Allah K Nam Say Shoro Jo Bara
Mahrban Aur Nahyat Raham Wala H……
Pakistan Ka Matlab Kaya..LA ILLAH ILLALLAH. Humaray Waldain Aur Bazurgon Nay
1947 Main Qurbanain Isi Liyee Di Thin K Aik Alehada Islami Rayast Ho Jahan Hum
Islami Tariqon Say Apni Zindagian Basar Ker Sakain. Do Qoomi Nazria Paish Kia
Gaya Tha K Bare-Sageer Main Do Qoumain Hain Jin Ka Rahan Sahan Alehada Hay Who
Hain Muslman Aur Hindu. Agar Aaj Koi Hum Say Pochay Ka Kaya Hum Pakistan Ko
Hasal Kernay K 50 Salon Bad Us Nazriyee K Mutabiq Zindagi Guzar Rahay Hain? Woh
Log Jinhon Nay Apnai Janain Qurban Ki Thin Aaj Agar Hum Say Pochain K Kaya
Pakistani Log Islami Tarz Say Zindagi Guzar Rahain Hain Jahan Hindu Tarz Ki Koi
Cheez Nahi Hay To Hum Kaya Jawab Dain Gay. Aaj Pakistan Main Shadian Indian
Taraz Per Ho Rahi Hain. Log Fakhar Say Batatay Hain K Hum Indian Style Say
Mahndi Kerain Gay. Khana Indian Style Main Dia Jayee Ga. Humaray Bachay Hindi
Bolna Shoro Ho Gayee Hain Kion K Cartoon Network Hindi Main Aata Hay. Humari
Jawan Nasal Sony Tv, Star Plus, Zee Tv K Reality Shows Dekhtain Hain Aur Indain
Ganon Main Dilchaspi Laina Shoro Ker Detay Hain. Ab To Humay Cinema Gharon Main
Bhi Indian Movies Lag Rahi Hain . Dostana Jaisi Bold Topic Wali Movies Bhi Chal
Rahi Hain Kion K Islam Jadeed Ho Gaya Hay Pakistan Main. School Main Function Ho
Aur Bachon Ko Koi Drama Kerna Ho To Who Seeta Or Geeta Jaisay Topic Per Drammay
Banatay Hain Aur Waldain Khush Ho Rahay Hotay Hain Aur News Channels Per Khabbar
Nashar Ho Rahi Hoti Hay Taleemi Madrison Main Adabi Sargarmian. Star Plus K
Dramon Main Jo Dresses Aur Zewar Hotay Hain Woh Humaray Gharon Main Use Honay
Shoro Ho Gayee Hain Yahan Tak K Dukan Dar Bhi Ab To Daramay Ka Bata Ker Kapra,
Zewar Bechtay Hain K Star Plus K Dramay Main Parvati Nay Yeh Pahna Tha, Kum Kum
Nay Yeh.
Pakistan Ki Jamhori Hukumat Yeh Dawa Ker Rahi H K Jahan Jahan Hakomti Rit Ko
Challenge Kia Jayee Ga Hukamat Taqat Ka Istamal Keray Gi. Kaya Hakomati Rit NWFP
And Balochistan Main Hi Challenge Ho Rahi H? Main Faisalabad Main Rahta Hon
Yahan Per Logon Nay Gali Mahlon Main Apni Apni Hukamat Bana Li Hay, Aur Galion
Main Baray Baray Gate Laga Diyee Hain. Jahan Per Gate Say Rasta Rokna Mahngha
Tha Logon Nay Wahan Per Zanjeer Laga Ker Rasta Block Ker Dia H. Kaya Yeh
Hakomati Rit Ko Challenge Kerna Nahi Hay. Ya Phir Log Samjh Rahay Hain Hokumat
Unko Security Nahi De Sakti. Waisay ALLAH K Payaray NABI Nay To Yeh Kaha Tha K
Rastay Say Pathar Bhi Utha Ker Rasta Saaf Ker Do Yeh Bhi Neeki Hay, Yahan Per To
Log Rastay Hi Rook Ker Baith Gain Hain Aur Koi Pochnay Wala Nahi Hay. Khadamay
Ala Punjab Ko Bhi Koi Khabbar Nahi Hay K Log Tang Rahay Hain . Waisay Yeh Log
Mot Say Dartay Hain Ya Choori Ki Museebat Say, Mot To Kahin Say Bhi Aa Jani Hay
Gate Nahi Rok Sakain Gay, Agar Zakat Dain Dain Tu Paisay Aur Maal Ki Bhi Hifazat
Ho Jayee Gi.Phir Yeh Security Kaisi.
Pakitan Ki Hakomat Hockey K Liyee Carooron Rupon Ki Grant Denay Lagi Hay. App Ka
Kaya Khayal Hay Hockey Main Hum Phir World Champion Ban Jain Gay? Mairay Khayal
Main To Nahi, Itnay Paisay Lay Ker Bhi Halat Nahi Badlni Aur Un Paison Ka Bhi
Koi Pata Nahi Chalna K Kahan Lag Gayee Ya Kon Say Account Bhar Gayee? Hakomat
Khailon Ko Kion Nahi Privatize Ker Deti? Shaid Koi Tabdeeli Aa Jayee? Hum Phir
Hocky, Cricket Main Champion Ban Jain. Aur Olympics Main Gold Medals Jeet Jain.
Hazaron Khowahshain Aisi K.
Yeh Mairi Pahli Tahreer He. Ho Sakta H K Kafi Khamian Rah Gain Ho. Main Aap Logo
K Mashworon Ka Mammnon Hoon Ga Aur Koshish Keron Ga K Un Baton Ka Khayal Rakhon
Jab Bhi Dobara Likhon.
PAKISTAN ZINDABAD