Rivayat Main Ata Hai Ke Aik Martaba Hazrat Moosa (A.S) Ne Allah Talah Se Poocha Ke Ae Khuda App Ne Chupkali (Lizard) Ko Kio Paida Kiya. Yeh To Kisi Kaam Ki Nahi Aur Badsoorat Bhi Hai Aur Na Hi Is Ka Koi Faida Hai. Hazrat Moosa (A.S) Ke Is Sawal Per Allah Talah Ne Farmaya Ae Moosa, Kamal Hai Kal Chupkali (Lizard) Bhi Mujh Se Yehi Sawal Kar Rahi Thi Ke Ae Khuda App ne Moosa (A.S) Ko Kio Paida Kia. Conclusion: Is Riwayat Se Hame Yeh Nasihat Milti Hai Ke Allah Tala Ne Is Duniya Main Koi Bhi Cheez Be Bunyad Paida Nahi Ki. Hum Nahi Jante Magar Allah Behtar Janne Wala Hai. Woh Seep Se Moti Nikalne Wala Aur Tamam Kainat Ka Khaliq Hai. Tamam Duniya Ke Raaz Wohi Behtar Janta Hai. Yeh Sab Us Hi Ki Kudrat Ka Karishma Hai Ke Us Ne Kisi Ko Kala To Kisi Ko Sufaid Banaya Kisi Ko Khoobsoorat To Kisi Ko Badsoorat Paida Kiya. Koi Bohat Ameer Hai To Koi Bohat Gareeb. Bas Zaroorat Is Baat Ki Hai Ke Hum Allah Talah Ka Har Haal Main Shukar Ada Kare Aur Us Hi Se Mange Na Kisi Ko haqeer jane Aur Na Hi Kisi Ki Kami Aur Gurbat Ka Mazak Uraye. Beshak Wohi Rizk Dene Wala Hai. Allah Hame Quran Pak Per Amal Karne Aur Us Ke Pyare Nabi (SAW) Ki Ataat Aur Muhabbat Naseeb Farmaye. (Ameen) Note: " Tehreer Main Koi Ghalti, Kotahi Ya Kami Beshi Ho Gayi Ho To Allah Ke Hazoor Mafi Ka Khuastgaar Hoon.Allah Apni Raheemi Karimi Se Maaf Farmaye"