اگر آپ ایک کاہل اور کام چوری کے شوقین فرد ہیں تو جی
خوشخبری یہ ہے کہ آپ کے لیے ایک مثالی ملازمت سامنے آگئی ہے جس میں کام
نہیں صرف آرام کرنا ہے- اس مثالی ملازمت میں آپ کا آرام ہی آپ کا کام ہوگا-
دی نیوز ٹرائب کی رپورٹ کے مطابق امریکی خلائی ادارے ناسا ایسے افراد کی
تلاش میں ہے جو کوئی کام کرنے کے بجائے صرف لیٹے رہیں وہ بھی 1 یا 2 دن
نہیں بلکہ 70 روز تک-
|
|
مزے کی بات یہ ہے کا اس آرام کا معاوضہ بھی شاندار ہے یعنی 5 ہزار ڈالر
ماہانہ جس کے دوران آپ ٹی وی پروگرامز سے لطف اندوز ہوسکتے ہیں اور انٹرنیٹ
پر سرچنگ وغیرہ بھی کرسکتے ہیں-
اس انوکھی ملازمت کے ذریعے ناسا انسانی جسم پر مائیکرو کشش ثقل کے اثرات پر
تحقیق کرنے کی خواہشمند ہے-
تو اگر آپ بھی اس انوکھی ملازمت کے شوقین ہیں تو اس کے لیے ہیوسٹن کے جونسن
اسپیس سینٹر میں اپلائی کے لیے تیار ہوجائیں جس کے دوران آپ کو 16 گھنٹے
روشنی اور 8 گھنٹے تاریکی میں رکھا جائے گا-
|
|
ٹی وی٬ کتابیں٬ انٹرنیٹ٬ گیمز٬ ملاقاتیوں سے ملنے کی اجازت اور خوراک وغیرہ
کے ساتھ ساتھ لیٹے لیٹے نہانے کی سہولت بھی فراہم کی جائے گی- |