دنیا کی قدیم ترین عمارات

بلاشبہ گزشتہ چند سالوں کے دوران ماڈرن ٹیکنالوجی نے بےپناہ ترقی کی ہے- اور یہ ترقی ہر شعبے میں دیکھی گئی ہے- اگر ہم بات کریں بلند و بالا اور شاندار عمارات کی تو ہمیں اس دنیا میں بھی ماڈرن ٹیکنالوجی کے کئی کمال دکھائی دیں گے- لیکن اگر ہزاروں سال پہلے کے دور میں جھانکیں تو اس کی چند نشانیاں قدیم عمارات کی صورت میں ہمیں آج بھی دکھائی دیتی ہیں- ٹیکنالوجی نہ ہونے کے باوجود قدیم دور میں بھی ایسی عمارات تعمیر کی گئی جو اپنی مثال آپ ہیں-
 

Treasury of Atreus
یہ قدیم مقبرہ ہے جس کی تاریخ 1250 قبل مسیح سے جاملتی ہے- یہ مقبرہ یونان میں واقع ہے- یہ اپنے وقت کا دنیا کا سب سے بلند ترین اور وسیع ترین گنبد کا حامل مقبرہ تھا- اس یونانی یادگار کو دنیا کی سب سے متاثر کن یادگاروں میں شمار کیا جاتا ہے-

Tarxien Temples
یہ ایک قدیم ترین مندر ہے جو کہ مالٹا میں واقع ہے- یہ مندر 3150 قبل مسیح میں تعمیر کیا گیا جبکہ 1980میں اسے یونیسکو نے عالمی ثقافتی ورثے میں شامل کرلیا- یہ مندر 3 مختلف حصوں میں تعمیر ہے لیکن ان سب کو ایک دوسرے سے منسلک کردیا گیا ہے-

Newgrange
یہ آئرلینڈ کی سب سے قدیم ترین عمارت ہے جو کہ 5100 سال قبل تعمیر کی گئی تھی- یہ عمارت اہرامِ مصر سے بھی زیادہ پرانی ہے- اس عمارت میں کئی چیمبرز قائم ہیں جن میں سے انسانی ہڈیاں اور قبریں دریافت ہوچکی ہیں- ماہرین کا خیال ہے کہ یہ عمارت ماضی میں کوئی مذہبی مقام رہا ہے-

La Hougue Bie
یہ جرسی میں واقع ایک تاریخی مقام ہے جس کی تاریخ 3500 قبل مسیح سے جاملتی ہے- دوسری جنگِ عظیم کے دوران اس مقام سے دشمنوں پر نظر رکھی جاتی تھی اس کے علاوہ یہ زیرِ زمین بنکر کے طور پر بھی اپنی خدمات سرانجام دیتا تھا-

Knap of Howar
یہ یورپ کا قدیم ترین پتھروں سے تعمیر کردہ گھر ہے- ماہرین کے مطابق یہ گھر 5500 سال پرانا ہے- تاہم اب یہ مقام اسکاٹ لینڈ کے زیرِ انتظام ہے- اور یہ دنیا کی تیسری سب سے قدیم ترین عمارت ہے-