دنیا کے امیر ترین شہر

اچھی جگہ اور اچھے شہر میں رہنا ہر انسان کا خواب ہوتا ہے اور اسی وجہ سے لوگوں کی ایک بڑی تعداد بہترین روزگار کے سلسلے میں ان شہروں کا رخ کرتی ہے- اور ان شہروں کی یہی معاشی ترقی انہیں دنیا کے امیر ترین شہروں کی فہرست میں لاکھڑا کرتی ہے- آج ہم آپ کو دنیا کے امیر ترین شہروں کے بارے میں بتائیں گے- ان امیر ترین شہروں کی درجہ بندی وہاں کے جی ڈی پی ( معیشت کی ترقی) کی بنیاد پر کی گئی ہے-
 

Shanghai, China
دنیا کے امیر ترین شہروں کی اس فہرست میں چین کا شہر شنگھائی 10ویں نمبر پر ہے- اس شہر کا جی ڈی پی 516.5 بلین ڈالر ہے جبکہ 6,340 اسکوائر کلومیٹر پر پھیلے اس شہر کی آبادی 2 کروڑ 30 لاکھ 19 ہزار 148 ( 23,019,148 ) افراد پر مشتمل ہے-

Moscow, Russia
فہرست میں 9ویں نمبر پر روس کے شہر ماسکو کو رکھا گیا ہے- یہ شنگھائی سے کافی چھوٹا ہے یعنی اس کا رقبہ 2,510 اسکوائر کلومیٹر ہے- اس شہر کا جی ڈی پی 520.1 بلین ڈالر ہے اور اس شہر کی آبادی 1 کروڑ 15 لاکھ 3 ہزار 501 ( 11,503,501 ) افراد پر مشتمل ہے-

Chicago, USA
8واں نمبر امریکہ کے شہر شکاگو کو دیا گیا ہے- 606.1 اسکوائر کلومیٹر کے رقبے پر پھیلے اس شہر کا جی ڈی پی 524.6 بلین ڈالر ہے- اس شہر کی کُل آبادی 27 لاکھ 7 ہزار 120 ( 2,707,120 ) نفوس پر مشتمل ہے-

Osaka, Japan
جاپان کا شمار دنیا کے ترقی یافتہ ممالک میں کیا جاتا ہے- امیر ترین شہروں کی اس فہرست میں 7ویں نمبر پر جاپانی شہر اوساکا کو رکھا گیا ہے جس کا جی ڈی پی 654.8 بلین ڈالر ہے- اس شہر کا کُل رقبہ 552.26 اسکوائر کلومیٹر ہے جبکہ اس کی کُل آبادی 15 لاکھ 45 ہزار 410 ( 1,545,410 ) افراد پر مشتمل ہے-

Paris, France
چھٹے نمبر پر فرانس کے دارالحکومت پیرس کو رکھا گیا ہے- اس شہر کا جی ڈی پی 669.2 بلین ڈالر ہے اور اس کا رقبہ 105.4 اسکوائر کلومیٹر ہے- اس شہر کی کُل آبادی 1 کروڑ 4 لاکھ 13 ہزار 386 ( 10,413,386 ) افراد پر مشتمل ہے-

London, England
5 ویں نمبر پر برطانیہ کے شہر لندن کو رکھا گیا ہے- اس شہر کا جی ڈی پی 731.2 بلین ڈالر ہے جبکہ یہ شہر 1570 اسکوائر کلومیٹر کے رقبے پر پھیلا ہوا ہے- اس کی کُل آبادی 81 لاکھ 73 ہزار 194 ( 8,173,194 ) نفوس پر مشتمل ہے-

Seoul, South Korea
جنوبی کوریا کے شہر سیول کا شمار بھی دنیا کے امیر ترین شہروں میں ہوتا ہے اور اس کو فہرست میں چوتھے نمبر پر رکھا گیا ہے- اس شہر کا جی ڈی پی 779.3 بلین ڈالر ہے اور یہ 605.21 اسکوائر کلومیٹر کے رقبے پر پھیلا ہوا ہے- ایک اندازے کے مطابق اس شہر کی آبادی تقریباً 10 ملین افراد پر مشتمل ہے-

Los Angeles, USA
امریکی شہر لاس اینجلس کو اس فہرست میں تیسرا نمبر حاصل ہے اور اس شہر کا جی ڈی پی 789.7 بلین ڈالر ہے- یہ شہر 1302 اسکوائر کلومیٹر کے رقبے پر پھیلا ہوا ہے جبکہ اس کی کُل آبادی 37 لاکھ 92 ہزار 621 ( 3,792,621 ) افراد پر مشتمل ہے-

New York, USA
دس شہروں کی اس فہرست میں 3 نمایاں نمبر حاصل کرنے والا ملک امریکہ ہے جس کے 3 شہر اس فہرست میں شامل ہیں- دوسرا نمبر حاصل کرنے والا امریکی شہر نیویارک ہے- اس شہر کا جی ڈی پی 1,210 بلین ڈالر ہے اور اس کا کُل رقبہ 1,213 اسکوائر کلومیٹر ہے- اس شہر کی آبادی 82 لاکھ 44 ہزار 910 ( 8,244,910 ) افراد پر مشتمل ہے-