Mobil Fone K Maujjid Garaham
Bell Nay Kbhi Ye Na Socha Hoga K Us Ki Ijad Agay Ja Kar Dunia Main Tehallika
Macha Day Gi Aur Dunia Ki Majbori Ban Jay Gi.
Mobil Fone Jahan Hamari Zarorat Hay Wahin Manchalay Noujawanoon Ki Dili Khwhish
Bhi Hay,Mobil Fone K Nit Nay Sets Dekh Kar Unka Dil Aisay Machalta Hay Jisay
Mirchoon Wali Biryani Kha Kar Pani Pinay Ko Dil Machalta Hay.
Raat K 3:00 Bajay Ap K Mobil Per Ek Adad Sms Aya Aap Nay Apni Neend Se Bhar Por
Ankhain Kholi, Takkiye K Nichay Se Mobil Nikala,Ankon Ko Masalatay Huay Sms
Parha To Likha Tha "Hahahahaha!!! Dekha Utha Dia Na......"Ab Ya To Aap Khamoshi
Se Dobara So Jaye Ya Us Msg K Reply Main Us Shaks Ki Shan Main Qaseeday Parhain.
Ya Aksar Ap Ko Koi Kahani Suna Kar Mazeed 10 Logo Ko Send Karnay Ki Farmaish Ki
Jati Hay.
Aksar Parks Main, Rah Chaltay, P.C.O Per Ya Kise Restaurant Main Apko Log Fone
Per Unchi Awaz Main Baat Kartay Huy Milain Gain Ab Ye Samajh Nhi Ata K Ap K
Mobil Set Main Masla Hay Ya Phir Waqae Dosri Janib Kise Behray Insan Se Apki
Baat Ho Rahi Hay. Ab In Ko Kaun Samjhay K Banda-E-Khuda Baat Karnay K Bhi Kuch
Asool Hoty Hain...
Masjid Main Jamat K Sath Namaz Parhtay Huy Achanak Se"Main Jahan Rahoon, Main
Kahin Bhi Hoon Teri Yaad Sath Hay.........."Ya Phir "Sajday Main Yoon Hi Jhukta
Hoon,Tm Per Hi Aa Kar Rukta Hoon................" Chalnay Lagay To Gunha To Jo
Milta Hay Wo Milta Hay Appko Apni Namaz Bhi Adhi Chorni Parti Hay Q K Namaz
Khatam Honay K Bad Saray Namaziun Se Ap Nay Apni Shan Main Itna Kuch Sunna Hota
Hay K Us Se Qadray Behtar Hay K Ap Apni Namaz Adhori Chor Dain. Ye Ek Aur Bemari
Bhi Hamari Noujawan Nasal Main Kasrat Se Paye Jati Hay K Mobil Fone Main MP3,
MP4 Ka Hona Lazmi Hay...Latest Songs Ko Fone Main Rakhna Aur Ringtone Per Set
Karna To Ji Farz Hay.
Apko Rah Chaltay Buhat Se Log Headfone Se Mazeen Nazar Ain Gain Wajah FM
Stations Hain..Bike Per Jatay Huy Kaanoon Main Headfones Lagay Hotay Hain Aur Wo
Dunia Se Bekhabar FM Sunnay Main Masroof Nazar Atay Hain.
Kaam To Hamara Wo Set Bhi Karta Hay Jo Peelay Rang Ki Screen Wala Hay Aur Kaam
To Wo Bhi Karta Hay Jo Is Waqt Ka Latest Set Hay Farq Hamari Soch Ka Hay, Hamari
Tarjeeh Ka Hay?