درویش خراسانی صاحب السلام علیکم و رحمتہ اللہ : امید ہے کہ آپ خیریت سے ہونگے۔میں نے مذکورہ کتاب کم و بیش ڈیڑھ سال قبل پڑھی تھی اور اس کے بعد اسی سلسلے کی مزید کتابیں، (دجال غالباً مفتی ابو لبابہ صاحب کی تصنیف ) اور (تیسری جنگَ عظیم اور دجال ) کا بھی مطالعہ کیا۔ حقیقتاً یہ کتابیں اس موضوع پر اردو میں ایک بیش بہا تحفہ ہیں۔ ان کتابوں کی خاص بات یہ ہے کہ یہ کتابیں میں نے چار دفعہ خریدیں کیوں کہ جب بھی میں یہ کتاب خریدتا اور کسی کو پڑھنے دیتا اس کا اگلے ہی دن جواب آتا کہ َ َ سلیم بھائی آپ اپنے لئے دوسری کتاب خرید لیں یہ میں نے رکھ لی ہےَ َ یہ اس کتابوں کے عام فہم اور مقبول عام ہونے کی سند ہے۔ اس کے بعد (دجال کا لشکر بلیک واٹر) بھی میرے مطالعہ میں رہی اور اس میں بھی کئی چشم کشا انکشافات ہیں۔
اصل میں بات یہ ہے کہ ہمارے معاشرے میں لوگ کسی عالم دین سے یہ توقع ہی نہیں رکھتے کہ وہ کسی جدید اور سائنسی موضوع پر قلم اٹھا سکتا ہے،لیکن مولانا عاصم عمر صاحب نے قلم اٹھایا اور خوب اٹھایا، میں تمام ہی قارئین سے یہ گزارش کرونگا کہ وہ کوشش کر کے یہ کتابیں ضرور مطالعہ کریں اور کتابوں کو ڈاؤن لوڈ نہ کریں بلکہ اگر خرید کے پڑھیں تو زیادہ بہتر ہے کہ یہ ایک خدمت بھی ہوگی۔