Pemra, Rehman Malik Aur Tablighi Jamat

Pemra Ne Tamam T.V Channels Ko Kisi Khas Mazhabi Firqa Ya Jamat Ki Ihtejaji Reli Ki Coverage Se Rok Diya Hai. Aur 1 Hidayat Namey Main Kaha Hai K Mazhabi Firqon Ki Relion Ko Coverage Na Di Jaey. Sawal Ye Peda Hota Hai K “Pemra Ney Ic Hidayat Namey Ko Sirf Mazhabi Firqon Ya Jamaton Tak Q Mehdood Rakha”.? Agar Pemra Ka Ye Khayal Hai K Ic Coverage Se Logon Main Inteha Pasandi Phelti Hai Aur Aman O Aman Ki Surat E Hal Kharab Hoti Hai. To Phir Pemra Ko In T.V Talk Shows Par B Pabandi Lagani Chaheay Thi K Jin Talk Shows Ki Waja Se Aaj Pakistan K Log Mayosi Ka Shikar Hai Aur Jin Talk Shows Pa Aa Kar Mukhtalif Sayasatdan 1 Dosrey Ko Galian Baktey Hain. Aur Ilzam Tarashian Kartey Hain. Unki Coverage Q Naey Roki Gaey.? Jis” Jalsey “ Main Doctor “Zulfiqar Mirza “ Ney Bayan Diya Aur Us Bayan K Natejey Main Darjanon Hilakatey Huwen . Karachi Ka Aman Tabah Ho Gaya . Logon Ki Property Ko Nuqsan Pohonchaya Gaya. Ab “Fesal Raza Abidi” Ko Hi Dekh Lein. Ye Sahab Jis Tarah Live Coverage Main Supreem Court Ko Galian Baktey Hain. Jis Tarah “MQM” K Waseem Ahmed , Mustafa Kamal , Haider Abbas Rizwi Live T.V Talk Shows Main Galian Baktey Hain. Pemra Ko Chaheay Tha K In Tamam Logon Par B Pabandi Laga Leti. Aur In T.V Talk Shows Pa B Pabandi Lagati. K Jo Ic Tarah K Programms Ko Coverage Dete Hai. Sirf Mazhabi Jamaton Tak Ic Ko Mehdood Rakhna Khuli Na Insafi Hai. Agar Pabandi Lagani Hai To Phir Har Us Shaks , Jamat Pa Lagni Chaheay Jo Kisi B Tarah Se Pakistani Qoam Main Munafirat Phelaney Ka Sabab Ban Rahi Hai.

Ab Aatey Hain Janab ABDUL REHMAN MALIK Ki Taraf, In Sahab Ka “Jo K Hamarey Mulk K Wazir Dakhela Hain” Farmana Hai K Tablighi Jamat Ka Markaz “RAIWIND” Mulk Main Inteha Pasandi Ko Farogh De Raha Hai. Aur Tamam Inteha Pasand Raiwind Jatey Hain. Ye Bayan Parh Kar Muje Yaqeen Na Aya K Kia Ye Hamarey Mulk K Hi Wazir Dakhela Hai Ya Kisi Aur Mulk K. Tablighi Jamat To Wo Jamat Hai Jahan Dunya K Kisi Mazhab K Khelaf Bat Naey Ki Jati. Aur Tamam Insanon K Falah Ki Bat Ki Jati Hai. Ye Log Sirf Apney Zati Kharch Par Dunya K Tamam Mumalik Ka Safar Kartey Hain. Aaj Tak Kisi B Mulk Ney Inko “VIZA” Deney Se Inkar Naey Kia. Aur Aaj Tak Kisi B Mulk Ney In Par Inteha Pasandi Ka Ilzam Naey Lagaya. Pori Islami Dunya Ic Bat Par Ittefaq Karti Hai K Tablighi Jamat 1 Esi Jamat Hai K Jo Islam Ki Saheh Tasweer Pesh Kar Rahi Ahi. Lekin Pata Naey Rehman Malik Sahab Ko Kese Pata Chal Gaya K Yahan Pa Inteha Pasandi Ko Farogh Diya Ja Raha Hai. Shayad Unko Ic Jamat Pa Pabandi Laganey Ka Mission Diya Gaya Ho.? Rehman Malik Sahab Ko Ye Bayan Dete Huwe Andaza Naey Tha K Wo Ic Bayan K Zarye Kin Logon Ko Khush Kar Rahe Hain. Ic Bayan Se Rehman Malik Sahab K Asal Iradon Ka Izhar Hota Hai. Kaha Jata Hai K “HAJJ” K Bad Musalmanon Ka Sab Se Azeem Ijtema Tablighi Jamat Ka Hota Hai Lekin Wahan Pa Nazmo Zabt Ka Ye Aalam Hai K Koey Chota Sa B Waqea Pesh Naey Ata Jis Se Bad Nazmi Ka Andesha Ho. Hamarey Wzir Sahab Ko Na To Zamini Haqaeq Ka Idrak Hai Aur Na Hi Unko Islam Se Koey Muhabbat Hai.

Wazir Sahab Ko Chaheay K Wo Sab Se Pehle Tablighi Jamat K Sath Sehroza (3 Din )Lagaeyn Aur Phir Koey Bayan Dein. Main Tablighi Jamat K Logon Se Guzarish Karunga K Wo Janab MALIK Sahab Ko 2 Sal K Leay Tabligh Pa Le Jaen. Q K “Jis K Sath Jitna Bara SHETAN Hota Hai Uski Islah Honey Main Itna Zayada Hi Waqt B Chaheay.”