دنیا کے سب سے بدصورت جانور

قدرت اپنی انتہاؤں کے لیے مشہور ہے٬ اس کی مثال جانوروں میں بھی دیکھی جاسکتی ہے - ہر جانور پانڈے یا چھوٹے کتے کی طرح خوبصورت نہیں دکھائی دیتا بلکہ دنیا میں کچھ جانور بدصورت بھی نظر آتے ہیں- لیکن ہر جانور اپنی مخصوص ساخت کے ساتھ ایک قدرتی کردار ادا کرتا ہے-
 

Chinese Crested
یہ خوفناک اور بدصورت دکھائی دینے والا جانور درحقیقت ایک کتا ہے- اور اس چینی نسل کے کتے کو باضابطہ طور پر دنیا کا سب سے بدصورت کتا قرار دیا گیا ہے- اور اب کوئی ایسا تنازعہ دیکھنے میں نہیں آیا کہ جس میں اس کی بدصورتی کو چیلنج کیا گیا ہو-

Horseshoe Bat
یقیناً اس بدصورت چمگاڈر سے تو صرف اس کی ماں ہی پیار کرتی ہوگی- اس کے چہرے پر موجود لوتھڑے اس کی ناک کا حصہ ہیں جو کہ کان کی مانند کام کرتے ہیں- اور اسے دنیا کا سب سے بدصورت چمگاڈر بھی تصور کیا جاتا ہے-

Naked Mole Rat
اسے زمین پر موجود سب سے بدصورت چوہا قرار دیا گیا ہے اور یہ بہت عجیب بھی ہے- یہ کیڑے مکوڑوں کی طرح کالونیوں میں زیر زمین رہتا ہے- اور یہ ایک طویل زندگی پاتا ہے جبکہ چوہے 30 سال تک زندہ رہ سکتے ہیں-

Aye Aye
یہ بدصورت جانور ایک بندر ہے جو کہ مڈغاسکر سے تعلق رکھتا ہے- یہ بندر اپنے نام کی طرح حیرت انگیز ہے- اس کے دانت چوہے کے دانتوں کی مانند ہوتے ہیں-سرکاری سطح پر دنیا کے خوفناک جانوروں کی کوئی فہرست موجود نہیں لیکن یقیناً اگر کوئی فہرست مرتب ہوئی تو یہ جانور پہلے نمبر پر ہوگا-

Blobfish
یہ بدصورت اور عجیب و غریب شکل کی مالک مچھلی آسٹریلیا٬ نیوزی لینڈ اور تسمانیہ کے ساحلوں پر پائی جاتی ہے- اس کی غذا جھینگا مچھلی اور کیکڑے ہوتے ہیں- اس کا سائز 30 سینٹی میٹر سے بھی کم ہوتا ہے-

California condor
یہ دنیا کے نایاب ترین پرندوں میں سے ایک ہے اور یہ شمالی امریکہ کا سب سے بڑا پرندہ بھی ہے- گھاٹیوں اور صحراؤں میں اڑتے ہوئے یہ بہت خوبصورت محسوس ہوتا ہے لیکن قریب سے دیکھنے میں انتہائی بدصورت ہے- مردار جانور اس پرندے کی غذا ہوتے ہیں-

Proboscis monkey
ایک انسان کی اگر ایسی ناک ہو تو وہ ہر جگہ سے بھاگتا ہوا دکھائی دے گا لیکن یہ بڑی ناک اس بندر کے لیے بہت بہترین ہے- طویل ناک کے حامل یہ بندر جنوب مشرقی ایشیائی جزیرے بورنیو پر پائے جاتے ہیں- اور ان کی اس غیر معمولی ناک کی وجہ سے ان کو پہچاننا آسان ہوتا ہے-

Marabou stork
یہ پرندہ 5 فٹ لمبا ہوتا ہے جبکہ اپنے پروں کے ساتھ اس کا قد 10 فٹ تک پہنچ جاتا ہے- یہ افریقی پرندہ ہے جس کی غذا مردار جانور ہوتے ہیں- اس کے علاوہ ان کی خوراک دوسرے پرندے بھی ہوتے ہیں- اس کا سر مکمل گنجا ہوتا ہے-

Elephant seal
ہاتھی سے مشابہہ اس جانور میں گرجنے اور بلند آواز کے ساتھ اپنا دفاع کرنے کی صلاحیت موجود ہے- اس کے علاوہ یہ جانور ایک انسان کے دوڑنے کی اوسط رفتار سے کئی زیادہ تیز رفتاری کے ساتھ ریت کے ٹیلوں کو پار کرنے کی صلاحیت رکھتا ہے-