زندگی میں خوشی چاہیے تو چند عادات بدلیے

خوشی کے تصور کے بغیر زندگی انتہائی بے رنگ اور پھیکی محسوس ہوتی ہے مگر اس کا حصول مثبت ذہن اور عادات کے بغیر ناممکن ہے- ہماری اپنی چند منفی عادات زندگی سے مسرت کو ختم کر کے رکھ دیتی ہیں- اس آرٹیکل میں چند ایسے ہی عادات بتائی گئی ہیں جن سے دوری اختیار کر کے ہم اپنی زندگیوں خوشیاں بھر سکتے ہیں- دی نیوز ٹرائب پر شائع کردہ یہ عادات ہماری ویب کے قارئین کے لیے بھی پیشِ خدمت ہیں-
 

کینہ یا حسد رکھنا
معاف کردینا خوشی کی کنجی ہے٬ جب ہم کسی سے نفرت کرتے ہیں٬ کسی کے اوپر غصہ کرتے ہیں تو اس کا اثر ہماری زندگی پر بھی ہوتا ہے٬ اور ہمارے ذہن اور جسم ناراضگی یا غصے کا شکار ہوجاتے ہیں جو کہ خوشی کے لیے زہر ثابت ہوتا ہے- تو حسد یا غصے کو خود سے دور رکھنا زندگی کی مسرت کے لیے ضروری ہے-

اپنے خوابوں کی تعبیر سے ہار مان لینا
اپنے خوابوں سے دور ہوجانا زندگی میں اداسی کا زہر گھول دیتا ہے- جب ہم اپنے مقصد کی راہ پر چل پانے کی ہمت نہیں کر پاتے تو اس کا نتیجہ بعد کی زندگی میں پچھتاوے کی صورت میں نکلتا ہے اور ہماری زندگیاں بے رنگ ہو کر رہ جاتی ہیں-

خوشی کے لیے وقت نہ نکال پانا
کیا آپ لکھنے٬ گانے٬ سیکھنے یا مصوری کرنے سے محبت کرتے ہیں؟ مگر مصروفیت کی بنا پر ان کے لیے وقت نہیں نکال پاتے؟ جب اپنی خوشی کے لیے وقت نکالنے کو ترجیح نہیں دیتے تو ہماری زندگیوں سے مسرت بھی دور بھاگ جاتی ہے-

سطحی تعلقات قائم کرلینا
آج کی دنیا اپنی مصروف ہے کہ ہم دوست بنانے کے لیے وقت ہی نہیں نکال پاتے٬ اس طرح ہم تنہا رہ کر خود کو کمزور کرلیتے ہیں٬ اگر دیگر افراد سے حقیقی تعلق کی کوشش کی جائے تو اس سے ہماری روح بھی سرشار ہوجاتی ہے اور زندگی خوشی سے بھر جاتی ہے-

موازنہ
دیگر افراد سے موازنہ اکثر غیر حقیقی اور مبالغہ آمیز ہوجاتا ہے٬ کیونکہ ہم نہیں جانتے کہ جن سے ہم اپنا موازنہ کر رہے ہیں ان کی زندگیاں کیسی گزر رہی ہیں٬ اس طرح ہم اپنے دشمن خود بن جاتے ہیں جبکہ خوشی روٹھ جاتی ہے- یہ سمجھ لینا کہ ہم زندگی سے مطمئین ہیں٬ حقیقی طور پر خوش باش افراد ہمیشہ آگے بڑھنے کی جستجو کرتے ہیں٬ کیونکہ وہ جانتے ہیں آگے بڑھنے سے ترقی ہوتی ہے اور زندگی تفریح سے بھر جاتی ہے-

خوف کے عالم میں زندگی گزارنا
جب بھی کوئی فیصلہ کریں تو نتائج کی پروا کیے بغیر یہ سوچ کر فیصلہ کریں کہ اس سے زندگی میں محبت اور تخلیق کا رنگ کیسے بھرا جاسکتا ہے٬ کیونکہ ڈر خوشیوں کا سب سے بڑا دشمن ہوتا ہے-

خودغرضی یا کسی کو کچھ نہ دینے کی عادت
کنجوسی یا خودغرضی نکل کر جب ہم دیگر افراد کی مدد کے لیے آگے بڑھتے ہیں تو زندگی میں مسرت کا احساس بڑھ جاتا ہے٬ بلکہ یہ خوشی کا سب سے بڑا ذریعہ بھی بن سکتا ہے-

اپنی ذات میں مگن رہنا
اپنی ذات کی حد تک اطمینان عارضی تو ہوسکتا ہے مگر طویل المعیاد بنیادوں پر یہ مایوسی کا سبب بن سکتا ہے٬ ہمیں اپنی ذات سے باہر نکل کر خوشی اور امن کو تلاش کرنا چاہیے-

موجودہ لمحے میں زندگی گزارنے میں ناکام رہنا
ہم اپنا بیشتر وقت ماضی یا مستقبل کی فکرمندیوں کے بارے میں پریشان رہ کر گزار دیتے ہیں٬ حقیقی خوشی٬ امن اور اطمینان موجودہ لمحے میں جی کر ہی مل سکتا ہے-