کینیڈا٬ حیران کن حقائق جو آپ نہیں جانتے

کینیڈا کا نام سنتے ہی آپ کے ذہن میں سب سے پہلے کس بات کا خیال آتا ہے؟ جھیلوں کا٬ سرد ترین ملک کا یا پھر کم آبادی والے ملک کا؟ یقیناً ایسا کوئی خیال نہیں آتا ہوگا- لیکن آج ہم اپنے اس آرٹیکل کے ذریعے کینیڈا کے حوالے سے آپ کی سوچ ضرور بدل دیں گے- جی ہاں ہمارا یہ آرٹیکل کینیڈا سے متعلق ایسے حیران حقائق پر مبنی ہے جس سے بیشتر دنیا ناواقف ہے-

کینیڈا میں خواندگی کی شرح دنیا کے کسی بھی ملک کے مقابلے میں سب سے زیادہ ہے- کینیڈا کے نصف سے زائد بالغ افراد کالج ڈگری رکھتے ہیں-

کینیڈا کی تاریخ کا سب سے کم درجہ حرارت منفی 63 ڈگری سینٹی گریڈ ہے- یہ ناقابلِ یقین درجہ حرارت 1947 میں کینیڈا کے گاؤں Snag میں ریکارڈ کیا گیا-

کینیڈا ایک ایسا ملک ہے جہاں دنیا کی سب سے زیادہ جھیلیں پائی جاتی ہیں-

کینیڈا کے صوبے Manitoba کے قصبے Churchill کے رہائشی کبھی بھی اپنے گھر اور گاڑیوں کو تالا نہیں لگاتے کیونکہ یہ عمل انہیں بھوکے قطبی ریچھوں سے بچنے میں مدد فراہم کرتا ہے-

لفظ کینیڈا ایک Iroquoian لفظ “Kanata” سے حاصل کیا گیا ہے جس کے معنی گاؤں کے ہیں-

کینیڈا اور امریکہ کی سرحد دنیا کی دو ممالک کے درمیان قائم سب سے طویل سرحد ہے- اس کا سرکاری نام بین الاقوامی سرحد رکھا گیا ہے-

سوویت یونین اور امریکہ کے بعد کینیڈا تیسرا ایسا ملک ہے جو خلا میں پہنچا-

دلچسپ بات یہ ہے کہ کینیڈا کے پورے ملک کی آبادی ٹوکیو شہر سے بھی کم ہے- کینیڈا کی آبادی 35.6 ملین ہے جبکہ جاپان کے شہر ٹوکیو کی آبادی 37 ملین افراد پر مشتمل ہے-

آپ کو یہ جان کر بھی حیرت ہوگی کہ امریکہ میں غیر قانونی ویزے پر رہنے والے سب سے زیادہ باشندے کینیڈا کے ہی ہیں- تقریبا 93 ہزار کینیڈین باشندے ایسے ہیں جو کہ جنوبی سرحد کے ساتھ رہائش پذیر ہیں اور ان کے ویزوں کی مدتِ معیاد ختم ہوچکی ہے-