گزشتہ ہفتے کا پاکستان تصاویر میں

 

پاکستان میں گزشتہ ہفتے رونما ہونے والے چند اہم واقعات کی تصویری جھلکیاں
 

اسلام آباد کے پریس کلب کے سامنے گزشتہ دس دن سے جاری پشتون قومی جرگے کا احتجاج حکومت سے پانچ نکات پر مبنی معاہدے پر اتفاق رائے کے بعد سنیچر دس فروری کی شام کو اختتام پذیر ہوا۔
 
فیصل آباد میں ملبوسات کے ایک مشہور برانڈ کی دکان کے ٹرائی روم میں نصب پوشیدہ کیمرے کے ذریعے خواتین کی ویڈیو بنانے کے الزام میں دو افراد کو گرفتار کر کے مقدمہ درج کر لیا گیا۔
 
مردان میں مشال خان قتل کے جرم میں 31 ملزمان کو سزا دینے کے خلاف نو فروری کو احتجاجی مظاہرہ ہوا اور جلوس نکالا گیا جبکہ رہا ہونے والے افراد کو خوش آمدید کہا گیا۔
 
خیبر پختونخوا کے شہر ہری پور کی جیل میں انسداد دہشت گردی عدالت کے جج نے سات فروری کو مشال خان قتل کیس کا فیصلہ سناتے ہوئے مقتول پر گولی چلانے والے عمران علی کو سزائے موت جبکہ پانچ دیگر مجرمان کو 25، 25 سال قید کی سزا سنائی۔
 
پاکستان میں اسلامی نظریاتی کونسل کے چیئرمین قبلہ ایاز کا کہنا ہے کہ بیک وقت تین طلاقوں کو قابلِ سزا جرم قرار دیا جائے گا اور اس سلسلے میں سفارشات کو جلد ہی پارلیمان میں پیش کر دیا جائے گا۔
 
پاکستان کی سپریم کورٹ نے جعلی ڈگری سکینڈل سے متعلق از خود نوٹس میں اسلام آباد ہائی کورٹ اور سندھ ہائی کورٹ کے چیف جسٹس صاحبان کو حکم دیا کہ وہ ایگزیکٹ کمپنی کے مالکان کے خلاف درج ہونے والے مقدمات کا فیصلہ دو سے تین ہفتوں میں کریں۔
 
پاکستان میں سینیٹ کے انتخابات سے پہلے متحدہ قومی مومنٹ میں امیدواروں کی نامزدگی کے معاملے پر اختلافات گزشتہ ہفتے بھی برقرار رہے۔
 
اسلام آباد ہائی کورٹ نے سیکریٹری دفاع کو حکم دیا کہ وہ عدالت میں تحریری جواب جمع کروائیں اور یہ بتائیں کہ فیض آباد پر دھرنے کے شرکا اور حکومت کے درمیان طے پانے والے معاہدے میں آرمی چیف کا نام کیسے استعمال ہوا؟
 

نیشنل کالج آف آرٹس راولپنڈی کی انتظامیہ نے سنہ 2015 میں خواجہ سراؤں کو دیے جانے والے ملک کے پہلے کیفے کو بند کرنے کے بعد خواجہ سراؤں کو کیفے کا سامان سمیٹنے کا نوٹس دیا۔


Partner Content: BBC URDU

Email
Rate it:
Share Comments Post Comments
12 Feb, 2018 Total Views: 2003 Print Article Print
NEXT 
Reviews & Comments
Post your Comments Language:    
Type your Comments / Review in the space below.
Our selection of some of the most striking news photographs taken around the Pakistan last week.
MORE ON ARTICLES
MORE ON HAMARIWEB