وہ راز جو قدرت نے ناریل پانی میں چھپا رکھے ہیں

کچے، سبز اور نرم ناریل (Immature fruit) کے اندر موجود پانی صاف اور نمکیات سے بھرپور ہوتا ہے اور اسے “Life enhancer”اور”Nature’s sports drink” کے نام سے بھی جاتا ہے۔ یہ گرم (Tropic) علاقوں کا مشہور مشروب ہے جو تازہ، ڈبے یا بوتل میں بند ملتا ہے۔ ایشیاء میں کچے سبز ناریل کو صرف پانی کے حصول کے لیے ہی پیک کیا جاتا ہے۔ بوتل میں بند ناریل پانی کی شیلف لائف 24 ماہ تک ہوتی ہے۔

پچھلے چند برسوں میں ناریل پانی کو بطور قدرتی انرجی ڈرنک یا اسپورٹس ڈرنک مارکیٹ میں متعارف کرایا گیا ہے۔ ناریل کو جب تک توڑا نہ جائے اس کا پانی جراثیم سے پاک ہوتا ہے۔ ایک ناریل میں تقریباً 200-1000ملی لیٹر تک پانی ہوسکتا ہے جو کہ ناریل کے سائز اور قسم پر منحصر ہے۔ اسے تخمیر کر کے ناریل سرکہ بھی بنایا جاتا ہے۔ معمولی سا دکھائی دینے والا ناریل پانی اپنے اندر بہت سے طبی فوائد رکھتا ہے۔
 

ناریل پانی کے چند قیمتی فوائد:
٭گرمی کے موسم میں ناریل پانی ایک بہترین قدرتی مشروب ہے کیونکہ یہ قدرتی شوگرز، Electrolytes(سوڈیم اور پوٹاشیم) اور دوسرے نمکیات سے بھرپور ہے جو گرمی کی شدت کو کم کر کے جسم میں پانی اور نمکیات کی کمی پوری کرتے ہیں۔
٭ایک تحقیق کے مطابق ناریل پانی میں موجود Cytokinins میں عمر رسیدگی کو روکنے والی (Anti aging)، دافع کینسر(Anti carcinogenic)، دافع تھرمبوٹک(Anti thrombotic) اثرات پائے جاتے ہیں۔
٭بی وٹامنز بھی اس میں پائے جاتے ہیں۔
٭اس کا استعمال نظام ہضم کو بہتر بناتا ہے۔
٭قوت مدافعت کو بڑھاتا ہے۔
٭میٹا بولزم کو تیز کرتا ہے۔
٭سست دوران خون کو تیز کرتا ہے۔
٭گرمی اور لُو سے محفوظ رکھتا ہے۔
٭بوڑھے اور بیمار لوگوں کیلیے بہترین ٹانک ہے۔
٭فالج (Stroke) اور ہارٹ اٹیک سے محفوظ رکھتا ہے۔
٭تیزابیت کو ختم کرتا ہے۔
٭Atherosclerosis سے بھی بچاتا ہے۔ کولیسٹرول لیول پر بھی مثبت اثرات مرتب کرتا ہے۔
٭یہ بچوں اور حاملہ خواتین کے لیے بھی مفید ہے۔
٭وزن کم کرتا ہے۔ دنیا میں شوبز سے تعلق رکھنے والے افراد سلم رہنے کے لیے اس کا روزانہ استعمال کرتے ہیں۔ یہ بطور دُبلا کرنے والی پروڈکٹ بھی فروخت ہوتا ہے۔
٭جلد کو چمک دیتا ہے اور ایکنی کو بھی ختم کرتا ہے۔
٭ناریل پانی میں اورنج جوس کے مقابلے میں کم کیلوریز ہوتی ہیں۔