Nasha Aik Aisi Cheeze Hai Jo
Insan Ko Apna Adi Bana Kar Tabah-O -Barbad Kar Deta Ha. Isliye Nasha Karna Islam
Mein Haram Qarar Diya Gaya Hai Iske Bawajod Qoum Ki Bari Nojawan Nasal Nashy Ki
Adat Mein Mubtila Ho Kar Apni Janon Se Khel Rahi Hai. Nojawan Qoum Ka Mustaqbil
Hai Lekin Khud In Ka Mustaqbil Dao Par Laga Hai. Nasha Karne K Liye Mukhtalif
Tareeqy Istemal Kiye Ja Rahe Hai Jin Mein Maqbool Nasha Gutka ,Shisha Aur
Cigarette Hai. Gutka Insani Sehat Ke Liye Khatarnak Aur Muzzir Hai . Gutka
Banany Ke Liye Jin Ajza Ka Istemal Kiya Jata Hai In Mein Mukhtalif Chemicals ,
Janwaro Ka Khun , Khushbodar Flavours ,Pisa Hua Kanch, Tambaku,Rang Mila Kattah
,Afim , Ispaghol , Kera Lagi Hui Chalia ,Battery Ka Istemal Shuda Pani Aur Degar
Muzzir-E- Sehat Ajza Shamil Hai. Ye Cheezain Moun Ke Gosht Ko Phar Kar Chala
Bana Deti Hai Jo Bad Mein Moun Ka Alsar Ban Jata Hai Aur Iska Musalsal Istemal
Agay Chal Kar Cancer Ki Shakal Ikhtiar Kar Leta Hai . Cancer Ke Marezon Mein 60
Se 70% Tadad Gutka Khany Walo Ki Hoti Hai . 2011 Se Gutky Ki Farokht Par Pabandi
Aed Hai Iske Bawajod Gutka Khully Am Farokht Kiya Ja Raha Hai. Sheesha Smoking
Bhi Insani Sehat Ke Liye Intehai Muzzir Hai .Hamary Mulk Ki Nojawan Nasal Jis
Zehar Ko Shisha Ke Nam Pr Apni Rago Mein Ghol Rahi Hai Purany Waqton Mein Isy
Huqqay Ke Nam Sy Mansoob Kiya Jata Tha. Huqqa Banany Ke Liye Tambaku, Tarr Aur
Negotine Ka Istemal Kiya Jata Hai. Lekin Ab Iski Jaded Qisam Shisha Mein Tambaku
Ko Zail Karny Ke Liye Is Mein Sweet Flavours Shamil Kiye Jaty Hai. Is Mein
Shamil Negotin Cigarette Ki Tarah Nuqsan Deh Hai. Negotine Aur Dhoy Sy Asabi
Nizam Buri Tarah Mutasir Hota Hy. Mulk Ke Nojawano Mein Ye Fashion Ki Soorat
Ikhtiar Kar Gaya Hai. Mulk Ki Nojawan Nasal Ne Is Adat Mein Mubtila Ho Kar Khud
Ko Barbad Kar Diya Hai. Insani Sehat Ke Liye Ye Jan Lewa Hai Jo Insan Ko Dil Ki
Bemariyon Aur Phepron Ke Cancer Mein Mubtila Kar Deta Hai. Cigarette Bhi Inhi
Nasha Awar Ashia Mein Se Aik Hai Jo Insan Ko Apna Adi Bana Kar Tabah-O-Barbad
Kar Deti Hai . Cigarette Peny Sy Dil Ki Naliyan Aur Blood Vessels Buri Tarah
Mutasir Hoti Hy. Police Ki Sarparasti Mein 400 Se Zayed Gutky Ke Karkhany Aur
Sheesha Cafes Ba Asani Chal Rahy Hai Lekin Koi Pochny Wala Nahi Hai . Qoum Ke
Rakhwaly Hi Qoum Ka Mustaqbil Bigarny Mein Lage Hai. Ye Sari Baten To Aik Taraf
Waldain Ka Kirdar Bhi Bacho Ko Bigarny Aur Sudharny Mein Aham Hota Hai Lekin Is
Jadeed Dor Mein Waldain Apny Bacho Ko Bigarny Mein Pesh Pesh Hai . Waldain Apny
Bacho Par Tawajja Nahi Dety Jis Ka Natija Ye Nikalta Hai Ke Waldain Sir Pakar
Kar Roty Hy. Waldain Ko Chahiye Ke Wo Apny Bacho Ki Sahi Taleem O Tarbiat Kar Ke
Inki Sedhy Rasty Ki Taraf Rehnumai Kary.