نوکری چھوڑنے کے پانچ عجیب و غریب انداز

جمعرات کو ایک عجیب واقعہ ہوا جب امریکی صدر ڈونلڈ ٹرمپ کا ٹوئٹر اکاؤنٹ اچانک ہی ڈلیٹ ہو گیا اور تقریباً گیارہ منٹ بعد اسے بحال کیا گیا۔ اس واقعہ کے بعد سوشل میڈیا پر خوب باتیں ہونے لگیں۔ کچھ کو لگا کہ شاید انکا اکاؤنٹ ہیک کر لیا گیا تو کچھ کو لگا تکنیکی خرابی ہو گئی۔
 

image


لیکن جب اس واقعہ کی حقیقت سے پردہ اٹھا تو معلوم ہوا کہ یہ کارنامہ ٹوئٹر کے ایک ملازم کا تھا۔اس شخص کا ٹوئٹر کمپنی میں ملازمت کا آخری دن تھا اور نوکری چھوڑنے سے پہلے اس نے اس دن کو یادگار بنا دیا۔

نوکری چھوڑنا ہمارے کریئر کا ایک بڑا اور اہم فیصلہ ہوتا ہے۔ کئی مرتبہ دفتر سے پریشان ہوکر، تنخواہ کم ہونے پر یا پھر ساتھیوں کے ساتھ تال میل ٹھیک نہ ہونے پر نوکری چھوڑنے کا فیصلہ کرنا پڑتا ہے۔

لیکن کئی مرتبہ ہم خوشی خوشی نوکری چھوڑتے ہیں یا تو ریٹائرمنٹ پر یا بہتر نوکری مل جانے پر، حالات چاہے جو بھی ہوں سب سے اہم یا مشکل ہوتی ہے اپنے باس یا ساتھیوں کو نوکری چھوڑنے کی خبر دینا۔
ہم آپکو نوکری چھوڑنے کے سب سے عجیب و غریب پانچ واقعات بتاتے ہیں۔
 

image

2010 میں سٹیون سلیٹر نام کے ایک مرد ائر ہوسٹس پرواز کے دوران مسافروں سے اتنے پریشان ہوئے کہ انھوں نے پیٹربرگز سے نیویارک جانے والی پرواز کے دوران ہی نوکری چھوڑ دی۔

سٹیون مسافروں کو بار با رسمجھا تے رہے کہ وہ زیادہ سامان لیکر جہاز پر سوار نہ ہوں کئی لوگوں نے انکی درخواست کو نظر انداز کیا۔ اس کے بعد سٹیون نے پرواز کے درمیان ہی انٹر کام پر اپنی ملازمت چھوڑنے کا اعلان کرتے ہوئے کہا کہ 'ان سبھی کا بہت بہت شکریہ جنہوں نے پچھلے بیس سال تک میرا ساتھ دیا'۔ حالانکہ اس طرح نوکری چھوڑنے پر انہیں اپنی کمپنی کو دس ہزار ڈالر کا جرمانہ ادا کرنا پڑا۔

2013 میں کرس نام کے ایک شخص نے جو ہومز ہوائی اڈے پر سرحدی فوج میں کام کرتے تھے ملازمت چھوڑنے کے اپنے فیصلے کا اعلان ایک کیک کے ذریعے کیا۔ کرس کا کہنا تھا کہ وہ اپنی نوکری سے بیزار ہو چکے تھے اب وہ کیک بنانے کا کاروبار کرتے ہیں۔
 

image

ماریا شفرین ایک اینی میٹر کا کام کرتی تھیں انہوں نے اپنی نوکری چھوڑنے کی خبر یو ٹیوب پر ایک ڈانس ویڈیو پوسٹ کر کے دی۔

انکا کہنا تھا کہ یہ ڈانس میرے باس کے لیے ہے جنہیں ہمیشہ اس بات کی فکر رہتی تھی کہ ہر ویڈیو کو کتنے لوگوں نے دیکھا۔

2011 میں روہڈز آئلینڈ میں ایک ہوٹل کے ملازم نے جب نوکری چھوڑنے کا فیصلہ کیا تو پورے بینڈ باجے کے ساتھ آئے اور باس کے ہاتھ میں استفعی تھما دیا۔ انکا یہ ویڈیو بھی وائرل ہو گیا اور اسے سات لاکھ لوگوں نے دیکھا۔ آج وہ ایک نئے بینڈ کے ساتھ کام کرتے ہیں اور گانے بھی گاتے ہیں۔
 

image

آسٹریلیا کی ایک اخبار میں کام کرنے والے لیوک بینج کو جب معلوم ہوا کہ انکی جگہ کسی اور کو رکھا جا رہا ہے تو انھوں نے نوکری چھوڑنے کا عجیب طریقہ اپنایا اخبار کے ساتھ اپنے آخری ایڈیشن کو ہائی جیک کر کے انھوں اس پر فحش تصاویر لگا دیں اور فرنٹ پیج پر اپنا برہنہ کارٹون بنا کر لگایا۔


Partner Content: BBC URDU

YOU MAY ALSO LIKE:

If you’ve ever left a job, chances are you spent a fair amount of time envisioning yourself delivering an impassioned speech followed by a speedy exit. But then you probably came to your senses and gave two weeks notice. Knowing you’d need a reference down the road, you probably cited fairly vague and mundane reasons for leaving, like a new opportunity or personal issues.