مائیکرو ویو اوَن سے کچن کے آلات کو بجلی کی فراہمی

اگر آپ اپنے باورچی خانے میں رکھے بجلی کے ضروری آلات کی بیٹریاں تبدیل کر کے تنگ آچکے ہیں تو اس کا ایک زبردست حل جاپانی ماہرین نے تلاش کرلیا ہے۔ مائیکرو ویو اوَن سے خارج ہونے والی تھوڑی بہت توانائی سے ان آلات کو باآسانی چلایا جاسکتا ہے جو بہت کم بجلی استعمال کرتے ہیں مثلاً اوَن تھرمامیٹر، کوکنگ ٹائمر اور وزن کرنے والے ڈجیٹل ترازو-
 

ڈان نیوز کی رشائع کردہ رپورٹ کے مطابق یوشی ہیرو کاواہارہ ، یونیورسٹی آف ٹوکیو میں الیکٹرانک انجینیئر ہیں۔ وہ کہتے ہیں کہ میں ‘ خلا سے سورج کی توانائی’ حاصل کرنے جیسے منصوبوں سے بہت متاثر ہوں جن کے ذریعے زمین کے گرد مدار میں گردش کرتے ہوئے خاص قسم کے خلائی سٹیشن سے سورج کی توانائی کو توانائی کی ایک شعاع کی صورت میں زمین پر مائیکرو ویو کی شکل میں بھیجا جاتا ہے جسے بعد میں بجلی میں تبدیل کیا جاتا ہے۔

مائیکرو ویو اوَن میں ایک آلہ ہوتا ہے جسے میگنوٹرون کہتے ہیں جو 12.5 سینٹی میٹر طولِ موج ( ویو لینتھ) اور 2.4 گیگا ہرٹز فری کوئنسی کی الیکٹرومیگنیٹ موجیں پیدا کرتا ہے۔ یہ توانائی کھانا گرم کرنے اور پانی کے مالیکیولز میں ہلچل پیدا کرنے کیلئے کافی ہوتی ہے۔

تاہم اس توانائی کا کچھ حصہ اوَن کے دروازوں اور دھاتی ونڈو سے خارج ہوتا رہتا ہے ۔ امریکی فوڈ اینڈ ڈرگ ایڈ منسٹریشن کے بعد توانائی لیک ہونے کی یہ شرح کسی طرح بھی پانچ ملی واٹ فی مربع ( سکوائر) سینٹی میٹر سے زیادہ نہیں ہونی چاہئے۔