پاکستان ’بگ تھری‘ کی حمایت پر رضامند

پاکستان کرکٹ بورڈ آخر کار ’بگ تھری‘ کی مشروط حمایت پر رضامند ہوگیا ہے۔چیئرمین پی سی بی نجم سیٹھی کے بقول، بورڈ نے بگ تھری کی حمایت کے عوض پاکستان میں آئندہ نو سالوں تک انٹرنیشنل کرکٹ کھیلنے کی شرط رکھی ہے۔

دنیائے کرکٹ کے منتظم عالمی ادارے بین الاقوامی کرکٹ کونسل (آئی سی سی) کے رکن ممالک میں شامل پاکستان وہ واحد ملک ہے، جس نے ابھی تک آئی سی سی میں اصلاحات کے اس منصوبے کی منظوری نہیں دی ہے۔ اس مجوزہ منصوبے کے تحت زیادہ تر اختیارات بھارت، آسٹریلیا اور انگلینڈ کے پاس چلے جائیں گے۔
 

image


ڈوئچے ویلے کی رپورٹ کے مطابق یہ اصلاحاتی منصوبہ آئی سی سی کی رواں برس فروری میں سنگاپور ميں منعقدہ ایک میٹنگ میں متعدد رکن ممالک نے منظور کر لیا تھا۔ اس وقت سری لنکا اور پاکستان نے اپنی رائے محفوظ رکھی تھی۔ تاہم سری لنکا نے گزشتہ ماہ ’بگ تھری‘ کے حوالے سے معروف ہونے والی اس قرار داد کو منظور کر لیا۔

خبر رساں ادارے اے ایف پی نے بتایا ہے کہ بین الاقوامی کرکٹ کونسل کی دبئی میں منعقد کی جانے والی دو روزہ کانفرنس کے اختتامی دن بروز جمعرات پاکستانی کرکٹ کونسل (پی سی بی) نے بھی اس کی تنظیم نو کی حمایت کا عندیہ دے دیا ہے۔ پی سی بی کی طرف سے جاری کیے گئے ایک بیان میں کہا گیا ہے کہ پاکستان کرکٹ کونسل آئی سی سی کی اِس ترمیم شدہ قرار داد کی مشروط حمایت کا اعلان کرتی ہے، جسے قبل ازیں تمام رکن ممالک متقفہ طور پر منظور کر چکے ہیں۔

پاکستانی کرکٹ بورڈ کے مطابق اس نئے اصلاحاتی مسودے پر اس وقت دستخط کیے جائیں گے، جب پاکستان کو آئی سی سی کے تمام رکن ممالک بالخصوص بھارت کے خلاف دو طرفہ سیریز کھیلنے کے مواقع فراہم کرنے کی یقین دہانی کرائی جائے گی۔ یہ امر اہم ہے کہ پاکستانی کرکٹ کونسل کو سب سے زیادہ ریونیوز اس وقت ملتے ہیں، جب پاکستان اور بھارت مد مقابل ہوتے ہیں۔

پاکستان اور بھارت کی کرکٹ ٹیموں نے 2008ء کے بعد مکمل دو طرفہ سیریز نہیں کھیلی ہے۔ اگرچہ پاکستان نے دسمبر 2012ء اور جنوری 2013ء کے دوران بھارت کا دورہ کیا تھا اور محدود اووز کی ایک سیریز کھیلی تھی تاہم اس کوشش سے بھی ان دونوں روایتی حریفوں کے مابین مکمل دو طرفہ سیریز شروع کرنے میں مدد نہیں ملی تھی۔
 

image

جمعرات کے دن پاکستانی کرکٹ کونسل کے چیئرمین نجم سیٹھی نے بتایا کہ دبئی ميں منعقدہ کانفرنس میں پاکستان کو یقین دلایا گیا ہے کہ پاکستانی ٹیم کو بھارت کے خلاف مکمل دو طرفہ سیریز کھیلنے کے مواقع فراہم کیے جائیں گے۔

مقامی میڈیا رپورٹس میں کہا جا رہا ہے کہ شرط کے عوض بھارت بھی پاکستان آکر کرکٹ کھیلنے پر یقین دہانی کرانے کو تیار ہے۔
YOU MAY ALSO LIKE:

The Pakistan Cricket Board (PCB) on Thursday announced its conditional support to the International Cricket Council (ICC) revamp which rests power in the hands of India, Australia and England in the way the governing body is run. In a statement released to the media following the conclusion of the ICC Board Meeting in Dubai, the PCB said it had agreed to the revised ICC resolutions only on the conditions that it would get bilateral series with all members from 2015-2023.