Jan Lewa Haqeeqat

Aj To Jun Bhi Aag Barsa Raha Hai Or Hamesha Ki Tarah Bijli B Nai.Aise Main Ghar Se Hopital Or Hospital Se Ghar Ki Bhag Dorh Kartey Howe Sar Mai Shadeed Dard Hone Laga Par Shukar Hai Aj Amma Ko Docter Ne Ghar Bhej Dia Ab Amma Ki Seht B Thek Hone Lagi Thi Mai Ne Amma Ko Din 1 Baje Khana Wana Khila K Madecine De Kar Sula Dia Or Phr Ghar Ka Baki Kam Khatam Kiya Tab Tak Zohar Ka Tym Aa Gya Nimaz Parhi Tab Tak Bijli B Aa Gai Pankhey Ki Thandi Hawa Lagte Hi Ankhain Band Hone Lagi Or Mai Jane Kab Gehri Neend Mai Khwabon Ki Dunia Mai Chali Gai.Hosh To Tab Aya Jab Koi Zor Zor Se Darwaza Peetne Laga.Uff Kya Museebat Hai Is 2 Gazz Ke Muhale Mai Koi Apni Marzi Se Aram B Nai Kar Sakta Hai Arey Aa Rahi Hu Darwaza Torh Do Ge Kya?Mai Ne Guse Mai Min Min Karte Hwe Jb Darwaza Khola To Samne Asia Baji Parshan Halat Mai Kharhi Thi.O Maf Karna Baji Mai Ne Socha Tution Wale Bache Hunge.Khair To Hai Na Ap Parshan Lag Rai Hain.Momna Yahan Maryam To Nai I?Nai Baji Idhar To Nai Hai.Maryam Pata Nai Kahan Chali Gai Hai School Gai Thi Abi Jb Ghar Nai I To Ham Ne School Pata Kiya Par Teacher Kehtey Hain Wo Aj School B Nai I Haye Momna Meri Bachi Jane Kahan Chali Gai.Asia Baje Bat Karte Karte Rone Lagi Mai Ne Unain Tasliyan Or Hosla Dia Shaid Wo Apni Kisi Sehli K Ghar Ho Ap Dhondain InshaAllah Mil Jaye Gi Yahi Kahain Ho Wo Kahan Jaye Gi Ap Parshan Mat Hu.Par Man K Dil Ko Chain Kahan Wo Ansu Punchte Hwe Apne Ghar Ki Tarf Chal Di.Mai Gate Mai Hi Kharhi Maryam K Bare Mai Sochne Lagi 5 Sal Ki Masom Akhir Ja Kahan Sakti Hai.Dil Mai Tarah Tarah K Khyal Ane Lage Allah Se Maryam K Lye Dua Karne Lagi Halaat B To Itne Kharab Hain.Mushkil Se Khana Banaya Par Nazrain Asia Baji K Ghar Pe Tiki Thin.Hamare Ghar K Samne Hi Unka Ghar Tha Or Kichen Ki Khirhki Se Un Ka Pora Ghar Nazar Ata Tha Jahan Muhale Wale Aa Ja Rahe They Khana Bana K Amma Ko Sari Bat Btayi Amma Ne Kaha Tm Ja K Maryam Ka Pata Kar Ao Shaid Koi Khabar Mili Ho.Mai Ne Chadar Orhi Or Asia Baji K Ghar Gai.Wahan To Jaise Safey Matam Bichi Ho Ro Ro K Asia Baji Ka Bura Hashar Ho Chuka Tha Asia Baji Ke 3 Barhe Betey They Or Maryam Unki Ikloti Behn Thi.Donu Barhe Betey Apni Man Ko Tasli De Kar Chup Kara Rahe They Barha Beta Shaid Bap K Sath Maryam Ko Dhondney Gya Hwa Tha.Ja K Mai Ne B Sab Ki Tarah Asia Baji Ko Hosla Dia.Itne Mai Maryam K Abu Or Bhai B Aa Gae Jin Ke Sath Muhale K Baki Log Bhi They.Un Ko Dekh K Asia Baji Unki Taraf Dorh K Gai Or Pocha Kahan Hai Meri Maryam Meri Bachi Ko Sath Q Nai Le K Aye?Par Baji K Swal Pe Unke Husband Phot Phot K Rone Lage Jis Se Saf Zahir Tha Maryam Ka Kuch Pata Nai Chala.Mai Ne Or Baki Muhale Walu Ne Unain Hosla Detey Hwe Kaha K Maryam Ki Gumshudgi Ki Report Darj Kara Dain Shaid Police Ki Madad Se Maryam Mil Jaye.Phir Thori Dair Bad Maryam K Walid Kuch Muhale Walu K Sath Police Station Chale Gae.Is Waqt Rat 9.30 Ka Tym Tha.Mai Ne Asia Baji Ne Kaha Ap Ne To Kuch Pakaya Nai Ho Ga Mai Apne Ghar Se Khana Bhej Du Gi Ap In Bachu Ki Khatir 2 Niwale Kha Lijye Ga Phr Mai Zabardasti Bji K Chotey Betey Ko Ghar Le Ayi Or Jo Khana Pakaya Tha Us Mai Se Aik Plat Apne Lye Rakha Baki Salan Or Rotyan Bhej Di Or Takeed Ki K Khud B Khana Or Ami Ko B Khilana.Itne Mai Amma Awazain Deney Lagain Momna Mujhe Khana Do Ta K Dawayi Khaon.Amma Ko Khana Khila Un K Pas Hi Beth Gai.Amma Kehne Lagi Tm Ne Khana Kha Lia.Nai Amma Mere Gale Se To Niwala Utar Nai Raha Pata Nai Maryam Kidar Or Kis Hal Mai Ho Gi Allah Khair Kare Uskì.Aj Rat Neend Bhi Nai Ayi Bar Bar Khirhki Se Asia Baji K Ghar Ko Dekh Rahi Thi Jo Sogwar Duwyain Mai Lipta Howa Tha Amma Ko Akeley Chorh K Ja B Nai Sakti Thi.Khair Allah Allah Karte Subah Ki Azan Kan Mai Parhi Mai Ne Jaldi Se Wuzu Kiya Or Nimaz Parhi Socha Ab Ja K Asia Baji Ka Hal Poch Lu Bd Mai Aa K Nashta Bana Lu Gi.Asia Baji K Ghar Pohnch Dekha To Sab Usi Tarah Farsh Pe Bethe Hain Sab Ki Ankhain Soji Hwi Hain Asia Baji K Ansu Usi Tarah Beh Rahe Hain Mai Ne Pocha To Pata Chala K Maryam Ka Abi Tak Kuch Pata Nai Chala Or Police Walu Ne Report B Nai Likhi Na Maryam Ko Dhondne Mai Madad Ki.Kartey B Kaise Na To Maryam Unki Beti Thi Or Na Maryam K Bap K Pas Paisa Tha Ghareeb Man Bap Ki Beti Ka Gum Jana Koi Barhi Bat Nai Hoti.Hamare Muhafizu Ka Rawya Waqai Takleef De Tha.Dil Bhar Aya Us Dukh Ki Nagri K Basyon Ki Halat Dekh Kar.Thori Dair Mai Wo Log Phr Se Police Station Chale Gae.Or Mai Ghar Aa Gai.Parshan Hal Mai Ghar Ka Kam Khatam Kiya Or Amma K Pas Beth K Maryam Ki Batain Karne Lagi.Jab Taqreeban 11 Ka Tym Hwa To Asia Baji K Zor Zor Rone Or Bain Karne Ki Awaz Ayi Dil Zor Zor Dharkne Laga Mai Taiz Kadmu Se Chalte Hwe Asia Baji K Ghar Pohnchi To Pata Chala Police Walu Ko Pul K Pas Se Aik Bachi Ki Death Body Mili Hai Or Shanakhat K Lye Asia Baji Ko Bulaya Hai Asia Baji Rotey Chilate Gari Mai Beth K Chali Gai.2 Gantey 3 Garhyan Ayain Jin Mai Se Aik Se Maryam Ki Meyat Ko Nikala Gya Maryam Ki Us Masoom Pari Ki Halat Na Qabil E Beyan Thi.Us Nhani Pari Ko Kisi Hawas K Pujari Ne Masal Dala Tha.Us Choti C Shehzadi K Sath Zyadati Kar K Jane Kis Dirandgi Se Us Shetan Ne Us K Jism Ko Pees Dala Tha Us K Lab Cheer K Shakal Bigar Dali Thi Us Masoom Pari Ki Aisi Halat Kar Di K Uski Badnaseeb Man Ne Usey Nakhnu Ki Nail Polsh Se Pehchana.Itna Zulm B Koi Kar Sakta Hai Meri To Aqal Is Bat Ki Nafi Kar Rai Thi Maryam Ko Dekh K Dil Dehl Jata Roh Kamp Jati Rongtey Kharhe Ho Jatey They Wahan Pe Kharhe So Dairh So Log B Meri Tarah Is Dil Tarhpa Dene Wali Sachi Pe Ansu Baha Rahe They.Or Asia Baji To Bar Bar Be Hosh Ho Jati Thi.Wo Wehshi Wo Diranda Kb Tak Bache Ga Yahan Nai To Khuda Ki Adalat Mai To Maryam Uska Gareeban Pakrey Gi Wahan To Insaf Ho Ga Na.
Q Hain Mere Qatal Apne Anjam Se Be Khouf
Mere Log Nai To Kya Mera Khuda B Nai?

Allah Pak Meri Meri Tamam Behn Betyon Ki Izaton Ko Mehfòoz Rakhey Or Aise Hawas Ke Pujaryon Ko Ibrat Nak Saza De K Phir Kabi Koi Maryam Aise Na Pissi Jaye Phir Kisi Man Ki God Aise Na Ujarhi Jaye.Ameen Sum Ameen.