|
جنوبی کوریائی ٹیکنالوجی کمپنی سیم سنگ نے گیئر 2 اور
گیئر 2 نیو گھڑیوں کی نمائش کی ہے جن میں دل کی دھڑکن کی رفتار معلوم کرنے
کے لیے سنسر، پیڈو میٹر اور دیگر آلات نصب ہیں جو ورزش، نیند اور ذہنی تناؤ
کی سطح معلوم کر سکتے ہیں۔
بی بی سی کی رپورٹ کے مطابق پیڈو میٹر وہ آلہ ہے جس کے ذریعے قدموں کی
تعداد گن کر پیدل طے کیے گئے فاصلے کی پیمائش معلوم کی جاتی ہے۔
|
|
|
|
سیم سنگ کی طرف سے صارفین کو متوجہ کرنے کے لیے اس قسم کی سمارٹ واچ یا
گھڑی متعارف کرانے کی یہ دوسری کوشش ہے۔
یہ گھڑیاں گوگل کے انڈرائڈ سافٹ ویئر کے بجائے ٹائزن او ایس موبائل نظام پر
چلتی ہیں۔ اس اقدام کو سیم سنگ کی طرف سے گوگل کے مصنوعات پر اپنا انحصار
کم کرنے کی کوشش سمجھا جا رہا ہے۔
توقع ہے کہ سیم سنگ پیر کی رات کو بارسیلونہ میں موبائل ورلڈ کانگرس کے
دوران اپنے سمارٹ فون رینج کا نیا ورژن جاری کرے جسے ممکنہ طور پر گلیکسی
ایس فائو کا نام دیا جا سکتا ہے۔
کمپنی کے موجودہ ایس فور کو بہت بذیرائی ملی ہے اور اسے ایپل کے آئی فون کا
حقیقی حریف سمجھا جاتا ہے۔
گیئر 2 اور گیئر 2 نیو سمارٹ فون کے ساتھ کے آلات ہیں، تاہم گذشتہ سال اس
قسم کے گیئر کو صارفین اور ماہرین دونوں نے تنقید کا نشانہ بنایا۔
سیم سنگ کو امید ہے کہ نئے آلات میں لائی گئی بہتری سے ان مصنوعات پر اچھا
اثر پڑے گا۔
|
|
|
اول تو یہ ہے کہ نئے آلات کی بیٹری کا دورانیہ کافی بہتر ہے اور سیم سنگ نے
آلات کے دو سے تین دن تک چارج رہنے کا وعدہ کیا ہے۔ اور یہ ہر رات گیئر
چارج کرنے سے بہتر ہے جس طرح کہ پہلے گیئر کے ساتھ معاملہ تھا۔
گیئر 2 میں اب کیمرہ آلے کے مرکزی حصے پر لگا ہوا ہے جبکہ گیئر 2 نیو میں
کیمرہ نہیں ہے لیکن یہ نسبتاً 13 گرام ہلکی ہے۔
سیم سنگ نے دونوں مصنوعات کو’آزادی اور سٹائل‘ کی نشانی کے طور پر پیش کیا
ہے۔ لیکن بہترین ڈیزائن کے باوجود یہ ایک فیشنی گھڑی سے زیادہ ٹیکنالوجی
والی گھڑی ہی دکھائی دیتی ہے۔ |