پچھتانا نہیں چاہتے ہیں تو چند عوامل سے بچیے

زندگی خوشی اور دکھ کے امتزاج کا نام ہے٬ جس میں ہنسی بھی ہے٬ غم بھی اور پچھتاوا بھی ان جذبوں میں سے ہے جس کا سامنا ہر شخص کو ہوتا ہے- جدید عہد میں عمر کی چوتھی دہائی میں لوگ مختلف پچھتاؤں کا شکار ہوجاتے ہیں- جن میں سے چند ایک دی نیوز ٹرائب نے اپنی ایک رپورٹ میں شائع کیے اور یہ آپ کے لیے پیشِ خدمت ہیں٬ ان سے بچنا مشکل نہیں مگر مختلف وجوہات کی بنا پر یہ ہماری زندگی کا حصہ بن جاتے ہیں-

یہ نہیں کرنا چاہیے تھا یا ایسا کرنا چاہیے تھا
عمر کی چوتھی دہائی میں ہمیں سب سے زیادہ سماجی دباؤ کا سامنا ہوتا ہے تاہم اسے سر پر سوار نہ کریں٬ اس زمانے میں ہم اپنے گھر٬ بچوں٬ شادی یا کیریر کے حوالے سے پریشان رہتے ہیں تو ان توقعات کے باوجود زندگی کو ہنسی خوشی گزارنا سیکھیں٬ ناکامی کو محسوس کیے بغیر زندگی کو عام معمول کی طرح گزاریں-
 

والدین کے ساتھ وقت گزارنا
متعدد افراد کو چوتھی دہائی میں ایک عام پچھتاوا اپنے والدین کے ساتھ زیادہ وقت نہ گزار پانے کا ہوتا ہے کیونکہ نوجوانی میں وہ دیگر مشاغل میں زیادہ وقت گزار کر نعمت سے محروم ہوچکے ہوتے ہیں-

کام کو پہلی ترجیح بنانا
اپنے کیریر کو ترجیح بنانے سے عمر کی چوتھی دہائی پچھتاوے میں ہی گزرتی ہے٬ اپنے پیاروں کے ساتھ وقت گزاریں کیونکہ یہ لمحات کبھی دوبارہ واپس نہیں آئیں گے-

منفی چیزوں کے ساتھ وقت گزارنا
برے لوگ آپ کی زندگی سے کبھی غائب نہیں ہوتے بلکہ وہ آس پاس ہی ہوتے ہیں٬ تو ان کے ساتھ وقت ضائع مت کریں-

عمر کی چوتھی دہائی میں خود کو بوڑھا سمجھ لینا
30 سے 40 سال کی عمر کے درمیان آپ کی جانب سے یہ فقرہ کافی بار سنا جائے گا کہ اس کام کے لیے میں کافی بوڑھا ہوچکا ہوں- حالانکہ یہ بالکل غلط ہے٬ جو دنیا 20 سال کی عمر میں آپ کے لیے تھی وہ ابھی بھی موجود ہے٬ مواقعوں سے فائدہ اٹھا کر زندگی کا لطف لیں٬ کیونکہ ہمارے اندر کا بچہ کبھی نہیں مرتا-