دریائے ایمیزون کی حقیقت کیا ہے؟

جو بھی ایمیزون کو دیکھتا ہے، ایک لمحے کے لیے حیرت میں ڈوب جاتا ہے۔ واقعی اللہ تعالیٰ کی قدرت کے مظاہر کو دیکھنا ہے تو ایمیزون بھی کسی سے کم نہیں۔ اس کا سمندر میں شامل ہونے کا یہ نظارہ دو سو میل کی دوری سے بھی دیکھا جاسکتا ہے۔

دریائے ایمیزون جنوبی امریکہ کا ایک عظیم دریا ہے جو حجم کے اعتبار سے دنیا کا سب سے بڑا دریا ہے۔ اس میں پانی کے بہاؤ کا اندازہ اس بات سے لگایا جاسکتا ہے کہ ایمیزون کے بعد حجم کے اعتبار سے دوسرے سے چھٹے نمبر پر آنے والے تمام دریا مل کر بھی اس کے حجم کے برابر پانی نہیں۔
 

یہ افریقہ کے دریائے نیل کے بعد دنیا کا دوسرا طویل ترین دریا ہے۔

ایمیزون کی ابتداء جنوبی امریکہ کے ملک پیرو کے مقام نیواڈو مسمی سے ہوتی ہے۔ برازیل میں ایمیزون کا طاس جسے ایمیزون طاس کے نام سے جانا جاتا ہے، دنیا کا سب سے بڑا طاس ہے جو رقبے کے اعتبار سے پورے بھارت سے دوگنا ہے۔

دریائے ایمیزون کا پانی بحر اوقیانوس میں گرتا ہے اور بارش کے موسموں میں سمندر میں گرنے والا پانی 300،000 مکعب میٹر فی سیکنڈ تک پہنچ جاتا ہے۔ دنیا بھر میں سمندر میں گرنے والے میٹھے پانی کے کل حجم کا پانچواں حصہ دریائے ایمیزون سے گرتا ہے۔

دریائے ایمیزون کی لمبائی چار ہزار میل ہے اور دنیا کا سب سے بڑا دریا ہے۔ دنیا کے میٹھے پانی کا پانچواں حصہ اس کے کناروں کے درمیان بہتا ہے۔ تقریباً ایک ہزار چھوٹے بڑے دریا اس میں شامل ہو کر اس کے بہاﺅ میں اضافہ کرتے ہیں۔