نما میٹرس پر
سوتے ہیں جو کاک پٹ کے دروازے سے صرف چند فٹ کے فاصلے پر بنایا گیا ہے-
|
|
|
بروس جہاز کے بطور رہائش گاہ منتخب کرنے کے حوالے سے کہتے ہیں کہ “ میرے
نزدیک لکڑی سے عمارت تعمیر کیا جانا خطرناک ہوتا ہے- اسے دیمک لگ سکتی ہے٬
یہ سکڑ سکتی ہے اور اس میں آگ بھی لگ سکتی ہے- ان تمام واقعات میں سے کوئی
بھی واقعہ سب سے پہلے وقوع پذیر ہوسکتا ہے- جبکہ یہ نسبتاً کمزور میٹیریل
ہے لیکن اسے انتہائی آسان ٹیکنالوجی کی مدد سے محفوظ بنایا جاسکتا ہے-“
“ جہاز کا اسٹرکچر آگ کے خلاف مزاحمت کرنے کی صلاحیت رکھتا ہے اور انتہائی
اعلیٰ سیکورٹی فراہم کرتا ہے“-
“ یہ تعمیرات کے لیے ایک بہترین اسٹرکچر کا درجہ رکھتے ہیں اور میرے نزدیک
یہ صحیح عمل نہیں ہے کہ انہیں ناقابل استعمال ہونے کی صورت میں اسکریپ میں
تبدیل کردیا جاتا ہے“-
|
|
|
“ میں اس پروجیکٹ پر مسلسل کام جاری رکھے ہوئے ہوں اور یہ میرا ذاتی مقصد
ہے- میں اپنی اس چھوٹی سی کاوش کے ذریعے انسانی رویے میں تبدیلی لانا چاہتا
ہوں-“
بروس دنیا کے ان چند افراد میں سے ایک ہیں جنہوں نے ٹیکساس سے نیدر لینڈ کے
درمیان ریٹائرڈ طیاروں کو گھر میں تبدیل کر رکھا ہے یا پھر کسی اور تخلیقی
پروجیکٹ کے طور پر استعمال کر رہے ہیں-لیکن طیاروں کو ری سائیکل کرنے والی
ایسوسی ایشن وہ اعداد و شمار فراہم کرنے سے قاصر ہے جن سے پتہ لگایا جاسکے
کہ آیا کتنے افراد ریٹائرڈ طیاروں کو اس طریقے سے استعمال کر رہے ہیں-
ایسوسی ایشن کا کہنا ہے کہ اگلے تین سالوں میں 1200 سے 1800 طیارے ناقابلِ
استعمال ہوجائیں گے اور اگلی دو دہائیوں تک ہر سال 500 سے 600 طیارے اسی
طرح ریٹائرڈ طیاروں میں شامل ہوجائیں گے-
|
|
|
بروس نے جہاز میں جوتوں کی متعدد جوڑیاں بھی رکھی ہیں جس کا مقصد یہ ہے کہ
اس جہاز کو دیکھنے کے لیے آنے والے سیاح اپنے گندے جوتے اتار کر جہاز موجود
صاف جوتوں کا استعمال کریں جس سے جہاز گندگی سے محفوظ رہے -
سب سے دلچسپ بات یہ ہے کہ بروس یہ سب سے کچھ دوبارہ کرنے کو بھی تیار ہیں
جس کے لیے وہ جاپان میں بوئنگ 747 خریدنے کا ارادہ رکھتے ہیں اور اس جہاز
میں بھی وہ سال کے چھ ماہ گزاریں گے-
|
|
|