Jinnat Ek Haqeeqat
Allah Tala Nay Najanay Kitni Makhlooqat Paida Farmaye Hain Or Jinnat Bhi On Main
Say Aik Makhlooq Hai Or Ye Amooman Hamain Nazar Nahi Aatay. Or Nazar Na Anay Ki
Waja Say Ye Mukhtalif Tareekon Say Hamaray Dilon Main Dar Or Khoof Paida Karnay
Main Aksar Kamiyab Rahtay Hain. Sab He Jinnat Buray Nahi Hotay Ye Insano Ki
Tarhan Firqon Or Mazahib Main Batay Hain Kuch Achay Or Kuch Buray Kuch
Kafir(Hindu, Sikh, Esaye, Yahodi Etc.) Hain Kuch Muslims Kuch Tang Kartay Hain
Kuch Nahi Kartay. Jinnat Aik Haqeeqat Hai Jis Ka Zikar Allah Tala Nay Quran E
Pak Main Farmaya Or Baqaida Aik Sorah "Surah-E-Jin" Kay Name Say Nazil Farmaye
Or Surah-E-Naas Etc. Main Bhi Jinnat Ka Zikar Milta Hai Or Quran E Pak Mani Jaga
Jaga Allah Tala Nay Farmya Shaitan Tumhara Khula Dushman Hai. Ju Kafir Jinnat
Hain Wo Shiyateen He Hain Or Ye Bohat Dhokay Baaz Makkar Or Parlay Darjay Kay
Jhootay Hotay Hain.
Jinnat Ki Eqsaam
Tha'labah Al-Khashani Farmatay Hain Hazrat Muhammad Sallaho Aliah Wasalam Nay
Farmaya Jis Ka Mafhoom Hai Jinnat Ki Teen (3) Iqsam Hain.
1. Jinkay Par (Wings) Hotay Hain Jo Hawa Main Urtay Hain.
2. Dosri Qism Saanp (Snake) Or Bicho (Scorpion) Hain.
3. Teesri Qism Chaltay Phirtay Hain. (I Think).
Allah Tala Nay Inhain Ye Bhi Taqat Di Hai Kay Ye Mukhtalif Shaklon Main Zahir
Hoon. Hazrat Muhammad Sallalah Ho Aliah Waslam Nay Farmaya Jis Ka Mafhoom Hai "
Jis Nay Khawab (Dream) Main Mujhay Daikha Is Nay Mujhay He Daikha Kyn Kah
Shaitan Mairee Shakal Main Nahi Aa Sakta".
Jinnat Ki Rehaish (Residency)
1. Sehraon (Desert) Main Rahtay Hain.
2. Kora Kirkit Wali Jagaon Par Rahtay Hain. Jo Log Khana Chor Daitay Hain Wo Ye
Khatay Hain.
3. Gandi Jaga Jaisay Bathroom, Gatar, Naliyan Etc. Aisi Gandi Jaghon Par Rahtay
Hain.
Or Aisay Ganday Jinnat Ko Khushbo Say Takleef Hoti Hai Or Inhain Napaki Or
Badboo Or Ganda Rahna Acha Lagta Hai. Ye Jin Logon Par Musalat Hotay Hain Onhain
Bhi Ganda Rakhtay Hain Aisay Loog Sab Say Pahlay Namaz Rozay Or Pak Saaf Rahnay
Say Door Ho Jatay Hain. Phir Inka Rang Kala Hona Shuru Ho Jata Hai Nahana Dhona
Kam Kar Daitay Hain Jadu Say Chahray Par Chaiyan Par Jati Hain. Gharilo
Parishaniyan, Larai Jhagray, Kam Kaaj Main Rukawat Kaam Na Hona Jo Karo Wo
Ghalat Ho Jana Rizq Rozi Tang Ho Jana Etc. Etc. Hamara Deen Bohat Pyara Hai Isi
Leyee Deen Main Safai Nisf Imaan Hai.
Aqidah
1. Jadu Karnay Or Karwanay Wala Dono Kafir Hain. (Hasad Karnay Walay Khud Tu
Kuch Kar Nahi Saktay Jadu Karwa Kar Khush Hotay Hain Isi Leye Hasideen Kay Hasad
Kay Shar Say Bhi Panah Mangni Chahyee).
2. Kisi Kay Ander Jinnat Ki Hazri Hoti Hoo Tu Os Say Yani Jinnat Say Ainda Ki
Batain Pochna Haram Or Ye Aqeedah Rakhay Kah Jinnat Ko Ghaib Ka Ilm Hai Tu Kufar
Jinnat Ko Ilm E Ghaib Nahi Hota. Or Shiyateen Jinnat Parlay Darjay Kay Jhootay
Or Makar Hotay Hain Is Leyee Ye Aap Say Hameesha Jhoot He Bolain Gay.
Jab Ye Insan Kay Ander Hotay Hain Tu Bohat Makariyan Kartay Hain Inki Baton Par
Qatan Yaqeen Na Karain Ye Achay Bannay Ki Koshish Karain Gay. Taqreer Karain Gay
Tu Masjid Kay Molvi Ko Peechay Choor Dain Gay. Namaz Rozay Ki Baat Karain Gay
Har Wo Harba Istimal Karain Gay Jis Say Ap Onkay Dhokay Main Aa Jain. Wo Apki
Madad Karnay Ka Kahin Gay Apkay Tabeh Honay Ap Kay Kaam Kaaj Karnay Ka Kahain
Gay Inki Baton Main Hargiz Hargiz Na Ayeen Ye Apka Emaan Barbad Kar Dain Gay.
Balkay Osay Kahain Mujhay Tairee Koi Zaroorat Nahi Mairay Leyee Allah Kafi Hai
Wohi Mairee Madad Karay Ga Tu Kuch Nahi Kar Sakta.
Jinnat Ko Ghar Say Kaisay Nikala Jayee
Agar Apko Yaqeen Hai Apkay Ghar Main Jinnat Hain Tu Ap 2 Or Mazeed Logon Kay
Sath (Total 3 Loog) Ghar Main Dakhil Hoon Or Baar Baar Ye Parhain. Aisa 3 Din
Tak Karain.